(ସତ୍ୟପାଠ ବ୍ୟୁରୋ) ଭୁବନେଶ୍ବର : ତାମିଲନାଡୁରେ ପୂର୍ଣ୍ଣ ସଂଖ୍ୟାଗରିଷ୍ଠତା ସହ କ୍ଷମତାକୁ ଫେରିଛି ଡିଏମକେ। ଦଳର ମୁଖିଆ ଏମ୍ କେ ଷ୍ଟାଲିନ୍ ଖୁବଶୀଘ୍ର ମୁଖ୍ୟମନ୍ତ୍ରୀ ଭାବେ ଶପଥ ନେବାକୁ ଯାଉଛନ୍ତି। ଷ୍ଟାଲିନ୍ ସରକାର ପୂର୍ବତନ ମୁଖ୍ୟମନ୍ତ୍ରୀ ଜୟଲଳିତାଙ୍କ ଦ୍ୱାରା ପ୍ରତିଷ୍ଠିତ ଆମ୍ମା କ୍ୟାଣ୍ଟିନ୍ ର ନାମ ପରିବର୍ତ୍ତନ କରି ଆନ୍ନା କ୍ୟାଣ୍ଟିନ୍ ଭାବରେ ନାମିତ କରିବେ । 2013 ରେ ଜୟଲଳିତାଙ୍କ ଦ୍ବାରା ଆରମ୍ଭ ହୋଇଥିବା ଆମ୍ମା କ୍ୟାଣ୍ଟିନଗୁଡିକ ବର୍ତ୍ତମାନ 407 କୁ ବୃଦ୍ଧି ପାଇଛି। ଗ୍ରେଟର ଚେନ୍ନାଇ କର୍ପୋରେସନ୍ ଦ୍ୱାରା ସମ୍ପୂର୍ଣ୍ଣ ଅନୁଦାନ ପ୍ରାପ୍ତ ଏହି ଆମ୍ମା କ୍ୟାଣ୍ଟିନରେ ୩ ଟଙ୍କାରେ ଭାତ, ଡାଲି ଥାଳି ଥିବା ବେଳେ ଇଡଲି ଏବଂ ଚଟଣି ୩ ଟଙ୍କାରେ ଟିଫିନ ମିଳେ। ମଙ୍ଗଳବାର ଦିନ ଡିଏମକେ କାର୍ଯ୍ୟକର୍ତ୍ତା ମାନେ ଚେନ୍ନାଇର ମୋଗାପିୟର ଏକ କ୍ୟାଣ୍ଟିନକୁ ଭଙ୍ଗାରୁଜା କରିବା ପରେ ଡିଏମକେ ଏବଂ ଏଆଇଏଡିଏମକେ ସମର୍ଥକଙ୍କ ମଧ୍ୟରେ ତିକ୍ତତା ସୃଷ୍ଟି କରିଥିଲେ। ତେବେ ଷ୍ଟାଲିନ୍ ସରକାର ନାମ ପରିବର୍ତ୍ତନ କରିବା ସମର୍ଥନରେ ଅଛନ୍ତି। ଆମ୍ମା କ୍ୟାଣ୍ଟିନ AIADMK ସରକାରଙ୍କ ସର୍ବୋତ୍ତମ ସାମାଜିକ ପଦକ୍ଷେପ ଭାବରେ ବିବେଚନା କରାଯାଉଥିଲା । ଡିଏମକେ ଏହାର ନିର୍ବାଚନୀ ଇସ୍ତାହାରରେ ଅସହାୟ ତଥା ଗରିବ ଲୋକଙ୍କୁ ରିହାତି ମୂଲ୍ୟରେ ଖାଦ୍ୟ ଯୋଗାଇବା ପାଇଁ ସାରା ରାଜ୍ୟରେ ‘କାଲାଇନଗର’ ନାମରେ ୫୦୦ କ୍ୟାଣ୍ଟିନ ଖୋଲିବାକୁ ପ୍ରତିଶୃତି ଦେଇଛି। ଡିଏମ୍କେ ନେତା ଡୁରିମୁରୁଗାନ୍ କହିଛନ୍ତି , “ସାରା ରାଜ୍ୟରେ କମ୍ ମୂଲ୍ୟରେ ଗୁଣାତ୍ମକ ଖାଦ୍ୟ ଯୋଗାଇବା ପାଇଁ କ୍ୟାଣ୍ଟିନ ଖୋଲିବାକୁ ଡିଏମକେ ପ୍ରତିଶ୍ରୁତି ଦେଇଛି ଏବଂ ସରକାର କାର୍ଯ୍ୟଭାର ଗ୍ରହଣ କରିବା ପରେ ଆମେ ଏହାକୁ ପ୍ରଥମ ପଦକ୍ଷେପ ଭାବେ କାର୍ଯ୍ୟକାରୀ କରିବୁ।”
ଚେନ୍ନାଇ ଏବଂ ସମସ୍ତ ମେଟ୍ରୋ ସହରରେ ମାଗଣା ପାନୀୟ ଜଳ କିଓସ୍କ ଖୋଲିବାକୁ ମଧ୍ୟ ଡିଏମକେ ସରକାର ଘୋଷଣା କରିଛି । ଏହା ସମ୍ପୃକ୍ତ ମ୍ୟୁନିସିପାଲିଟି କର୍ପୋରେସନ୍ ଦ୍ୱାରା ସମ୍ପୂର୍ଣ୍ଣ ଭାବରେ ସମର୍ଥିତ ହେବ ଯାହା ପରବର୍ତ୍ତୀ ସମୟରେ CSR ପ୍ଲାଟଫର୍ମ ମାଧ୍ୟମରେ ପାଣ୍ଠି ସଂଗ୍ରହ କରିପାରିବ।
