ମାଙ୍ଗାଲୁରୁ(ସତ୍ୟପାଠ ବ୍ୟୁରୋ): ମାଙ୍ଗାଲୁରୁରେ ଆୟୋଜିତ ବଲିଉଡ ଅଭିନେତା ଶାହରୁଖ ଖାନଙ୍କ ଏକ କାର୍ଯ୍ୟକ୍ରମରେ, ଜଣେ ମହିଳା ପ୍ରଶଂସକ ତାଙ୍କ ହୃଦୟର କଥା ଖୋଲାଖୋଲି କହିଥିବା ଦେଖିବାକୁ ମିଳିଥିଲା। ସେ କହିଥିଲେ ଯେ, ତାଙ୍କ ସ୍ୱାମୀ ଅପେକ୍ଷା ଶାହରୁଖ ଖାନଙ୍କୁ ଅଧିକ ଭଲ ପାଆନ୍ତି। ଅଭିନେତା ହସି ହସି ଉତ୍ତର ଦେଲେ, “ୟେ ସବ୍ ଅକେଲେ ମେଁ ବତାନା ଚାହିୟେ ନା”। ଏହି ହୃଦୟସ୍ପର୍ଶୀ ଏବଂ ହାସ୍ୟପୂର୍ଣ୍ଣ ଆଲୋଚନା ସୋସିଆଲ ମିଡିଆରେ ଖୁବ ଭାଇରାଲ ହୋଇଛି। ବଲିଉଡ୍ ସୁପରଷ୍ଟାର ଶାହରୁଖ ଖାନ ଜୁନ୍ ୨୫ ତାରିଖରେ ରୋହନ କର୍ପୋରେସନ ଦ୍ୱାରା ଆୟୋଜିତ ଏକ ସ୍ୱତନ୍ତ୍ର କାର୍ଯ୍ୟକ୍ରମ ପାଇଁ ମାଙ୍ଗାଲୁରୁରେ ପହଞ୍ଚିଥିଲେ, ଯେଉଁଠାରେ ତାଙ୍କର ଉପସ୍ଥିତି ଶୀଘ୍ର ସୋସିଆଲ ମିଡିଆ ସେନସେସନ ପାଲଟିଥିଲା। ବିମାନବନ୍ଦରରେ ପହଞ୍ଚିବା ଠାରୁ ଆରମ୍ଭ କରି କାର୍ଯ୍ୟକ୍ରମ ସ୍ଥାନରେ ଉପସ୍ଥିତ ହେବା ପର୍ଯ୍ୟନ୍ତ, ଅଭିନେତାଙ୍କ ସହିତ ଜଡିତ ଅନେକ ଭିଡିଓ ଅନଲାଇନରେ ଭାଇରାଲ ହୋଇଛି, ଯାହା ତାରକାଙ୍କ ଏକ ଝଲକ ଦେଖିବା ପାଇଁ ପ୍ରଶଂସକଙ୍କ ଉତ୍ସାହକୁ କଏଦ କରିଛି।ଏହି ସମୟରେ ମହିଳା ପ୍ରଶଂସକଙ୍କ ‘ଲଭ୍ ୟୁ ମୋର୍ ଦ୍ୟାନ୍ ମାଇ ହଜବ୍ୟାଣ୍ଡ’ ମନ୍ତବ୍ୟ ସହ ଏସଆରକେଙ୍କ ଉତ୍ତର ଖୁବ ଭାଇରାଲ୍ ହୋଇଛି। ଏହି କାର୍ଯ୍ୟକ୍ରମରେ, ଶାହରୁଖ ଦର୍ଶକଙ୍କ ସହ କଥାବାର୍ତ୍ତା କରୁଥିବା ଏବଂ ତାଙ୍କର କିଛି ଲୋକପ୍ରିୟ ଗୀତରେ ନାଚିବା ଦେଖାଯାଇଥିଲା, ଯାହା ଭିଡ଼କୁ ଆହୁରି ଉତ୍ସାହିତ କରିଥିଲା।
