ଗାଜିଆବାଦ : ଗାଜିଆବାଦରେ କୁକୁର ଆକ୍ରମଣ ଘଟଣା ବୃଦ୍ଧି ପାଉଥିବା ବେଳେ, ଏହି ଘଟଣାକୁ ଦୃଷ୍ଟିରେ ରଖି ମ୍ୟୁନିସିପାଲ କର୍ପୋରେଶନ କଠୋର ପଦକ୍ଷେପ ଗ୍ରହଣ କରିଛି । ତିନୋଟି ଆକ୍ରମଣାତ୍ମକ ପ୍ରଜାତିର କୁକୁର ପାଳିବାକୁ ବାରଣ କରିବାକୁ ନିଷ୍ପତ୍ତି ହୋଇଛି।
ଶନିବାର ଅନୁଷ୍ଠିତ ଗାଜିଆବାଦ ମ୍ୟୁନିସିପାଲ କର୍ପୋରେଶନ ବୋର୍ଡର ବୈଠକରେ ସହରରେ ପିଟବୁଲ, ରୋଟୱିଲର୍ ଏବଂ ଡୋଗୋ ଆର୍ଜେଣ୍ଟିନୋ ପ୍ରଜାତିର କୁକୁର ପଞ୍ଜିକରଣ ଉପରେ ପ୍ରତିବନ୍ଧକ ଲଗାଯାଇଛି। ଏହା ବ୍ୟତୀତ ଯେଉଁମାନେ ଅନ୍ୟ ପ୍ରଜାତିର କୁକୁର ରଖନ୍ତି ସେମାନଙ୍କ ପାଇଁ ନୂତନ ନିୟମ ସ୍ଥିର କରାଯାଇଛି।
ମେୟର ଆଶା ଶର୍ମାଙ୍କ ଦ୍ୱାରା ଅନୁମୋଦିତ ଏହି ତିନୋଟି ଆକ୍ରମଣାତ୍ମକ ପ୍ରଜାତିର କୁକୁରକୁ ରଖିବା ଉପରେ ଭାଜପା କାଉନସିଲର ସଞ୍ଜୟ ସିଂ ପ୍ରସ୍ତାବ ଦେଇଥିଲେ। ପ୍ରସ୍ତାବ ପାରିତ ହେବା ପରେ, ଯେଉଁମାନଙ୍କର ଏହି ପ୍ରଜାତିର କୁକୁର ଅଛନ୍ତି, ସେମାନଙ୍କୁ ଆସନ୍ତା ଦୁଇମାସ ମଧ୍ୟରେ ବନ୍ଧ୍ୟାକରଣ ଏବଂ ନିଗମରେ ପଞ୍ଜୀକୃତ କରିବାକୁ ପଡିବ
