(ସତ୍ୟପାଠ ବ୍ୟୁରୋ) ଭୁବନେଶ୍ୱର : ରବିବାର ଦିନ ମହାରାଷ୍ଟ୍ରର ମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ଅଶୋକ ଚୌହ୍ୱାନ କେନ୍ଦ୍ର ମନ୍ତ୍ରୀ ନିତିନ ଗଡକରୀଙ୍କୁ ପ୍ରଶଂସା କରି “ଭୁଲ ଦଳରେ ଜଣେ ଠିକ୍ ବ୍ୟକ୍ତି” ବୋଲି କହିଛନ୍ତି। ଏକ ଭିଡିଓ କନଫରେନ୍ସିଂ ଜରିଆରେ ଗଣମାଧ୍ୟମ ବ୍ୟକ୍ତିବିଶେଷଙ୍କୁ ସମ୍ବୋଧିତ କରି ଚୌହ୍ୱାନ କହିଛନ୍ତି “ନିତିନ ଗଡକରୀ ମହାରାଷ୍ଟ୍ରର ମୌଳିକ ସୁବିଧା ଏବଂ ଭିତ୍ତିଭୂମି ସହ ଜଡିତ ପ୍ରସଙ୍ଗକୁ ଗମ୍ଭୀରତାର ସହ ନେଇଛନ୍ତି। ନିତିନ ଗଡକରୀ ଜଣେ ଦକ୍ଷ ମନ୍ତ୍ରୀ।ସେ ଏନଡିଏ ସରକାରରେ ଜଣେ ମନ୍ତ୍ରୀ ଅଟନ୍ତି। ତେଣୁ ମୁଁ କେବଳ କହିବି ଯେ ସେ ହେଉଛନ୍ତି ଠିକ୍ ମଣିଷ କିନ୍ତୁ ଭୁଲ ପାର୍ଟିରେ “। କିନ୍ତୁ ମନ୍ତ୍ରୀ ଭାବରେ ନିତିନ ଗଡକରୀଙ୍କ କ୍ଷମତା କ୍ରମାଗତ ଭାବେ ହ୍ରାସ କରାଯାଉଛି ବୋଲି ଅଶୋକ ଚୌହ୍ୱାନ କହିଛନ୍ତି। କେନ୍ଦ୍ର ସରକାରରେ ତାଙ୍କର କୌଣସି ପ୍ରିୟ ମନ୍ତ୍ରୀ ଅଛନ୍ତି ବୋଲି ପ୍ରଶ୍ନ ପଚରାଯିବାରୁ ଅଶୋକ ଚୌହ୍ୱାନ କହିଛନ୍ତି ଯେ, ନୀତିନ ଗଡକରୀଙ୍କ ବିଷୟରେ “ଭଲ ଶବ୍ଦ” କୁହାଯାଇପାରେ, ଯିଏ ଆଦର୍ଶଗତ ପାର୍ଥକ୍ୟ ସତେ ଅନ୍ୟ ଦଳ ସହ କଥାବାର୍ତ୍ତା “ବଜାୟ ରଖିଛନ୍ତି। ଏହା ଉପରେ ଅଧିକ ବର୍ଣ୍ଣନା ନକରି ଅଶୋକ ଚୌହ୍ୱାନ କହିଛନ୍ତି, ” ନିତିନ ଗଡକରୀଜଣେ ଭୁଲ ପାର୍ଟିର ସଠିକ୍ ବ୍ୟକ୍ତି। ମହାରାଷ୍ଟ୍ର ପ୍ରତି ତାଙ୍କର ସକାରାତ୍ମକ ଆଭିମୁଖ୍ୟ ଅଛି କିନ୍ତୁ ତାଙ୍କର କ୍ଷମତା କ୍ରମାଗତ ଭାବେ ହ୍ରାସ କରାଯାଉଛି।” ଅଶୋକ ଚୌହ୍ୱାନ କହିଛନ୍ତି ଯେ କେନ୍ଦ୍ର ସମସ୍ତ ନିଷ୍ପତ୍ତି ଗ୍ରହଣ କ୍ଷମତାକୁ ନିଜ ହାତରେ ରଖିଛି କିନ୍ତୁ କୋଭିଡ୍ -19 ନିୟନ୍ତ୍ରଣ ବାହାରକୁ ଆସିବା ପରେ ରାଜ୍ୟ ସରକାରଙ୍କୁ ଦାୟୀ କରାଯାଉଛି। “ପ୍ରେଟୋଲ ମୂଲ୍ୟ ଲିଟର ପିଛା 100 ଟଙ୍କାରେ ପହଞ୍ଚିଛି। ପ୍ରାୟ 12.21 କୋଟି ଲୋକ ଚାକିରି ହରାଇଛନ୍ତି। ବାଂଲାଦେଶର ମୁଣ୍ଡପିଛା ଆୟ ବର୍ତ୍ତମାନ ଭାରତ ତୁଳନାରେ ଅଧିକ। କେନ୍ଦ୍ରର ନୀତି ଦେଶକୁ ଧ୍ୱଂସ କରିଦେଇଛି ବୋଲି କହିଛନ୍ତି।
