ଭୁବନେଶ୍ୱର: ଦିନ ଯେତିକି ପାଖଉଛି ଉକ୍ରଣ୍ଠା ସେତିକି ବଢ଼ୁଛି । କିଏ ଏଥରକ ଆମ ପ୍ରାର୍ଥୀ ହେବ । କେଉଁ ପଞ୍ଚାୟତରେ କେଉଁ ଶ୍ରେଣୀର ପ୍ରାର୍ଥୀ ହେବେ ତାକୁ ନେଇ ସବୁଠି ଚର୍ଚ୍ଚା । ସଂରକ୍ଷଣ ତାଲିକା ଆସିବା ପୂର୍ବରୁ ସରପଞ୍ଚ, ସମିତିସଭ୍ୟ ଏବଂ ୱାର୍ଡ ମେମ୍ବର ହେବା ଲାଗି ପ୍ରାର୍ଥୀମାନେ ମନ ବଳାଇଲେଣି । ଏମିତିକି ଏବେଠାରୁ ଗାଁ ଗାାଁରେ ମେଳି ମଧ୍ୟ ଦେଖିବାକୁ ମିଳୁଛି । ଏହାରିଭିତରେ ଆଜି ଆସିବ ସଂରକ୍ଷଣ ତାଲିକା । ଆଜି ପଂଚାୟନ ନିର୍ବାଚନ ଲାଗି ସଂରକ୍ଷଣ ତାଲିକା ପ୍ରକାଶ ପାଇବ । ୱାର୍ଡ ମେମ୍ବର, ସରପଂଚ, ସମିତି ସଭ୍ୟଙ୍କ ତାଲିକା ବାହାରିବା ସମ୍ଭାବନା ରହିଛି । ବ୍ଲକ ଅଧ୍ୟକ୍ଷ ଓ ଜିଲ୍ଲା ପରିଷଦ ସଦସ୍ୟଙ୍କ ତାଲିକା ମଧ୍ୟ ପ୍ରକାଶ ପାଇପାରେ । ଆପତ୍ତି ଥିଲେ ଆସନ୍ତା ୧୬ ତାରିଖ ସୁଦ୍ଧା ଅଭିଯୋଗ କରିହେବ । ଏହି ମାସ ୨୧ ତାରିଖ ସୁଦ୍ଧା ଜିଲ୍ଲାପାଳ ଆପତ୍ତି, ଅଭିଯୋଗର ଶୁଣାଣି କରିବେ . ୨୬ ତାରିଖରେ ଚୂଡାନ୍ତ ତାଲିକା ପ୍ରକାଶ ପାଇବ । ଆସନ୍ତାବର୍ଷ ଫେବ୍ରୁଆରୀ-ମାର୍ଚ୍ଚ ମାସରେ ପଂଚାୟତ ନିର୍ବାଚନ ହେବା ସମ୍ଭାବନା ରହିଛି ।
