ଭୁବନେଶ୍ୱର (ସତ୍ୟପାଠ ବ୍ୟୁରୋ): CJPର ବିରୋଧ ପ୍ରଦର୍ଶନ ଆଉ ଆନ୍ଦୋଳନକାରୀଙ୍କ ଉପରେ ପୋଲିସର ବର୍ବର ଆକ୍ରମଣ ମଧ୍ୟରେ ସୋନମ ୱାଙ୍ଗଚୁକଙ୍କ ଏକ ବଡ଼ ବୟାନ ସାମ୍ନାକୁ ଆସିଛି। ଏଥିରେ ସେ ନିଜର ଅନଶନ ଜାରି ରଖିବେ ବୋଲି କହିଛନ୍ତି। ସେ ହସ୍ପିଟାଲରୁ ଏକ ଟିସୁ ପେପରରେ ଅସ୍ପଷ୍ଟ ହସ୍ତାକ୍ଷରରେ ଜନସାଧାରଣଙ୍କୁ ନିବେଦନ କରିଛନ୍ତି। ୱାଙ୍ଗଚୁକ ସ୍ପଷ୍ଟ କରିଦେଇଛନ୍ତି ଯେ ସେ ନିଜର ଅନଶନ ଜାରି ରଖିବେ।
ସୋନମ ୱାଙ୍ଗଚୁକ ନିଜ ପକ୍ଷ ରଖି ଲେଖିଛନ୍ତି ଯେ, ‘ମୁଁ ମୋର ଅନଶନ ଜାରି ରଖିବି। ଶାନ୍ତିପୂର୍ଣ୍ଣ ଭାବେ ବିରୋଧ ପ୍ରଦର୍ଶନ କରୁଥିବା ଯୁବକମାନଙ୍କ ସହ ଯେଉଁଭଳି ବର୍ବରତା କରାଯାଉଛି, ତାହାକୁ ଦୃଷ୍ଟିରେ ରଖି ମୁଁ ନିଷ୍ପତ୍ତି ନେଇଛି ଯେ, ଯେପର୍ଯ୍ୟନ୍ତ ଯୁବକମାନଙ୍କୁ ସଂସଦ ଭବନରେ ସାଂସଦମାନଙ୍କୁ ଭେଟିବା ପାଇଁ ଅନୁମତି ନ ମିଳିଛି, ସେପର୍ଯ୍ୟନ୍ତ ମୁଁ ମୋର ଅନଶନ ଜାରି ରଖିବି।’
ୱାଙ୍ଗଚୁକ ଲେଖିଥିବା ଚିଠିରେ କହିଛନ୍ତି, ‘ହିଂସା ଉସୁକାଇବା ସତ୍ତ୍ୱେ ଯୁବକମାନେ ଯେଉଁଭଳି ଶାନ୍ତି ବଜାୟ ରଖିଛନ୍ତି, ସେଥିରେ ମୁଁ ବହୁତ ପ୍ରଭାବିତ ହୋଇଛି। ମୁଁ ସରକାର ଏବଂ ପୋଲିସ ବାହିନୀକୁ ନିବେଦନ କରୁଛି ଯେ, ସେମାନେ ଛାତ୍ରମାନଙ୍କୁ ଆଜି କିମ୍ବା କାଲି ସଂସଦ ସାମ୍ନାରେ ନିଜର ଅଭିଯୋଗ ରଖିବା ପାଇଁ ଅନୁମତି ଦେଇ ଏହି ପ୍ରସଙ୍ଗର ସମାଧାନ କରନ୍ତୁ। ମୋର ବିଶ୍ୱାସ ଅଛି ଯେ, ଯୁବ ପ୍ରଦର୍ଶନକାରୀମାନେ କାଲି ମଧ୍ୟ ସେହିଭଳି ଧୌଯ୍ୟ ଏବଂ ସହନଶୀଳତା ଦେଖାଇବେ, ଯାହା ସେମାନେ ଆଜି ଦେଖାଇଛନ୍ତି।’
