(ସତ୍ୟପାଠ ବ୍ୟୁରୋ) ଭୁବନେଶ୍ୱର: ଆସାମର ନାଗାଓଁ ଜିଲ୍ଲାର ବାମୁନି ପାହାଡ ଉପରେ ଘଟିଛି ଏକ ଅଭାବନୀୟ ଘଟଣା । ଅତି କମରେ 18 ଟି ବଣୁଆ ହାତୀଙ୍କର ମୃତଦେହ ପାହାଡ ଉପରେ ଥିବାର ଦେଖିବା ପାଇଁ ମିଳିଥିଲା । ତେବେ ବଜ୍ରପାତରେ ଏହି ପଶୁମାନଙ୍କର ମୃତ୍ୟୁ ଘଟିଥିବା କଥା ପ୍ରାଥମିକ ତଦନ୍ତରୁ ଜଣାପଡିଛି। ନାଗାଓଁ ବନ ବିଭାଗର କାଥିଆଟୋଲି ପରିସରର କାଣ୍ଡୋଲି ପ୍ରସ୍ତାବିତ ସଂରକ୍ଷିତ ଜଙ୍ଗଲରେ ଏହି ଘଟଣା ଘଟିଛି | ହାତୀମାନଙ୍କର ମୃତ୍ୟୁ ବିଷୟରେ ସ୍ଥାନୀୟ ଗ୍ରାମବାସୀ ବନବିଭାଗକୁ ସୂଚନା ଦେଇଥିଲେ । ପରେ ବନବିଭାଗ ଘଟଣାସ୍ଥଳରେ ପହଞ୍ଚି ଉକ୍ତ ଅଞ୍ଚଳରେ ସର୍ଚ୍ଚ ଅପରେସନ କରିବା ସହ ଏପରି ହେବା ପଛରେ ପ୍ରକୃତ କାରଣ କଣ ତାହାର ତଦନ୍ତ ଆରମ୍ଭ କରିଛି । ବନ୍ୟପ୍ରାଣୀର ମୁଖ୍ୟ ସଂରକ୍ଷଣକାରୀ ଅମିତ ସାହାଙ୍କ କହିବା ଅନୁସାରେ, ମୃତଦେହ ଦୁଇଟି ଦଳରେ ପଡ଼ିଥିବାର ଦେଖିବାକୁ ମିଳିଥିଲା। ଚଉଦ ଜଣ ପାହାଡ ଉପରେ ପଡ଼ିଥିବା ବେଳେ ଚାରିଜଣଙ୍କ ମୃତଦେହ ପାହାଡ ତଳେ ମିଳିଥିଲା। ଅନ୍ୟପଟେ ଆସାମ ପରିବେଶ ଓ ଜଙ୍ଗଲ ମନ୍ତ୍ରୀ ପାରମଲ ସୁକଲାବାୟା ଏହି ଘଟଣାରେ ଗଭୀର ଯନ୍ତ୍ରଣା ଅନୁଭବ କରିବା ସହିତ ପ୍ରିନ୍ସପାଲ୍ ଚିଫ୍ କନେଷ୍ଟବଳ ଅଫ୍ ଫରେଷ୍ଟ ଏବଂ ଅନ୍ୟ ଅଧିକାରୀଙ୍କ ସହ ଘଟଣାସ୍ଥଳ ପରିଦର୍ଶନ କରିବେ ବୋଲି ସୂଚନା ଦେଇଛନ୍ତି ।
