ମୁମ୍ୱାଇ : ମୁମ୍ୱାଇ-ଅନ୍ଧେରୀ ଉପ-ନିର୍ବାଚନରେ ଡ ଦେଖିବାକୁ ମିଳିଛି ଏକ ରୋଚକ ଦୃଶ୍ୟ। ନିର୍ବାଚନ ପୂର୍ବରୁ ବିଜେପି ତାର ପ୍ରାର୍ଥୀ ମୁର୍ଜି ପଟେଲଙ୍କ ନାମ ପ୍ରତ୍ୟାହାର କରିନେଇଛି । ଏହା ସହ ଶିବସେନା ପ୍ରାର୍ଥୀ ଋତୁଜା ଲଟକେଙ୍କ ବିଜୟ ଏକ ପ୍ରକାରର ସୁନିଶ୍ଚିତ ହୋଇଯାଇଛି । ନଭେମ୍ବର ୩ରେ ହେବାକୁ ଥିବା ଅନ୍ଧେରୀ ପୂର୍ବ ଉପ-ନିର୍ବାଚନ ପାଇଁ ନାମାଙ୍କନ ଦାଖଲ କରିବାର ଆଜି ଶେଷ ଦିନ । ଋତୁଜା ଲଟକେ ତାଙ୍କ ସ୍ୱାମୀଙ୍କ ଅନ୍ଧେରି (ପୂର୍ବ) ନିର୍ବାଚନମଣ୍ଡଳୀରୁ ବିଜେପିର ମୁର୍ଜି ପଟେଲଙ୍କ ବିରୋଧରେ ପ୍ରତିଦ୍ୱନ୍ଦ୍ୱିତା କରୁଥିଲେ ।
ସୂଚନା ଥାଉକି ଋତୁଜାଙ୍କ ସ୍ୱାମୀ ତଥା ଶିବସେନା ବିଧାୟକ ରମେଶ ଲଟକେଙ୍କ ଚଳିତ ବର୍ଷ ଦେହାନ୍ତ ହୋଇଥିଲା । ଏହାପରେ ଉପ-ନିର୍ବାଚନ ହେବା ଏକପ୍ରକାର ନିଶ୍ଚିତ ହୋଇଥିଲା । ତେବେ ଋତୁଜାଙ୍କ ସମର୍ଥନରେ ସାମ୍ନାକୁ ଆସିଥିବା ନେତାଙ୍କ ମଧ୍ୟରୁ ଜଣେ ଥିଲେ ରାଜ ଠାକରେ, ଯିଏକି ଉଦ୍ଭବ ଠାକରେଙ୍କ ସମ୍ପର୍କୀୟ ଭାଇ ଥିଲେ । ମହାରାଷ୍ଟ୍ର ନବନିର୍ମାଣ ସେନା ମୁଖ୍ୟ ଗତକାଲି ଅପ୍ରତ୍ୟାଶିତ ଭାବରେ ବିଜେପି ନେତା ତଥା ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସଙ୍କୁ ଚିଠି ଲେଖି ତାଙ୍କ ଦଳର ପ୍ରାର୍ଥୀଙ୍କ ନାମାଙ୍କନ ପ୍ରତ୍ୟାହାର କରିବାକୁ ଅନୁରୋଧ କରିଥିଲେ । ଯାହା ଦ୍ୱାରା ରୁତୁଜା ଲଟକେ ଉପ-ନିର୍ବାଚନରେ ବିନା ପ୍ରତିଯୋଗିତାରେ ବିଜୟୀ ହୋଇପାରିବେ । ଏହାର କିଛି ଘଣ୍ଟା ପରେ ପ୍ରତିଦ୍ୱନ୍ଦ୍ୱୀ ଏକନାଥ ସିନ୍ଦେ ଗୋଷ୍ଠୀର ଜଣେ ବିଧାୟକ ମଧ୍ୟ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଛନ୍ତି ଯେ ବିଜେପି ତାଙ୍କ ସ୍ୱାମୀଙ୍କୁ ଶ୍ରଦ୍ଧାଞ୍ଜଳି ସ୍ୱରୂପ ଶ୍ରୀମତୀ ଲଟକେଙ୍କ ବିରୋଧରେ ପ୍ରାର୍ଥୀ ଦେବା ଉଚିତ ହେବନି ।
