ବରଗଡ଼ : ବରଗଡ଼ ଜିଲ୍ଲା ବରପାଲି ବ୍ଲକ ବରିକେଲ ଗାଁରେ ବଜ୍ରାଘାତ । ଫଳରେ ଚାଲିଯାଇଛି ୨ ଜଣଙ୍କ ଜୀବନ । ଏଥିସହ ୫ ଜଣ ଗୁରୁତର ଆହତ ହୋଇଛନ୍ତି । ମୃତକ ଦୁଇଜଣ ହେଲେ ବରିକେଲ ଗାଁର ଅବଦୂତ ଦୀପ ଓ ବୃହସ୍ପତି ଦୀପ । ଆହତଙ୍କୁ ପ୍ରଥମେ ବରପାଲି ହସ୍ପିଟାଲ ଓ ପରେ ବରଗଡ଼ ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି ।
ମୃତ ଓ ଆହତ ସମସ୍ତେ ବର୍ଷା ସମୟରେ ଗୋଟିଏ ପାନ ଦୋକାନରେ ଆଶ୍ରୟ ନେଇଥିବା ବେଳେ ହଠାତ ବଜ୍ରପାତ ହୋଇଥିଲା ଓ ସମସ୍ତେ ପଡିଯାଇଥିଲେ । ଗ୍ରାମବାସୀ ତୁରନ୍ତ ସମସ୍ତଙ୍କୁ ବରପାଲି ଡାକ୍ତରଖାନାକୁ ଚିକିତ୍ସା ପାଇଁ ନେଇଥିଲେ । ସେଠାରେ ଡାକ୍ତର ଦୁଇଜଣଙ୍କୁ ମୃତ ଘୋଷଣା କରିଥିବା ବେଳେ ଆହତଙ୍କୁ ପ୍ରାଥମିକ ଚିକିତ୍ସା ପରେ ବରଗଡ଼ ମୁଖ୍ୟ ଡାକ୍ତରଖାନାକୁ ପଠାଇ ଦେଇଛନ୍ତି । ସେହିପରି ପାଟକୁଳୁଣ୍ଡା ଗାଁରେ ୮ ଛେଳି ଓ ଗୋଟିଏ ବଳଦର ମୃତ୍ୟୁ ।
