ନୂଆଦିଲ୍ଲୀ : ଚର୍ଚାରେ ନିର୍ବାଚନୀ ରଣନୀତିଜ୍ଞ ପ୍ରଶାନ୍ତ କିଶୋର | ପ୍ରଥମେ କଂଗ୍ରେସ ସହ ମିଶିବା ନେଇ ଜୋର ଧରିଥିବା ବେଳେ, ଏବେ କଂଗ୍ରେସ ଠୁ ମତାନ୍ତର ହେଵା ପରେ ମଧ୍ୟ ତାଙ୍କୁ ନେଇ ଥମିନି ଚର୍ଚ୍ଚା | ସେ ଏବେ ଏକ ନୂଆ ଦଳ ଗଢିବାକୁ ଯୋଜନା କରୁଥିବା ଚର୍ଚା ଆରମ୍ଭ ହୋଇଯାଇଛି | ସୋମବାର ତାଙ୍କ ଟୁଇଟକୁ ଆରମ୍ଭ ହୋଇଛି ଚର୍ଚ୍ଚା । ଟ୍ୱିଟ କରି ସେ ଯାହା କହିଛନ୍ତି ତାକୁ ନେଇ ଆରମ୍ଭ ହୋଇଛି କଳ୍ପନା ଜଳ୍ପନା । ଯାହା ଜଣାପଡୁଛି କି, ସେ ନୂଆ ଦଳ ଗଢିବାର ଯୋଜନା କରୁଛନ୍ତି ।
କଂଗ୍ରେସ ସହ ଆଲୋଚନା ସଫଳ ନହେବା ପରେ ତାଙ୍କର ପରବର୍ତ୍ତୀ ପଦକ୍ଷେପ କ’ଣ ହେବ ତାହା ପରୋକ୍ଷରେ ସୂଚାଇଛନ୍ତି । ବାସ୍ତବରେ ପ୍ରଶାନ୍ତ କିଶୋର ଟ୍ୱିଟ୍ କରି କହିଛନ୍ତି ଯେ ପ୍ରକୃତ ମାଷ୍ଟରଙ୍କ ନିକଟରେ ପହଞ୍ଚିବା ପାଇଁ ସମୟ ଆସିଛି । ‘ଜନ ସୁରଜ’ର ପଥକୁ ଭଲ ଭାବରେ ବୁଝିବାକୁ ପ୍ରକୃତ ମାଷ୍ଟର୍ସଙ୍କ ନିକଟରେ ପହଞ୍ଚିବାର ସମୟ ଆସିଛି ।
ବାସ୍ତବରେ ପ୍ରଶାନ୍ତ କିଶୋର କିଛି ଦିନ ତଳେ କଂଗ୍ରେସରେ ମିଶିବା ନେଇ ଆଲୋଚନା ହେଉଥିଲା । ୨୦୨୪ ଲୋକସଭା ନିର୍ବାଚନରେ କଂଗ୍ରେସର ଉନ୍ନତ ପ୍ରଦର୍ଶନ ଉପରେ ପ୍ରଶାନ୍ତ କିଶୋର ଏକ ପ୍ରସ୍ତାବ ଦେଇଥିଲେ । ଯାହାକୁ ପସନ୍ଦ କରିଥିଲେ କଂଗ୍ରେସ ହାଇକମାଣ୍ଡ । ବିଶ୍ୱାସ କରାଯାଏ ଯେ ପ୍ରଶାନ୍ତ କିଶୋର ବିହାର ଯାତ୍ରା କରିବେ, ଲୋକଙ୍କୁ ଭେଟିବେ ଏବଂ ସେମାନଙ୍କ ସମସ୍ୟା ବୁଝିବେ ।
ଏଭଳି ପରିସ୍ଥିତିରେ ପି.କେ ଏକ ନୂତନ ରାଜନୈତିକ ଦଳ ଗଠନ କରିବେ କି ନାହିଁ ପ୍ରଶ୍ନ ଉଠିଛି ? ଏହା ବିଶ୍ୱାସ କରାଯାଏ ଯେ ପି.କେଙ୍କର ବିକଳ୍ପ ସୀମିତ ନୁହେଁ । ସେ ଏକ ନୂତନ ପାର୍ଟି ମଧ୍ୟ ଘୋଷଣା କରିବାକୁ ଯୋଜନା କରୁଛନ୍ତି ।
ଉଲ୍ଲେଖଥାଉ କି, ପ୍ରଶାନ୍ତ କିଶୋର ଆଜି ପାଟନା ଗସ୍ତରେ ଅଛନ୍ତି । କେବଳ ସେତିକି ନୁହେଁ, ଏହା କୁହାଯାଉଛି ଯେ ପ୍ରଶାନ୍ତ କିଶୋର ବିହାରରୁ ନିଜର ଅଭିଯାନ ଆରମ୍ଭ କରିବାକୁ ଯାଉଛନ୍ତି | ତେବେ ଯଦି ନିର୍ବାଚନୀ ରଣନୀତିଜ୍ଞ ପ୍ରଶାନ୍ତ କିଶୋର ଆଉ ଏକ ନୂଆ ଦଳ ଗଠନ କରନ୍ତି ତେବେ କେଙ୍ଗ୍ରେସକୁ ଆଉ ଏକ ପ୍ରତିଦ୍ବନ୍ଦୀର ସାମ୍ନା କରିବାକୁ ପଡିବ |
