ମହାରାଷ୍ଟ୍ର: ଗତକାଲି ବିଳମ୍ବିତ ରାତିରେ ମହାରାଷ୍ଟ୍ରର ଲାମ୍ବୋଟି ନିକଟ ସୋଲାପୁର-ପୁଣେ ରାଜପଥରେ ଘଟିଛି ଏକ ଭୟଙ୍କର ସଡକ ଦୁର୍ଘଟଣା | ଟ୍ରକ ଓ ଟ୍ରାକ୍ଟର ଧକ୍କା ହେବା ଫଳରେ ଚାଲିଯାଇଛି ୭ ଜଣଙ୍କ ଜୀବନ | ଏଥିସହ ୪୦ ରୁ ଉର୍ଧ ଆହତ ହୋଇଛନ୍ତି | ଆହତମାନଙ୍କୁ ଚିକିତ୍ସା ପାଇଁ ସୋଲାପୁରର ସରକାରୀ ଡାକ୍ତରଖାନାରେ ଭର୍ତ୍ତି କରାଯାଇଛି | ମୃତ ଓ ଆହତମାନେ ତୁଲଜାପୁର ତାଲୁକାରେ କଦାମବାଡିର ବାସିନ୍ଦା ବୋଲି ସୂଚନା ମିଳିଛି |
ସଚନାଅନୁୟାୟୀ, ରବିବାର ରାତି ପ୍ରାୟ 10.30 ସମୟରେ ଏହି ସଡକ ଦୁର୍ଘଟଣା ଘଟିଛି। ଯେତେବେଳେ ଦୁର୍ଘଟଣା ଘଟିଲା ସେତେବେଳେ ଟ୍ରାକ୍ଟରର ଟ୍ରଲିରେ ପ୍ରାୟ 20 ଜଣ ଲୋକ ଥିଲେ | ଦୁର୍ଘଟଣା ସମ୍ବନ୍ଧୀୟ ଚିତ୍ରଗୁଡ଼ିକରେ, ଏହି ଧକ୍କା କେତେ ଶକ୍ତିଶାଳୀ ତାହା ଦେଖିବାକୁ ମିଳେ | ଏହି ଧକ୍କାରେ ଟ୍ରଲିଟି ସମ୍ପୂର୍ଣ୍ଣ ଓଲଟି ପଡିଥିବା ବେଳେ ଟ୍ରକରେ ମଧ୍ୟ ବହୁ କ୍ଷୟକ୍ଷତି ହୋଇଛି।
