ବାଲେଶ୍ବର: ପ୍ରେମ ପାଇଁ ଗଲା ଆଉ ଏକ ଜୀବନ । ପ୍ରେମରେ ହତାଶ ହୋଇ ପ୍ରେମିକାର ଧୋକା କୁ ସହ୍ୟ କରିନପାରି ଜୀବନ ହାରିଲେ ଆଉ ଜଣେ ପ୍ରେମିକ । ବିଷ ଖାଇ ଆତ୍ମହତ୍ୟା କରିଛି ପ୍ରେମିକ । ଆତ୍ମହତ୍ୟା ପୂର୍ବରୁ ଛାଡିଯାଇଛନ୍ତି ସୁଇସାଇଡ୍ ନୋଟ୍ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ବାଲେଶ୍ଵର ଜିଲ୍ଲା ରୁପ୍ସା ଥାନା ଅଞ୍ଚଳରେ ।
ସୂଚନା ଅନୁସାରେ,ବାଲେଶ୍ଵର ଜିଲ୍ଲା ରୁପ୍ସା ଥାନା ଅଞ୍ଚଳର ଆଙ୍କ ଗାଁର ଯୁବକ ଜୟନ୍ତ ବେହେରା । ସେହି ଅଞ୍ଚଳର ଜୈନିକ ଯୁବତୀଙ୍କୁ ଦୀର୍ଘ 7 ବର୍ଷ ଧରି ପ୍ରେମ କରୁଥିଲେ। ଉଭୟଙ୍କ ଭିତରେ ପ୍ରେମ ସମ୍ପର୍କ ରହିଥିବା ବେଳେ ଗତ କିଛି ଦିନ ପୂର୍ବରୁ ଉଭୟଙ୍କ ପରିବାର ମଧ୍ୟରେ ସମ୍ପର୍କ ନେଇ ତିକ୍ତତା ଦେଖା ଦେଇଥିଲା ।ଏହାପରେ ଘଟଣାର ବୁଝାମଣା ରୁପ୍ସା ଥାନାରେ ହୋଇଥିଲା । ମାତ୍ର ଥାନାରେ ହୋଇଥିବା ବୁଝାମଣାରେ ସନ୍ତୁଷ୍ଟ ନ ଥିଲେ ମୃତ ଯୁବକ ଜଣକ । ଯାହା ତାଙ୍କ ସୁଇସାଇଡ୍ ନୋଟରେ ଉଲ୍ଲେଖ କରିଛନ୍ତି ମୃତ ଯୁବକ । ଏହାରି ଭିତରେ ଯୁବତୀଙ୍କ ଅନ୍ୟତ୍ର ବିବାହ ହୋଇଥିଲା । ଏହାକୁ ସହ୍ୟ କରି ନପାରି, ମାନସିକ ଭାରସାମ୍ୟ ହରାଇ ଘାସମରା ଔଷଧ ଖାଇ ଆତ୍ମହତ୍ୟା ଉଦ୍ୟମ କରିଥିଲେ ଯୁବକ ଜଣକ । ଗୁରୁତର ଅବସ୍ଥାରେ ତାଙ୍କୁ ବାଲେଶ୍ଵର ଓ ପରେ କଟକ ବଡ଼ ଡ଼ାକ୍ତରଖାନାକୁ ସ୍ଥାନାନ୍ତର କରାଯାଇଥିଲା । ସେଠାରେ ଯୁବକଙ୍କ ମୃତ୍ୟୁ ହୋଇଥିଲା । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
