ଭୁବନେଶ୍ୱର,୪/୭(ସତ୍ୟପାଠ ବ୍ୟୁରୋ): ପ୍ୟାରିସ ଅଲିମ୍ପିକ୍ସ ହକି ସେମିଫାଇନାଲରେ ଭାରତ । କ୍ୱାର୍ଟର-ଫାଇନାଲରେ ଗ୍ରେଟ ବ୍ରିଟେନକୁ ହରାଇ ସେମିଫାଇନାଲକୁ ଉନ୍ନୀତ ହୋଇଛି ଟିମ ଇଣ୍ଡିଆ । ଏହି ବିଜୟ ସହ ହକିରେ ଭାରତ ପାଇଁ ପୁଣି ଏକ ପଦକ ସମ୍ଭାବନା ସୃଷ୍ଟି ହୋଇଛି । ନିଶ୍ଚିତ ପଦକଠାରୁ ଭାରତ ଆଉ ମାତ୍ର ଗୋଟିଏ ବିଜୟ ଦୂରରେ ରହିଛି । ଗତ ଅଲିମ୍ପିକ୍ସରେ ମଧ୍ୟ ଭାରତ ଏବଂ ଗ୍ରେଟ ବ୍ରିଟେନ ମଧ୍ୟରେ କ୍ୱାର୍ଟର ଫାଇନାଲରେ ମୁକାବିଲା ହୋଇଥିଲା । ଏଥିରେ ଭାରତ ଜିତି ସେମିଫାଇନାଲରେ ପ୍ରବେଶ କରିଥିଲା । ତେଣୁ ପ୍ୟାରିସରେ ଟୋକିଓ ଅଲିମ୍ପିକ୍ସର ପୁନାରୁବୃତ୍ତି ଦେଖିବାକୁ ମିଳିଛି।
ଗତ ଅଲିମ୍ପିକ୍ସରେ ଭାରତ ବ୍ରୋଞ୍ଜ ପଦକ ହାସଲ କରିଥିଲା । ୪୧ ବର୍ଷ ପରେ ଭାରତ ଟୋକିଓ ଅଲିମ୍ପିକ୍ସରେ ଏହି ପଦକ ହାସଲ କରିଥିଲା । ଭାରତ ଅଗଷ୍ଟ ୬ ତାରିଖରେ ତାର ସେମିଫାଇନାଲ ମୁକାବିଲା ଖେଳିବ । ସେମିଫାଇନାଲରେ ଜର୍ମାନୀ କିମ୍ବା ଆର୍ଜେଣ୍ଟିନା ବିପକ୍ଷରେ ଖେଳିବାର ସମ୍ଭାବନା ରହିଛି ।
