(ସତ୍ୟପାଠ ବ୍ୟୁରୋ) ଭୁବନେଶ୍ବର : ପଶ୍ଚିମବଙ୍ଗ ପରେ ଏବେ ତ୍ରିପୁରାରେ ଟିଏମସି ଏବଂ ବିଜେପି ମଧ୍ୟରେ ରାଜନୈତିକ ବିବାଦ ଆରମ୍ଭ ହୋଇଯାଇଛି। ନିକଟରେ ଘଟିଥିବା ରାଜନୈତିକ ହିଂସା ଅଭିଯୋଗରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ପୁତୁରା ଅଭିଷେକ ବାନାର୍ଜୀ, ଡୋଲା ସେନ , ବାର୍ତ୍ୟା ବସୁ, କୁନାଲ ଘୋଷ, ସୁବାଲ ଭୋମିକ ଏବଂ ଶ୍ରୀପ୍ରକାଶ ଦାସଙ୍କ ସମେତ ଅନ୍ୟ କିଛି ବରିଷ୍ଠ ଟିଏମସି ନେତାଙ୍କ ନାଁରେ ତ୍ରିପୁରା ପୁଲିସ୍ ମାମଲା ରୁଜୁ କରିଛି। ଏହି ଟିଏମସି ନେତାମାନା ସେମାନେ ଅତିରିକ୍ତ ଏସପି ଏବଂ ଏସଡିପିଓ ଖୋୱାଇଙ୍କ ସହ ଅସଦାଚରଣ କରିବା ଏବଂ ସେମାନଙ୍କ କାର୍ଯ୍ୟରେ ବାଧା ସୃଷ୍ଟି କରୁଥିବା ଅଭିଯୋଗ କରାଯାଇଛି। ଏଫଆଇଆର୍ରେ କୁହାଯାଇଛି ଯେ ରବିବାର ପୁଲିସ୍ ପ୍ରଥମେ ୧୪ ଜଣ ଟିଏମସି ନେତା ଓ କର୍ମୀଙ୍କୁ ବିଶୃଙ୍ଖଳା ଆଚରଣ ପାଇଁ ଗିରଫ କରିଥିଲା। ଏହାପରେ ମନ୍ତ୍ରୀ ବାର୍ତ୍ୟା ବାସୁ ଓ ଡୋଲା ସେନ ଖୋୱାଇ ପୁଲିସ୍ ଷ୍ଟେସନରେ ପହଞ୍ଚିଥିଲେ। ଏହାର କିଛି ସମୟ ପରେ ଅଭିଷେକ ବାନାର୍ଜୀ ମଧ୍ୟ ସେଠାରେ ପହଞ୍ଚିଥିଲେ।
ଘଟଣା କଣ ?
ନିକଟରେ ଟିଏମସିର ତିନିଜଣ ଯୁବ ନେତା ଦେବଙ୍ଗସୁ ଭଟ୍ଟାଚାର୍ଯ୍ୟ, ସୁଦୀପ ରାଧା ଏବଂ ଜୟା ଦତ୍ତ ପାର୍ଟି କାର୍ଯ୍ୟକ୍ରମରେ ତ୍ରିପୁରା ଯାଇଥିଲେ। ଏହି ସମୟରେ ସେମାନଙ୍କୁ ରାସ୍ତାରେ ଅଟକାଇ ଆକ୍ରମଣ କରାଯାଇଥିବା ଅଭିଯୋଗ ହୋଇଥିଲା । ଟିଏମସି ନେତାମାନେ ଅଭିଯୋଗ କରିଛନ୍ତି ଯେ ସେମାନଙ୍କ କାରକୁ ଅଟକାଇ ଅମ୍ବାସା ରୋଡରେ ଆକ୍ରମଣ କରାଯାଇଥିଲା। ସେ ଆହୁରି ମଧ୍ୟ ଅଭିଯୋଗ କରିଛନ୍ତି ଯେ ଅଗରତାଲା ପରେ ଧର୍ମାନଗଡରେ ଗୁଳି ବିନିମୟ ସାଙ୍ଗକୁ ଅଭିଷେକ ବାନାର୍ଜୀଙ୍କୁ ମଧ୍ୟ କଳା ପତାକା ଦେଖାଯାଇଥିଲା। ଅଭିଯୋଗ ହୋଇଛି ଯେ ଜଣେ ବିଜେପି କର୍ମୀ ଟିଏମସି ନେତାଙ୍କ କାର ଉପରେ ଆକ୍ରମଣ କରିଥିଲେ। ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ସୂଚନାଯୋଗ୍ୟ, ଟିଏମସି ୨୦୨୩ ତ୍ରିପୁରା ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ନିଜର ସଂଗଠନକୁ ସେଠାରେ ବୃଦ୍ଧି କରିବାକୁ ଚାହୁଁଛି। ଏଥିପାଇଁ ଦଳର ନେତା ମାନେ ତ୍ରିପୁରା ମିସନରେ ଅଛନ୍ତି।