ଗତ ସନ୍ଧ୍ୟାରେ ଶ୍ରୀ ସିନ୍ଦେଙ୍କୁ ଲେଖିଥିବା ଚିଠିରେ ବିଧାୟକ ପ୍ରତାପ ସରନାଇକ କହିଛନ୍ତି ଯେ ସମସ୍ତ ଦଳ ଶ୍ରୀମତୀ ଲଟକେଙ୍କୁ ସମର୍ଥନ କରିବା ଉଚିତ । ଏହାସହ ତାଙ୍କୁ ନିର୍ବାଚନରେ ବିଜୟୀ ହେବାକୁ ଦିଅନ୍ତୁ । ଏନସିପି ମୁଖ୍ୟ ଶରଦ ପାୱାର ମଧ୍ୟ ପ୍ରାର୍ଥୀ ପ୍ରତ୍ୟାହାର କରିବାକୁ ବିଜେପିକୁ ନିବେଦନ କରିଥିଲେ । ପାୱାର କହିଥିଲେ ଯେ ନୂତନ ସଦସ୍ୟଙ୍କ (ବିଧାୟକ) କାର୍ଯ୍ୟକାଳ ମାତ୍ର ଦେଢ ବର୍ଷ ହେବ। ରମେଶ ଲଟକେଙ୍କ ଦୁର୍ଭାଗ୍ୟଜନକ ମୃତ୍ୟୁ କାରଣରୁ ଉପ-ନିର୍ବାଚନ ଅନୁଷ୍ଠିତ ହେଉଛି । ତାଙ୍କର ଅବଦାନକୁ ଆମକୁ ମନରେ ରଖିବାକୁ ହେବ ।
ଅନ୍ୟପକ୍ଷରେ, ଉଦ୍ଧବ ଗୋଷ୍ଠୀ ସିନ୍ଦେ ଗୋଷ୍ଠୀ ଉପରେ ଆରୋପ ଲଗାଇ ଅଭିଯୋଗ କରିଛି ଯେ, ମୁମ୍ବାଇ ନଗର ନିଗମକୁ ପ୍ରଭାବିତ କରି ନିର୍ବାଚନ ପୂର୍ବରୁ ସେମାନେ ତାଙ୍କ ପ୍ରାର୍ଥୀଙ୍କ ଇସ୍ତଫା ଗ୍ରହଣ କରିବାକୁ ଉଚିତ୍ ନୁହେଁ । ବୃହନ ମମ୍ବାଇ ନିଗମରେ କିରାଣୀ ଭାବରେ କାର୍ଯ୍ୟ କରୁଥିବା ରୁତୁଜା ଲଟକେ ଉପ-ନିର୍ବାଚନ ପାଇଁ ନାମାଙ୍କନ ଦାଖଲ କରିପାରିବେ । ଯେତେବେଳେ କି କୋର୍ଟ ନଗର ନିଗମକୁ ଇସ୍ତଫା ଗ୍ରହଣ କରିବାର ଆଦେଶ ଦେଇଛନ୍ତି । ଗତ ସପ୍ତାହରେ ନାମାଙ୍କନ ଦାଖିଲ କରିଥିବା ବିଜେପି ଆଶାତୀତ ପ୍ରାର୍ଥୀ ମୁରଜୀ ପଟେଲ କହିଥିଲେ ଯଦି ପାର୍ଟି କୁହେ ତେବେ ମୁଁ ଆଶାୟୀ ପ୍ରାର୍ଥୀ ଦୌଡରୁ ଓହରିଯିବେ ।
