ଚିଲିକା : ଆଜି ସକାଳେ ଚିଲିକାରେ ଘଟିଛି ଏକ ଅଘଟଣ | ଚିଲିକା ମଝିରେ ଅଟକି ଯାଇଛି ଏକ ଡଙ୍ଗା। ତେବେ ଯାନ୍ତ୍ରିକ ତ୍ରୁଟି ଯୋଗୁ ଡ଼ଙ୍ଗା ଅଟକି ଯାଇଥିବା ସୂଚନା ମିଳିଛି | ଡଙ୍ଗାକୁ କିପରି ବାଉଁଶ କାତ ମାଧ୍ୟମରେ କୂଳରେ ଲଗାଯାଇପାରିବ ଉଦ୍ୟମ ଚଲାଇଛି ନାଉରି। ଡ଼ଙ୍ଗା ରେ ୪୦ ଜଣ ଯାତ୍ରୀ ଥିବା ସୂଚନା ମିଳିଛି |
ସୂଚନାଯୋଗ୍ୟ, ଆଜି ସକାଳେ ଏକ ଦେଶୀ ଡଙ୍ଗା ୪୦ ଜଣ ଯାତ୍ରୀଙ୍କୁ ନେଇ ଜହ୍ନିକୁଦାରୁ ସାତପଡ଼ା ଅଭିମୁଖେ ଯାଉଥିଲା। ଦେଢ଼ କିମି ଯିବା ପରେ ଡଙ୍ଗାରେ ଯାନ୍ତ୍ରିକ ତ୍ରୁଟି ଦେଖାଯାଇଥିଲା। ଫଳରେ ଡଙ୍ଗାଟି ଚିଲିକା ମଝିରେ ଅଟକି ରହିଥିଲା। ଡଙ୍ଗାରେ ୪୦ ଯାତ୍ରୀ ଥିବା ବେଳେ ୯ଟି ବାଇକ୍ ରହିଛି। ତେବେ ମଝି ଚିଲିକାରେ ଫସି ରହିଥିବା କାରଣରୁ ଏଥିରେ ଥିବା ଯାତ୍ରୀମାନେ ଭଯଭୀତ ଅବସ୍ଥାରେ ଅଛନ୍ତି। ନାଉରିଆ ଡଙ୍ଗାକୁ ବାଉଁଶ କାତ ମାଧ୍ୟମରେ କୂଳକୁ ଆଣିବାକୁ ଚେଷ୍ଟା କରୁଥିବା ଜଣାଯାଇଛି।
ସୂଚନାଯୋଗ୍ୟ, ମେ’ ୬ ତାରିଖ ଦିନ କାଳବୈଶାଖୀ ଜନିତ ପ୍ରବଳ ବର୍ଷା ଓ ପବନ ଯୋଗୁ ଚିଲିକାରେ ଡଙ୍ଗା ବୁଡ଼ିଯିବାରୁ ଜଣଙ୍କୁ ମୃତ୍ୟୁ ଘଟିଥିବା ୧୧ଜଣଙ୍କୁ ଉଦ୍ଧାର କରାଯାଇଥିଲା।
କାଳିଜାଈରୁ ୧୨ ଜଣ ଯାତ୍ରୀଙ୍କୁ ନେଇ ଡଙ୍ଗାଟି ବାଲୁଗାଁ ଅଭିମୁଖେ ଫେରୁଥିଲା ବେଳେ ଚଢ଼େଇଗୁହା ପାହାଡ଼ ନିକଟରେ ଡଙ୍ଗାଟି ବୁଡ଼ି ଯାଇଥିଲା। ଲାଇଫ ଗାର୍ଡ ଓ ପୁଲିସ ପହଞ୍ଚି ୧୧ଜଣ ଯାତ୍ରୀଙ୍କୁ ଉଦ୍ଧାର କରିଥିଲେ। ହେଲେ ଜଣେ ନିଖୋଜ ହୋଇଯାଇଥିଲେ। ଅଗ୍ନିଶମ ଟିମ୍ ଓ ନାଭାଲ୍ ଟିମ ଖୋଜାଖୋଜି କରି ଗୋଟଏ ଦିନ ପରେ ତାଙ୍କ ମୃତଦେହ ଉଦ୍ଧାର କରାଯାଇଥିଲା।
