ଭୁବନେଶ୍ୱର(ସତ୍ୟପାଠ ବ୍ୟୁରୋ): ଉତ୍ତରପ୍ରଦେଶ ବିଧାନସଭା ନିର୍ବାଚନରେ ଚଳିତ ଥର ଭାରତୀୟ ଜନତା ପାର୍ଟି ସଂଖ୍ୟାଗରିଷ୍ଠତା ହାସଲ କରି ସରକାର ଗଠନ କରିଛି । ସେପଟେ ପରାଜୟ ପରେ ବିରୋଧୀ ନେତାଙ୍କ ମଧ୍ୟରେ ପରସ୍ପରକୁ ନେଇ ବୟାନ ବାଜି ଆରମ୍ଭ ହୋଇଥିବାର ଦେଖିବାକୁ ମିଳିଛି । ତେବେ ଏସପି ମୁଖ୍ୟ ଅଖିଳେଶ ଯାଦବ ଏବଂ ପିଏସପି ସଭାପତି ଶିବପାଲ ଯାଦବଙ୍କ ମଧ୍ୟରେ କଳହ ଆରମ୍ଭ ହୋଇଛି। ଏହା ପରେ ଶିବପାଲ ଶୀଘ୍ର ବିଜେପିରେ ଯୋଗ ଦେଇପାରନ୍ତି ବୋଲି ରାଜନୈତିକ ମହଲରେ ଚର୍ଚ୍ଚା ଜୋର ଧରିଛି। ଏହି ପ୍ରସଙ୍ଗରେ ଅଖିଳେଶ ଯାଦବଙ୍କ ସହଯୋଗୀ ମହାନ୍ ଦଳର ନେତା କେଶବ ଦେବ ମୌର୍ଯ୍ୟ ପିଏସପି ସଭାପତି ଶିବପାଲ ଯାଦବଙ୍କୁ ନେଇ ବଡ଼ ବୟାନ ଦେଇଥିବାର ଦେଖିବାକୁ ମିଳିଛି । ତେବେ ବିଜେପି ତାଙ୍କୁ ଏପରି ହିଁ ବଙ୍ଗଳା ଦେଇ ନାହିଁ । ବିଜେପି ସହ ତାଙ୍କର ସମ୍ପର୍କ ପୁରୁଣା। ଯେତେବେଳେ ସୁପ୍ରିମକୋର୍ଟଙ୍କ ଦ୍ୱାରା ମାୟାବତୀଙ୍କ ବଙ୍ଗଳା ଖାଲି ହେଲା, ସେତେବେଳେ ଏହାକୁ ଶିବପାଲ ଯାଦବଙ୍କୁ କିପରି ଦିଆଗଲା? ଏଥିରୁ ବୁଝିହେବ ଯେ ବିଜେପି ଏବଂ ଶିବପାଲ ପରସ୍ପର ସହ ଜଡିତ ବୋଲି କହିଛନ୍ତି ।
ଏହା ସହ ମୋତେ ଏପର୍ଯ୍ୟନ୍ତ ବିଜେପି ସାହାଯ୍ୟ କରି ନାହିଁ । କାହିଁକିନା ମୁଁ ବିଜେପିର ନୀତିକୁ ବିରୋଧ କରେ । ସେପଟେ ଏସପି ମିଳିତ ମଞ୍ଚର ବିଧାନସଭା ପାର୍ଟିରେ ଅନୁଷ୍ଠିତ ବୈଠକ ପରେ ରାଗିଯାଇଥିବା ଶିବପାଲଙ୍କ ବିଷୟରେ କେଶବ ଦେବ ମୌର୍ଯ୍ୟ କହିଛନ୍ତି ଯେ କେବଳ ବାହାନା କରି ସେ ଏପରି କହୁଛନ୍ତି । ତାଙ୍କ ପତ୍ନୀଙ୍କ ବିଷୟରେ ସେ କହିଛନ୍ତି ଯେ ଯଦି ସେ ସମାଜବାଦୀ ପାର୍ଟିର ପ୍ରତୀକ ଉପରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥିବାରୁ କଣ ଏସପି ମୁଖ୍ୟଙ୍କ ନିର୍ଦ୍ଦେଶରେ ସମସ୍ତ କାର୍ୟ୍ୟ କରିବ ? ବୋଲି ପ୍ରଶ୍ନ କରିଛନ୍ତି । ଅନ୍ୟପଟେ ତାଙ୍କ ମତକୁ ଆଗକୁ ନେଇ କେଶବ ମୌର୍ଯ୍ୟ କହିଛନ୍ତି ଯେ ଏକ ମିଳିତ ମଞ୍ଚ ଭାବରେ ସେ ଏସପିର ଜଣେ ବିଧାୟକ ହୋଇଥାନ୍ତେ କିନ୍ତୁ ଏସପି ରାଷ୍ଟ୍ରୀୟ ସଭାପତିଙ୍କ ନିର୍ଦ୍ଦେଶରେ କାର୍ୟ୍ୟ କରିବେ ନାହିଁ ବୋଲି ଶିବପାଲ କହୁଛନ୍ତି । ଶିବପାଲ ଯାଦବଙ୍କୁ ନିମନ୍ତ୍ରଣ କରାଯାଇ ନ ଥିବା ସହମତ ହୋଇଥିବାବେଳେ ସେ କହିଛନ୍ତି ଯେ ଏସପି ତାଙ୍କୁ ବୈଠକକୁ ନିମନ୍ତ୍ରଣ ନକରି ସମ୍ପୂର୍ଣ୍ଣ ଠିକ୍ କରିଛନ୍ତି।
