ଭୁବନେଶ୍ୱର,୨୪/୧୨(ସତ୍ୟପାଠ ବ୍ୟୁରୋ): ସିଙ୍ଗାପୁରର ମାଉଣ୍ଟ ଏଲିଜାବେଥ୍ ହସ୍ପିଟାଲରୁ ଡିସଚାର୍ଜ ହୋଇଛନ୍ତି ଆରଜେଡି ସୁପ୍ରିମୋ ତଥା ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବ। ଏଠାରେ ଗତ ଡିସେମ୍ବର ୫ ତାରିଖ ଦିନ ଲାଲୁଙ୍କ କିଡନୀ ଟ୍ରାନ୍ସପ୍ଲାଣ୍ଟ ହୋଇଥିଲା। ଏବେ ତାଙ୍କ ସ୍ୱାସ୍ଥ୍ୟରେ ବେଶ୍ ସୁଧାର ଆସିଛି। ତେବେ ଡିସଚାର୍ଜ ହେବାପରେ ମଧ୍ୟ ଡାକ୍ତରଙ୍କ ସହ ସମ୍ପର୍କରେ ରହିବା ପାଇଁ ତାଙ୍କୁ ପରାମର୍ଶ ଦିଆଯାଇଛି। ରିପୋର୍ଟ ଅନୁସାରେ ତାଙ୍କ ସ୍ୱାସ୍ଥ୍ୟରେ ଦ୍ରୁତ ସୁଧାର ହେଉଛି।
ଲାଲୁଙ୍କୁ କିଡନୀ ଦାନ କରିଥିବା ତାଙ୍କ ଝିଅ ରୋହିଣୀ ଆଚାର୍ଯ୍ୟଙ୍କୁ କିଛି ଦିନ ପୂର୍ବରୁ ହସ୍ପିଟାଲରୁ ଡିସଚାର୍ଜ କରିଦିଆଯାଇଥିଲା। ସେ ଏବେ ସ୍ୱସ୍ଥ ଅଛନ୍ତି। ରୋହିଣୀ ଏବେ ସାମାନ୍ୟ ସତର୍କତା ସହିତ ସ୍ୱଭାବିକ ଦିନଚର୍ଯ୍ୟାକୁ ଫେରିଆସିଲେଣି।
ଉଲ୍ଲେଖଯୋଗ୍ୟ ଯେ, ଲାଲୁ ପ୍ରସାଦ ଯାଦବ ଅପରେସନ ପୂର୍ବରୁ ସିଙ୍ଗାପୁରରେ ଝିଅଙ୍କ ଘରେ ରହୁଥିଲେ। ଏବେ ଲାଲୁ ଯାଦବଙ୍କୁ ପ୍ରାୟ ୧୯ ଦିନ ପରେ ହସ୍ପିଟାଲରୁ ଛଡା ଯାଇଛି। ତେବେ ତା ପୂର୍ବରୁ ଲାଲୁ ଯାଦବ ଡାକ୍ତରଙ୍କ ତତ୍ୱାବଧାନରେ ହସ୍ପିଟାଲରେ ଚାଲବୁଲ କରୁଥିଲେ।
ଲାଲୁ ଯାଦବଙ୍କୁ ତାଙ୍କ ଝିଅ ଗୋଟିଏ କିଡନୀ ଦାନ କରିଛନ୍ତି। ଏଣୁ ଲାଲୁଙ୍କ ପୂର୍ବରୁ ତାଙ୍କର ଅପରେସନ ହୋଇଥିଲା। କୁହାଯାଉଛି ହସ୍ପିଟାଲରୁ ଡିସଚାର୍ଜ ପରେ ଲାଲୁ ଯାଦବ କିଛି ଦିନ ସିଙ୍ଗାପୁରରେ ଅବସ୍ଥାନ କରିବେ । ସମ୍ପୂର୍ଣ୍ଣ ସୁସ୍ଥ ହେବାକୁ ଏବେ ତାଙ୍କୁ ଆଉ କିଛି ସମୟ ଲାଗିବ। ଏଣୁ ସେ ପର୍ଯ୍ୟନ୍ତ ସେ ସିଙ୍ଗାପୁରରେ ଝିଅଙ୍କ ଘରେ ହିଁ ଅବସ୍ଥାନ କରିବେ।
