ଭୁବନେଶ୍ୱର(ସତ୍ୟପାଠ ବ୍ୟୁରୋ): ପାଞ୍ଚଟି ରାଜ୍ୟରେ ହୋଇଥିବା ବିଧାନସଭା ନିର୍ବାଚନରେ କଂଗ୍ରେସର ପ୍ରଦର୍ଶନ ଅତ୍ୟନ୍ତ ଖରାପ ଥିଲା । ଏନେଇ କଂଗ୍ରେସ ନେତୃତ୍ୱ ଉପରେ ମଧ୍ୟ ପ୍ରଶ୍ନ ଉଠିବାରେ ଲାଗିଛି । ଏହା ମଧ୍ୟରେ କଂଗ୍ରେସର ବରିଷ୍ଠ ନେତା ଡି.କେ ଶିବକୁମାର ବଡ଼ ବୟାନ ଦେଇଥିବାର ଦେଖିବାକୁ ମିଳିଛି । ତେବେ ଗାନ୍ଧୀ ପରିବାର ବିନା କଂଗ୍ରେସ ଏକଜୁଟ ହୋଇପାରିବ ନାହିଁ। ଗାନ୍ଧୀ ପରିବାର ବିନା କଂଗ୍ରେସ ବଞ୍ଚିବା ଅସମ୍ଭବ। ଯେଉଁମାନେ କ୍ଷମତା ପାଇଁ ଭୋକିଲା ଅଛନ୍ତି, ଦୟାକରି ଦଳ ଛାଡିଦିଅନ୍ତୁ। ଆମ ସମସ୍ତେ କ୍ଷମତାରେ ରହିବାକୁ ଇଚ୍ଛୁକ ନୁହଁନ୍ତି ଏବଂ ଆମେ ଗାନ୍ଧୀ ପରିବାର ସହ ରହିବୁ । ଗତ କିଛି ବର୍ଷ ମଧ୍ୟରେ ଯେଉଁମାନେ ଦଳ ଛାଡିଛନ୍ତି ସେମାନଙ୍କ ବିଷୟରେ ବର୍ଣ୍ଣନା କରି ସେ କହିଛନ୍ତି, ବ୍ୟକ୍ତିଗତ ଲାଭ ଖୋଜୁଥିବା ଲୋକମାନେ କଂଗ୍ରେସ ଛାଡୁଛନ୍ତି।
ଆମେ କଂଗ୍ରେସ ଦଳ ତଥା କଂଗ୍ରେସର ଆଦର୍ଶ ପ୍ରତି ବିଶ୍ୱସ୍ତ ଅଟୁ ଏବଂ ଗାନ୍ଧୀ ପରିବାର ପାଖରେ ସର୍ବଦା ରହିବୁ। କେବଳ ଏତିକି ନୁହେଁ ବରଂ ୟୁପି ପାଇଁ ପ୍ରିୟଙ୍କା ଗାନ୍ଧୀ ବହୁତ କଠିନ ପରିଶ୍ରମ କରିଥିଲେ । କିନ୍ତୁ ଆମେ ଫଳାଫଳ ପାଇଲୁ ନାହିଁ। କଥା ହେଉଛି କଂଗ୍ରେସ ଦେଶର ଭୋଟରଙ୍କୁ ମନାଇବାରେ ସକ୍ଷମ ନୁହେଁ। ଏହି ଦେଶର ଲୋକମାନେ ବୁଝୁ ନାହାଁନ୍ତି। ଆମକୁ ତାଙ୍କ ବିଶ୍ୱାସକୁ ପୁଣି ଫେରାଇ ଆଣିବାକୁ ପଡ଼ିବ । ଏଥର ଆମେ ସୁଯୋଗ ପାଇଲୁ, କିନ୍ତୁ ଆମେ ଏହା କରିବାରେ ବିଫଳ ହୋଇଛୁ ବୋଲି ବରିଷ୍ଠ କଂଗ୍ରେସ ନେତା ଡି.କେ ଶିବକୁମାର କହିଛନ୍ତି ।
