ଗୋରଖପୁର(ସତ୍ୟପାଠ ବ୍ୟୁରୋ): ଉତ୍ତରପ୍ରଦେଶରେ ବିଧାନସଭା ନିର୍ବାଚନ ଆଉ ମାତ୍ର କିଛି ଦିନ ମଧ୍ୟରେ ହେବାକୁ ଯାଉଛି । ଏନେଇ ସମସ୍ତ ରାଜନୈତିକ ଦଳ ନିଜ ନିଜ ନେତାମାନଙ୍କୁ ନେଇ ପ୍ରଚାର କରିବା ଆରମ୍ଭ କରିସାରିଲେଣି । ସେପଟେ ଉତ୍ତରପ୍ରଦେଶରେ ବିଧାନସଭା ନିର୍ବାଚନ ୭ ଟି ପର୍ୟ୍ୟାୟରେ ଅନୁଷ୍ଠିତ ହେବ । ଫେବୃଆରୀ ୧୦ ରେ ଉତ୍ତରପ୍ରଦେଶର ପ୍ରଥମ ପର୍ଯ୍ୟାୟ ପାଇଁ ମତଦାନ ଅନୁଷ୍ଠିତ ହେବ । ଏବଂ ଫଳାଫଳ ମାର୍ଚ୍ଚ ୧୦ ରେ ବାହାରିବ । ଏହା ମଧ୍ୟରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ କେବଳ ରାଜପୁତଙ୍କ ପାଇଁ ରାଜନୀତି କରୁଥିବାର ଅଭିଯୋଗ ହୋଇଛି। ତେବେ ଆମ୍ ଆଦମୀ ପାର୍ଟିର ରାଜ୍ୟସଭା ସାଂସଦ ତଥା ଉତ୍ତରପ୍ରଦେଶର ଦାୟିତ୍ୱରେ ଥିବା ସଂଜୟ ସିଂ ଯୋଗୀ ଆଦିତ୍ୟନାଥଙ୍କୁ ରାଜପୁତଙ୍କୁ ଅଧିକ ପସନ୍ଦ କରୁଥିବାର ଅଭିଯୋଗ କରିଛନ୍ତି। ଏ ଖବର ସାମ୍ନାକୁ ଆସିବା ପରେ ରାଜ୍ୟରେ ରାଜନୈତିକ ମାହୋଲ ମଧ୍ୟ ଚଳଚଞ୍ଚଳ ହୋଇ ଉଠିଛି । ଏହା ସହ ଆମ୍ ଆଦମୀ ପାର୍ଟିର ରାଜ୍ୟସଭା ସାଂସଦ ସଞ୍ଜୟ ସିଂ ୭ ସେକେଣ୍ଡର ଏକ ଭିଡିଓକୁ ସେୟାର କରିଛନ୍ତି ।
ଯେଉଁଠି ଯୋଗୀ ରାଜପୁତଙ୍କୁ ନେଇ ଆପଣ ରାଜନୀତି କରୁଛନ୍ତି ହେଲେ ଆପଣଙ୍କୁ ଏନେଇ କେବେ ଦୁଃଖ ଲାଗିଛି ବୋଲି ପଚରାଯାଇଥିଲା । କିନ୍ତୁ ମୋତେ ଦୁଃଖ ଲାଗେ ନାହିଁ ବୋଲି ଏହାର ଜବାବରେ ଯୋଗୀ ଆଦିତ୍ୟନାଥ କହିଥିଲେ । ଏହି ୭ ସେକେଣ୍ଡର ଭିଡିଓଟି ବର୍ତ୍ତମାନ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ସେପଟେ ଆପ ନେତା ସଞ୍ଜୟ ସିଂହ କହିଛନ୍ତି ଯେ ଯୋଗୀ କେବଳ କ୍ଷତ୍ରିୟଙ୍କର ନେତା, ଏପରିକି ତାଙ୍କୁ ଦୁଃଖ ମଧ୍ୟ ଲାଗୁନାହିଁ । ଯୋଗୀ ଜି ଆପଣଙ୍କୁ ୨୪ କୋଟି ଲୋକଙ୍କର ନେତା ହେବା ଆବଶ୍ୟକ । ତେବେ ସବକା ସାଥ ସବକା ବିକାଶ ମିଥ୍ୟା ଅଟେ ବୋଲି ଆପ ନେତା ସଞ୍ଜୟ ସିଂହ କହିଛନ୍ତି । ଅନ୍ୟପଟେ ସଞ୍ଜୟ ସିଂଙ୍କ ଏହି ଟୁଇଟ୍ ପରେ ଉତ୍ତରପ୍ରଦେଶ ବିଜେପି ମଧ୍ୟ ସୋସିଆଲ ମିଡିଆ ପୋଷ୍ଟ ଜରିଆରେ ପ୍ରତିକ୍ରିୟା ଦେଇଛି।
ଉତ୍ତରପ୍ରଦେଶ ବିଜେପିର ଟ୍ୱିଟର ହ୍ୟାଣ୍ଡେଲରୁ ସଞ୍ଜୟ ସିଂଙ୍କ ଟ୍ୱିଟକୁ ରିଟ୍ୱିଟ କରି ୧ ମିନିଟର ୪୮ ସେକେଣ୍ଡର ଭିଡିଓ ସେୟାର କରାଯାଇଛି ଏବଂ ଲେଖିଛନ୍ତି, ଯେଉଁମାନେ ଟିକେଟ୍ କଳା କରି ମିଛ କହୁଛନ୍ତି ସେମାନଙ୍କଠାରୁ ଆପଣ ଆଉ କ’ଣ ଆଶା କରିପାରିବେ? ପୁରା ଭିଡିଓର ସତ୍ୟତା ଦେଖନ୍ତୁ … ଯୋଗୀ କଣ କହିଛନ୍ତି, ‘ଜାତି ଧର୍ମ ସମସ୍ତଙ୍କ ପାଇଁ ଆତ୍ମ ସମ୍ମାନ କରିବା ଉଚିତ୍, କିନ୍ତୁ ଆମେ ସମସ୍ତଙ୍କ ବିକାଶ ପାଇଁ କାର୍ଯ୍ୟ କରିଛୁ, ଦଳିତ, ପଛୁଆ, ସମସ୍ତଙ୍କ ପାଇଁ ସଂଖ୍ୟାଲଘୁ, କ୍ଷତ୍ରିୟଙ୍କ ସଂଖ୍ୟା ନିର୍ମିତ ଘରଟି ୧% ନୁହେଁ ବୋଲି କହିଛନ୍ତି । ସେପଟେ ଆମ ଆଦମୀ ପାର୍ଟି ମଧ୍ୟ ଉତ୍ତରପ୍ରଦେଶ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଛି ଏବଂ ସଞ୍ଜୟ ସିଂ ଉତ୍ତରପ୍ରଦେଶର ଆମ୍ ଆଦମୀ ପାର୍ଟିର ଦାୟିତ୍ୱରେ ଅଛନ୍ତି। ଯୋଗୀ ସରକାର ଏବଂ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ସଞ୍ଜୟ ସିଂ କ୍ରମାଗତ ଭାବରେ ସମାଲୋଚନା କରିବାରେ ଲାଗିଛନ୍ତି ।
