ଭୁବନେଶ୍ବର(ସତ୍ୟପାଠ ବ୍ୟୁରୋ): ୭୦ ଲକ୍ଷ ଟଙ୍କା ମୂଲ୍ୟର ସାତୋଟି BMW-3 ସିରିଜ୍ କିଣିବା ପାଇଁ ଟେଣ୍ଡର ଜାରି କରିଛନ୍ତି ଭାରତୀୟ ଲୋକପାଳ । ପ୍ରତ୍ୟେକ ମଡେଲର ମୂଲ୍ୟ ପ୍ରାୟ 70 ଲକ୍ଷ ଟଙ୍କା, ଯାହା ମୋଟ ମୂଲ୍ୟ 5 କୋଟି ଟଙ୍କା।ଜଣେ ଅଧ୍ୟକ୍ଷ ଏବଂ ଅନ୍ୟ ଛଅ ଜଣ ସଦସ୍ୟଙ୍କୁ ନେଇ ଗଠିତ ସାତ ସଦସ୍ୟ ବିଶିଷ୍ଟ ଦୁର୍ନୀତି ନିବାରଣ ସଂସ୍ଥା ଅକ୍ଟୋବର ୧୬ ତାରିଖରେ ଟେଣ୍ଡର ପ୍ରକାଶ କରିଥିବାର ସୁଚନା ମିଳିଛି । ସେପଟେ ଏ ଖବର ସାମ୍ନାକୁ ଆସିବା ପରେ ସାରା ଦେଶରେ ଚର୍ଚ୍ଚାର ବିଷୟ ପାଲଟିଛି ।
ତେବେ ଟେଣ୍ଡର ଅନୁଯାୟୀ, ଦେଶର ଦୁର୍ନୀତି ବିରୋଧୀ ଲୋକପାଳ ଚାହାଁନ୍ତି ଯେ କାରଗୁଡ଼ିକ ଦୁଇ ସପ୍ତାହ ମଧ୍ୟରେ ଆଣିବାକୁ ନୁହେକି ଲୋକପାଳଙ୍କ ଦ୍ୱାରା ଯୋଗାଣ ଅର୍ଡର ଜାରି ହେବାର 30 ଦିନ ପରେ । ଲୋକପାଳ ଏବଂ ଲୋକାୟୁକ୍ତ ଆଇନ 2013 ଅନ୍ତର୍ଗତ ଭାରତର ଲୋକପାଳ ହେଉଛି ଭାରତରେ ଏହି ପ୍ରକାରର ପ୍ରଥମ ପ୍ରତିଷ୍ଠାନ । ଯାହା ଉପରୋକ୍ତ ଆଇନର ପରିସରଭୁକ୍ତ ସରକାରୀ ଅଧିକାରୀଙ୍କ ବିରୁଦ୍ଧରେ ଦୁର୍ନୀତି ଅଭିଯୋଗର ତଦନ୍ତ କରିବା ପାଇଁ ପ୍ରତିଷ୍ଠିତ ହୋଇଛି।ଟେଣ୍ଡର ପ୍ରକ୍ରିୟା ବର୍ତ୍ତମାନ ସାଧାରଣ ନିଲାମ ପାଇଁ ଖୋଲା ଅଛି। ଏହାକୁ ଅନଲାଇନରେ ତୀବ୍ର ସମାଲୋଚନା କରାଯାଇଛି । ଏପରିକି ଓକିଲ-କର୍ମୀ ପ୍ରଶାନ୍ତ ଭୂଷଣ ଏବଂ କଂଗ୍ରେସ ନେତାମାନେ ଦୁର୍ନୀତି ନିବାରଣ ସଂସ୍ଥା ଉପରେ ବୟାନ ବାଜି କରିଥିବାର ଦେଖିବାକୁ ମିଳିଛି । ।
