ଭୁବନେଶ୍ୱର(ସତ୍ୟପାଠ ବ୍ୟୁରୋ): ଉତ୍ତରପ୍ରଦେଶର ଗୋରଖପୁରର ଗୋରଖନାଥ ମନ୍ଦିରରେ ପୋଲିସ୍ ଉପରେ ଆକ୍ରମଣ କରିଥିବା ମୁର୍ତଜାକୁ ପଚରାଉଚୁରାରେ ସମୟରେ ଅନେକ ଗୁରୁତ୍ୱପୂର୍ଣ୍ଣ ତଥ୍ୟ ଖୁଲାସା ହୋଇଛି । ଜାକିର ନାୟକଙ୍କ ଠାରୁ ମୁର୍ତାଜା ମଧ୍ୟ ଅତ୍ୟନ୍ତ ପ୍ରଭାବିତ ହୋଇଥିଲେ ଏବଂ ତାଙ୍କ ଭିଡିଓଗୁଡ଼ିକୁ ଯତ୍ନର ସହ ଦେଖୁଥିଲେ । ଅନ୍ୟପକ୍ଷରେ, ମୁର୍ତାଜାଙ୍କ ପିତା କହିଛନ୍ତି ଯେ ତାଙ୍କର ମାନସିକ ସ୍ଥିତି ଭଲ ନୁହେଁ ଏବଂ ସେ ଅନୁଭବ କରିଛନ୍ତି ଯେ ପୋଲିସ ତାଙ୍କ ପଛରେ ଅଛି ତେଣୁ ସେ ଏହି କାର୍ୟ୍ୟ କରିଥିଲେ। ଏହା ମଧ୍ୟରେ ଏନେଇ ଏକ ଚ୍ୟାନେଲରେ ବିତର୍କ ସମୟରେ କଂଗ୍ରେସ ମୁଖପାତ୍ର ସୁରେନ୍ଦ୍ର ରାଜପୁତ କହିଛନ୍ତି ଯେ ବିଜେପି ମୁଖପାତ୍ର କହିଛନ୍ତି ଯେ ଜୟ ଶ୍ରୀ ରାମ ନାରା ଦେଇ ଟୁଇନ ଟାୱାରକୁ ଧ୍ୱଂସ କରାଯାଇନଥିଲା । ତେବେ ବିଜେପି ନେତାମାନେ ଚାହୁଁଥିଲେ କି ଜୟ ଶ୍ରୀରାମ ନାରା ଦେଇ ଏହାକୁ ଧ୍ୱଂସ କରାଯାଉ ବୋଲି । ଏହା ସତ୍ୟ ଯେ କଟରତା ସେ ଯେଉଁ ଧର୍ମକୁ ନେଇ ହେଉ ତାହା ସମ୍ପୂର୍ଣ୍ଣ ଖରାପ ଅଟେ । କେବଳ ଏତିକି ନୁହେଁ ବରଂ ଯେତେବେଳେ ଭାରତୀୟ ଜନତା ପାର୍ଟିର ଲୋକମାନେ ଅନ୍ୟ ଧର୍ମକୁ ନେଇ ପ୍ରଶ୍ନ ଉଠାନ୍ତି ତାହାଲେ ଏଆଇଏମଆଇଏମର ଲୋକମାନେ ଏହାର ନିଶ୍ଚିତ ଭାବରେ ଉତ୍ତର ଦେଇଥାନ୍ତି । ଏହା ପରେ ଧର୍ମକୁ ନେଇ ଦୁଇ ରାଜନୈତିକ ଦଳ ନିଜର ରାଜନୀତି କରିଥାନ୍ତି ବୋଲି କଂଗ୍ରେସ ମୁଖପାତ୍ୟ କହିଛନ୍ତି । ସେପଟେ ତାଙ୍କର ଏପରି ବିବୃତ୍ତିର ଜବାବ ଦେଇଛନ୍ତି ବିଜେପି ନେତା ।
ତେବେ ରାଜସ୍ଥାନର କରୌଲିରେ କଣ ଘଟୁଛି ? ସେପଟେ ଅଶୋକ ଗେହଲୋଟ୍ ଜି କହିଛନ୍ତି ଯେ ପ୍ରଧାନମନ୍ତ୍ରୀ କ୍ଷମା ମାଗନ୍ତୁ। ଯଦି ସୋନିଆ ଚାଳିସା ପଢ଼ିବା ବ୍ୟତୀତ ସମ୍ବିଧାନ ପଢ଼ିଥାନ୍ତେ ତାହାଲେ ଏହା ଜଣା ପଡିଥାନ୍ତା ଯେ ଆଇନ ଶୃଙ୍ଖଳା ହେଉଛି ରାଜ୍ୟ ସରକାରଙ୍କ ଦାୟିତ୍ୱ ବୋଲି ବିଜେପି ମୁଖପାତ୍ର କହିଛନ୍ତି । ଏ ଖବର ସାମ୍ନାକୁ ଆସିବା ପରେ ଦେଶର ରାଜନୈତିକ ମାହୋଲ ବେଶ ସରଗରମ ହୋଇ ଉଠିଛି । ଅନ୍ୟପଟେ ଅନୁସନ୍ଧାନକାରୀ ସଂସ୍ଥା ଗୋରଖନାଥ ମନ୍ଦିର ଆକ୍ରମଣକୁ ପ୍ରତ୍ୟେକ ଦିଗରୁ ଯାଞ୍ଚ କରୁଛନ୍ତି ଏବଂ ଆତଙ୍କବାଦୀମାନେ ଏହି ଷଡଯନ୍ତ୍ରକୁ ଅସ୍ୱୀକାର କରିପାରିବେ ନାହିଁ ବୋଲି ସରକାର ସ୍ପଷ୍ଟ କରିଛନ୍ତି। ୟୁପି ଏଟିଏସ୍ ମଧ୍ୟ ମୁମ୍ବାଇ ଯାଇଛି । ଯେଉଁଠାରେ ଡି କମ୍ପାନୀ ସହିତ ସଂଯୋଗ ମଧ୍ୟ ଅନୁସନ୍ଧାନ କରାଯିବ ଏବଂ ମୁର୍ତାଜାଙ୍କ ପ୍ରଫେସରଙ୍କୁ ମଧ୍ୟ ପ୍ରଶ୍ନ କରାଯିବ। ଅନୁସନ୍ଧାନକାରୀ ଦଳ ଗତକାଲି ମୁର୍ତାଜାଙ୍କ ପ୍ରଥମ ପତ୍ନୀଙ୍କୁ ମଧ୍ୟ ପ୍ରଶ୍ନ କରିଥିଲେ ବୋଲି ସୂଚନା ମିଳିଛି । ସେପଟେ ଅଧିକ ଅନୁସନ୍ଧାନ ପାଇଁ ଅଭିଯୁକ୍ତ ମୁର୍ତାଜାଙ୍କୁ ଲକ୍ଷ୍ନୌର ଏଟିଏସ୍ ମୁଖ୍ୟାଳୟକୁ ଅଣାଯାଇଛି। ତାଙ୍କର ଲାପଟପ୍ ଏବଂ ମୋବାଇଲ୍ ଫୋରେନ୍ସିକ୍ ସାଇନ୍ସ ଲାବୋରେଟୋରୀକୁ ପଠାଯିବ । ଆତଙ୍କବାଦ ବିରୋଧୀ ସ୍କାର୍ଡ ଏହାର ଯାଞ୍ଚ କରୁଛନ୍ତି ।
