ଭୁବନେଶ୍ୱର(ସତ୍ୟପାଠ ବ୍ୟୁରୋ): ଉତ୍ତରାଖଣ୍ଡ ରାଜ୍ୟରେ ଜଣେ ବୃଦ୍ଧ ଦମ୍ପତି ନାତି, ନାତୁଣୀଙ୍କ ପାଇଁ ପୁଅ ଉପରେ ମକଦ୍ଦମା ଦାୟର କରିଛନ୍ତି। ଏସଆର ପ୍ରସାଦ ଉତ୍ତରାଖଣ୍ଡର ଏକ କୋର୍ଟରେ କହିଛନ୍ତି ଯେ ଆମେ ନାତି, ନାତୁଣୀ ଚାହୁଁଛୁ। ନାତିଙ୍କ ପ୍ରତି ସେମାନଙ୍କର ଇଚ୍ଛା ଏପରି ଯେ ସେମାନେ ଗୋଟିଏ ବର୍ଷ ମଧ୍ୟରେ ନାତି କିମ୍ବା ପାଞ୍ଚ କୋଟି ଟଙ୍କା କ୍ଷତିପୂରଣ ପାଇଁ ପୁଅ ଏବଂ ବୋହୂ ଉପରେ ମକଦ୍ଦମା ଦାୟର କରିଛନ୍ତି । ପ୍ରସାଦ କହିଛନ୍ତି ଯେ ପୁଅର ଶିକ୍ଷା ଏବଂ ଆମେରିକାରେ ତାଲିମ ପାଇଁ ଟଙ୍କା ବ୍ୟବସ୍ଥା କରିବା ପରେ ତାଙ୍କ ପାଖରେ ଟଙ୍କା ନାହିଁ । ନାତି ନାତୁଣିଙ୍କ ଆଶାରେ ଆମେ ପୁଅକୁ ୨୦୧୬ ରେ ବିବାହ କରାଇଥିଲୁ । ଆମେ କେବଳ ଏକ ଶିଶୁ ଚାହୁଁଥିଲୁ ବୋଲି କହିଛନ୍ତି । ଏହା ସହ ମୁଁ ମୋର ସମସ୍ତ ଟଙ୍କା ପୁଅକୁ ଦେଇଥିଲି । ତାଙ୍କୁ ଆମେରିକାରେ ତାଲିମ ଦେଇଥିଲି। ବର୍ତ୍ତମାନ ମୋର ଟଙ୍କା ନାହିଁ ।
ଘର ନିର୍ମାଣ ପାଇଁ ଆମେ ବ୍ୟାଙ୍କରୁ ଋଣ ମଧ୍ୟ ନେଇଛୁ। ଆର୍ଥିକ ଏବଂ ବ୍ୟକ୍ତିଗତ ଭାବରେ ଆମେ ଅସୁବିଧାର ସମ୍ମୁଖୀନ ହେଉଛୁ । ଆମର ଆବେଦନରେ ଆମେ ପୁଅ ଏବଂ ବୋହୂଙ୍କଠାରୁ ପ୍ରତ୍ୟେକଙ୍କୁ ୨.୫ କୋଟି ଟଙ୍କା ଦାବି କରିଛୁ। ସେପଟେ ତାଙ୍କ ପୁଅ ବିରୋଧରେ ହୋଇଥିବା ମାମଲାକୁ ନେଇ ପ୍ରସାଦଙ୍କ ଓକିଲ କହିଛନ୍ତି ଯେ ଏହି ମାମଲା ସମାଜର ତିକ୍ତ ସତ୍ୟକୁ ଦର୍ଶାଉଛି। ସେମାନଙ୍କୁ ଏକ ଭଲ କମ୍ପାନୀରେ କାମ କରିବା ପାଇଁ ଆମେ ଆମ ପିଲାମାନଙ୍କ ପାଇଁ ବିନିଯୋଗ କରିଥାଉ। ପିଲାମାନଙ୍କର ପିତାମାତାଙ୍କର ମୌଳିକ ଆର୍ଥିକ ଦାୟିତ୍ୱ। ଗୋଟିଏ ବର୍ଷ ମଧ୍ୟରେ ନାତି କିମ୍ବା ପାଞ୍ଚ କୋଟି ଟଙ୍କା କ୍ଷତିପୂରଣ ପାଇଁ ପୁଅ ଏବଂ ବୋହୂ ଉପରେ ମକଦ୍ଦମା ଦାୟର କରିଛନ୍ତି । ଏ ଖବର ସାମ୍ନାକୁ ଆସିବା ପରେ ସାରା ଦେଶରେ ଏନେଇ ଚର୍ଚ୍ଚା ଜୋର ଧରିବାରେ ଲାଗିଛି ।
