(ସତ୍ୟପାଠ ବ୍ୟୁରୋ) ଭୁବନେଶ୍ବର : କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ବି.ଏସ୍ ୟେଦ୍ୟୁରପ୍ପା ତାଙ୍କୁ କ୍ୟାବିନେଟ୍ ମାନ୍ୟତା ପ୍ରଦାନ କରିଥିବା ଆଦେଶ ପ୍ରତ୍ୟାହାର କରିବାକୁ ମୁଖ୍ୟମନ୍ତ୍ରୀ ବାସଭାରାଜ ବମ୍ମାଇଙ୍କୁ ଅନୁରୋଧ କରିଛନ୍ତି । ଜୁଲାଇ ୨୬ରେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବା ପରେ ତାଙ୍କ ଠାରୁ କ୍ୟାବିନେଟ୍ ରାଙ୍କ୍ ମଧ୍ୟ କାଢ଼ି ନେବାକୁ କର୍ଣ୍ଣାଟକା ସରକାରଙ୍କୁ ଅନୁରୋଧ କରିଛନ୍ତି ୟେଦ୍ୟୁରାପ୍ପା।
ୟେଦୁୟୁରପ୍ପା ରାଜ୍ୟ ସରକାରଙ୍କୁ କହିଛନ୍ତି ଯେ ମୋତେ କେବଳ ସେହି ସୁବିଧା ଯୋଗାଇ ଦିଅନ୍ତୁ ଯାହା ଜଣେ ପୂର୍ବତନ ମୁଖ୍ୟମନ୍ତ୍ରୀଙ୍କୁ ଦିଆଯାଉଛି। ସେ ମୁଖ୍ୟମନ୍ତ୍ରୀଙ୍କୁ ଚିଠି ଲେଖି ପ୍ରତ୍ୟାହାର କରିବାକୁ କହିଛନ୍ତି। ସୂଚନାଯୋଗ୍ୟ ଯେ ମୁଖ୍ୟମନ୍ତ୍ରୀ ବମ୍ମାଇ ଶନିବାର ଦିନ ୟେଦୁରୁପ୍ପାଙ୍କୁ ଜଣେ କ୍ୟାବିନେଟ ପାହ୍ୟାର ସୁବିଧା ପ୍ରଦାନ କରିବାକୁ ନିର୍ଦ୍ଦେଶ ଦେଇଥିଲେ। ବିଏସ୍ ୟେଡିୟୁରପ୍ପା ୨୬ ଜୁଲାଇରେ କର୍ଣ୍ଣାଟକ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି।
ଦୁଇ ଦିନ ପରେ, ବମ୍ମାଇ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ।ବର୍ତ୍ତମାନ ୟେଦ୍ୟୁରାପ୍ପାଙ୍କ କେବଳ ତାଙ୍କ ନିର୍ବାଚନ ମଣ୍ଡଳୀ ଶିକାରୀପୁରାର ବିଧାୟକ। ଏହା ଛଡ଼ା ତାଙ୍କ ପାଖରେ ଅନ୍ୟ କୌଣସି ସରକାରୀ ଦାୟିତ୍ୱ ନାହିଁ। ଗତ ଜୁଲାଇ ୨୬ ତାରିଖରେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ। ଏହାପରେ ଜୁଲାଇ ୨୮ ତାରିଖରେ କର୍ଣ୍ଣାଟକର ଉପମୁଖ୍ୟମନ୍ତ୍ରୀ ଥିବା ବାସବରାଜ ବୋମାଇ କର୍ଣ୍ଣାଟକାର ମୁଖ୍ୟମନ୍ତ୍ରୀ ହୋଇଥିଲେ। ବୋମାଇ ମୁଖ୍ୟମନ୍ତ୍ରୀ ହେବା ପରେ ୟେଦ୍ୟୁରପ୍ପାଙ୍କ ବିଧାୟକ ପୁଅ କ୍ୟାବିନେଟ ମନ୍ତ୍ରୀ ହୋଇପାରନ୍ତି ବୋଲି ଚର୍ଚ୍ଚା ହେଉଥିଲା। କିନ୍ତୁ ଏପରି ହୋଇପାରି ନାହିଁ।
ନୂଆ ମନ୍ତ୍ରିମଣ୍ଡଳ ଏବଂ କ୍ୟାବିନେଟ ସମସ୍ତ ଦିଗକୁ ଲକ୍ଷ୍ୟ ରଖି ତିଆରି କରାଯାଇଛି ବୋଲି ୟେଦ୍ୟୁରପ୍ପା ଶନିବାର କହିଥିଲେ। କର୍ଣ୍ଣାଟକ ସରକାରର ନୂତନ ମନ୍ତ୍ରିମଣ୍ଡଳରେ ୨୯ ଜଣ ବିଧାୟକ ସାମିଲ ହୋଇଛନ୍ତି।ଏହି କ୍ୟାବିନେଟରେ ୭ ଜଣ ଓବିସି, ୩ ଜଣ ଏସ୍ସି, ଜଣେ ଏସଟି, ୭ ଜଣ ଭୋକ୍କାଲିଗାସ, ୮ ଜଣ ଲିଙ୍ଗାୟତ, ଜଣେ ରେଡ୍ଡୀ ଓ ଜଣେ ମହିଳା ରହିଛନ୍ତି।
