ଭୁବନେଶ୍ୱର(ସତ୍ୟପାଠ ବ୍ୟୁରୋ): ଆସନ୍ତାବର୍ଷ ଉତ୍ତର ପ୍ରଦେଶର ବିଧାନସଭା ନିର୍ବାଚନ ପାଇଁ ଆଇ-ପାକ୍ ସହିତ ଚୁକ୍ତି କରିବ ନାହିଁ ସମାଜବାଦୀ ପାର୍ଟି । ତେବେ ଆଇ-ପାକ୍ ତାମିଲନାଡ଼ୁରେ ଡିଏମ୍କେ ଓ ପଶ୍ଚିମବଙ୍ଗରେ ଟିଏମ୍ସି ସରକାର ପାଇଁ ରଣନୀତି ପ୍ରସ୍ତୁତ କରିଥିବାବେଳେ ଦୁଇ ରାଜ୍ୟରେ ଶାସକ ଦଳ ପରାଜିତ ହୋଇଥିଲେ।
ସେପଟେ ସମାଜବାଦୀ ପାର୍ଟି ଆଇ-ପାକ୍ ସହିତ ଆନୁଷ୍ଠାନିକ ଭାବେ କୌଣସି ଘୋଷଣା କରିନଥିବାବେଳେ ଏହା ପ୍ରଚାର ବ୍ୟବସ୍ଥା ପରିଚାଳନା କରିବାକୁ ଚୁକ୍ତି କରିବାକୁ ଚାହୁଁଥିଲା। ପଶ୍ଚିମବଙ୍ଗରେ ଟିଏମ୍ସି ଓ ମମତା ବାନାର୍ଜୀଙ୍କ ପରାଜୟ ଓ ତାମିଲନାଡ଼ୁରେ ଡିଏମ୍କେ ଓ ଏମ୍ କେ ଷ୍ଟାଲିନଙ୍କ ପରାଜୟ ପରେ ସମାଜବାଦୀ ପାର୍ଟି ଆଇ-ପାକ୍ଠାରୁ ଦୂରେଇ ରହିବାକୁ ଚାହୁଛି। ଦଳ ତା’ର ନିଜର ପାରମ୍ପରିକ ସାଙ୍ଗଠନିକ ନେଟୱର୍କ ଉପରେ ନିର୍ଭର କରି ନିର୍ବାଚନ ଲଢ଼ିବା ଅଧିକ ଭଲ ବୋଲି ଭାବୁଛି।
