(ସତ୍ୟପାଠ ବ୍ୟୁରୋ) ଭୁବନେଶ୍ୱର: ଭାରତୀୟ ଜନତା ପାର୍ଟ ବିରୋଧରେ ବର୍ତ୍ତମାନ ସାରା ଦେଶରେ ବିରୋଧୀ ଦଳମାନେ ଏକାଠି ହେବାରେ ଲାଗିଛନ୍ତି । ଏପରି ମୂହୁତ୍ତରେ ଓମପ୍ରକାଶ ଚୌଟାଲାଙ୍କୁ ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଭେଟିଛନ୍ତି । ଅପରିପକ୍ଷରେ ଲାଲୁ ଯାଦବ କିଛଦିନ ପୂର୍ବରୁ ମୁଲାୟାମ ସିଂହ ଯାଦବ ଏବଂ ଶରଦ ପାୱାରଙ୍କ ସହିତ ବୈଠକ କରିଥିଲେ । ତେବେ ନୀତିଶ କୁମାରଙ୍କ ଏପରି ଆଭିମୁଖ୍ୟକୁ ବିଜେପି ହଜମ କରି ପାରୁ ନାହିଁ । ଜାତି ଭିତ୍ତିକ ଜନଗଣନା ପ୍ରସଙ୍ଗ ଉଭୟଙ୍କ ମଧ୍ୟରେ କଳହ ସୃଷ୍ଟି କରୁଥିବାର ଜଣାପଡିଛି । ବିଧାନସଭା ଦ୍ୱାରା ଦୁଇଥର ପାରିତ ହୋଇଥିବା ଏହି ପ୍ରସଙ୍ଗରେ ନୀତୀଶ ଏକପାଖିଆ ଲଢେଇ ପାଇଁ ମନୋଭାବ ପୋଷଣ କରୁଥିବା ଜଣାପଡିଛି। ସେ ଏହି ପ୍ରସଙ୍ଗରେ ସମର୍ଥନ ସଂଗ୍ରହ କରିବାକୁ ଯାଉଛନ୍ତି।
ତାଙ୍କୁ ଭେଟିବା ପାଇଁ ସମୟ ମାଗି ସେ ପ୍ରଧାନମନ୍ତ୍ରୀଙ୍କୁ ଏକ ଚିଠି ମଧ୍ୟ ଲେଖିଛନ୍ତି। ତାଙ୍କ ସହ ଯିବାକୁ ସେ ସ୍ଥାନୀୟ ବିଜେପିକୁ ମଧ୍ୟ କହିଥିଲେ । ହେଲେ ବିଜେପି ଏହାକୁ ବାରମ୍ବାର ଅଣଦେଖା କରୁଥିବାର ଦେଖାଯାଉଛି । ତେଣୁ ଆଜି ନୀତିଶ କୁମାର ଗୁରୁଗ୍ରାମରେ ଓମପ୍ରକାଶ ଚୌଟାଲାଙ୍କୁ ଭେଟିଥିବାର କଥା ସାମ୍ନାକୁ ଆସୁଛି । ଅନ୍ୟପଟେ ବିରୋଧୀ ଦଳ ନେତା ଲାଲୁ ଏବଂ ତେଜସ୍ୱୀ ଯାଦବଙ୍କ ସ୍ୱର ମଧ୍ୟ ନୀତିଶଙ୍କ ସପକ୍ଷରେ ଥିବାରୁ ବିଜେପି ପାଇଁ ଏହା ଚିନ୍ତା ବଢାଇଛି । ଅନ୍ୟପଟେ ବିଜେପି ଏବଂ ଜେଡିୟୁ ବ୍ୟତୀତ ସରକାରଙ୍କ ଅନ୍ୟ ସହଯୋଗୀ HUM ଏବଂ ଭିଆଇପି ପାର୍ଟି ମଧ୍ୟ ଚୁପଚାପ ବସି ନାହାଁନ୍ତି ।
ଉଭୟଙ୍କର ଆଖି ଉତ୍ତରପ୍ରଦେଶ ଉପରେ ରହିଛି ଏବଂ ଉଭୟ ବିଜେପି କୋଟାରୁ ଆସନ ପାଇବାକୁ ଚେଷ୍ଟା କରୁଛନ୍ତି। ଭିଆଇପି ଫୁଲାନ୍ ଦେବୀଙ୍କ ସହାୟତାରେ ସେଠାରେ ଜମି ପ୍ରସ୍ତୁତ କରିବାରେ ବ୍ୟସ୍ତ ଅଛନ୍ତି । ଅପରିପକ୍ଷରେ ଯୋଗୀ ସରକାରଙ୍କ କଠୋରତା ହେତୁ ସେଠାରେ ୧୮ ଟି ପ୍ରତିମା ସ୍ଥାପନ ପାଇଁ ତାଙ୍କର ଉଦ୍ୟମ ବିଫଳ ହୋଇଥିଲା, ତେଣୁ ସେ ବର୍ତ୍ତମାନ ଶ୍ରମିକ ଏବଂ ସମର୍ଥକଙ୍କ ଘରେ ୫୦ ହଜାର ପ୍ରତିମା ସ୍ଥାପନ କରିବାକୁ ପ୍ରସ୍ତୁତ ହେଉଛନ୍ତି।
