ନୂଆଦିଲ୍ଲୀ(ସତ୍ୟପାଠ ବ୍ୟୁରୋ): ପିଏମ କେୟାର ଫଣ୍ଡର ଅଡିଟ ରିପୋର୍ଟ ପାଇଁ ଦୀର୍ଘଦିନ ଧରି ଚର୍ଚ୍ଚା ହୋଇ ଆସୁଥିଲା । ସେପଟେ ଏନେଇ ବିରୋଧୀ ମଧ୍ୟ କେନ୍ଦ୍ର ସରକାରଙ୍କୁ ବାରମ୍ବାର ଟାର୍ଗେଟ କରିବାରେ ଲାଗିଥିଲା । କାହିିଁକି ପିଏମ କେୟାର ଫଣ୍ଡର ଅଡିଟ ରିପୋର୍ଟ ପ୍ରକାଶ କରାଯାଉ ନାହିଁ ବୋଲି ମଧ୍ୟ ପ୍ରଶ୍ନ କରାଯାଉଥିଲା । ସେପଟେ ମହାମାରୀ କରୋନା ସମୟରେ ଆବଶ୍ୟକ କରୁଥିବା ଲୋକଙ୍କୁ ହସ୍ପିଟାଲ ଫେସିଲିଟି ହେଉ କିମ୍ବା ସଂକ୍ରମିତଙ୍କୁ ସାହାଯ୍ୟ କରିବା ପାଇଁ ପିଏମ କେୟାର ଫଣ୍ଡର ସ୍ଥାପନା କରାଯାଇଥିଲା । ଏହା ପରେ ସାରା ବିଶ୍ୱରୁ ପିଏମ କେୟାର ଫଣ୍ଡକୁ ଲୋକମାନେ ସାହାଯ୍ୟର ହାତ ବଢ଼ାଇଥିଲେ । ହେଲେ କରୋନା କାଳରେ ଏହି ଫଣ୍ଡର ଟଙ୍କାକୁ କେନ୍ଦ୍ର ସରକାର ଖର୍ଚ୍ଚ କରିନାହାନ୍ତି ବୋଲି ଅନେକ କଳ୍ପନାଜଳ୍ପନା ଚାଲିଥିଲା । ଏହା ମଧ୍ୟରେ ପିଏମ କେୟାର ଫଣ୍ଡର ଅଡିଟ ରିପୋର୍ଟ ସାମ୍ନାକୁ ଆସିଥିବାର ଦେଖିବାକୁ ମିଳିଛି । ତେବେ ୧୦ ହଜାର ୯୯୦ କୋଟି ଟଙ୍କାର ପିଏମ କେୟାର ଫଣ୍ଡର ଅଡିଟ ରିପୋର୍ଟ ପ୍ରକାଶ ପାଇଛି ।
ସବୁଠାରୁ ବଡ ଖର୍ଚ୍ଚ ହେଉଛି କୋଭିଡ-୧୯ ଟିକାରେ ହୋଇଥିଲା । ଯେଉଁଥିରେ ପ୍ରାୟ ୬.୬ କୋଟି ଖର୍ଚ୍ଚ ହୋଇଥିଲା । ସେପଟେ ଭାରତ ସରକାର ଦେଶ ଭିତରୁ ୭,୬୭୯ କୋଟି ଡଲାରର ଦାନ ପାଇଥିଲେ। ଏପ୍ରିଲ୍ ୨୦୨୦ ରୁ ମାର୍ଚ୍ଚ ୨୦୨୧ ମଧ୍ୟରେ ପ୍ରଧାନମନ୍ତ୍ରୀଙ୍କ ନାଗରିକ ସହାୟତା ଏବଂ ଜରୁରୀକାଳୀନ ପରିସ୍ଥିତିରେ ରିଲିଫ୍ ପାଣ୍ଠିରୁ ଉଠାଯାଇଥିବା ମୋଟ କର୍ପସର ଏକ ତୃତୀୟାଂଶ ଭାରତ ସରକାର ଖର୍ଚ୍ଚ କରିଛନ୍ତି। ଭାରତ ସରକାର ୧୦,୯୯୦ କୋଟି ପିଏମ କେୟାର ଫଣ୍ଡରୁ ୩,୯୭୬ କୋଟି ଡଲାର ଖର୍ଚ୍ଚ କରିଛନ୍ତି । ସମାନ ସମୟ ସୀମା ମଧ୍ୟରେ ହୋଇଥିବା ସବୁଠାରୁ ବଡ ଖର୍ଚ୍ଚ ହେଉଛି କୋଭିଡ ଭ୍ୟାକ୍ସିନ କିଣିବା ଏବଂ ମେକଇନ ଇଣ୍ଡିଆ ଭେଣ୍ଟିଲେଟର କିଣିବାରେ ଖର୍ଚ୍ଚ ହୋଇଛି । ଏ ଖବର ସାମ୍ନାକୁ ଆସିବା ପରେ ପୁଣିଥରେ ଦେଶର ରାଜନୀତି ଚଳଚଞ୍ଚଳ ହୋଇ ଉଠିଛି ।
