(ସତ୍ୟପାଠ ବ୍ୟୁରୋ) ଭୁବନେଶ୍ୱର : ଗୃହ ମନ୍ତ୍ରଣାଳୟ ଅଧୀନରେ ଥିବା ଅଗ୍ନିଶମ ସେବା, ସିଭିଲ ଡିଫେନ୍ସ ଏବଂ ହୋମ ଗାର୍ଡର ମହାନିର୍ଦ୍ଦେଶକ ମହମ୍ମଦ ଜାଭେଦ ଅଖତର ଶୁକ୍ରବାର ଦିନ ଦିଲ୍ଲୀର ଏକ ଡାକ୍ତରଖାନାରେ କୋଭିଡ ଜଟିଳତାରେ ମୃତ୍ୟୁ ବରଣ କରିଛନ୍ତି। ତାଙ୍କୁ 59 ବର୍ଷ ହୋଇଥିଲା । ୟୁପି କ୍ୟାଡରର 1986-ବ୍ୟାଚ୍ ଆଇପିଏସ୍ ଅଧିକାରୀ ହେଉଛନ୍ତି ପ୍ରଥମ ସେବା କରୁଥିବା ପୋଲିସ୍ ମୁଖ୍ୟ ଯିଏକି ଏହି ସଂକ୍ରମଣରେ ମୃତ୍ୟୁ ବରଣ କରିଛନ୍ତି। ଆଇପିଏସ୍ ଆସୋସିଏସନ୍ ଏକ ଟୁଇଟ୍ ଜରିଆରେ କହିଛନ୍ତି, “ମହମ୍ମଦ ଜାଭେଦ୍ ଅଖତର ଆଇପିଏସ୍ (ୟୁପି 1986), ଡିଜି ଫାୟାର ସର୍ଭିସେସ୍, ସିଭିଲ୍ ଡିଫେନ୍ସ ଆଣ୍ଡ ହୋମ ଗାର୍ଡଙ୍କ ଅକାଳ ବିୟୋଗରେ ଆମେ ଗଭୀର ଦୁଃଖିତ । ଗତ ବର୍ଷ ଅଗଷ୍ଟରେ ଅଗ୍ନିଶମ ସେବା, ସିଭିଲ୍ ଡିଫେନ୍ସ ଏବଂ ହୋମ ଗାର୍ଡର ମହାନିର୍ଦ୍ଦେଶକ ନିଯୁକ୍ତ ଅଖତର ଜୁଲାଇରେ ଅବସର ନେବାକୁ ଯାଉଥିଲେ। ଏହି ପଦରେ ନିଯୁକ୍ତ ହେବା ପୂର୍ବରୁ ଅଖତର ଏଠାରେ CRPF ର ସ୍ୱତନ୍ତ୍ର ଡିଜି ଭାବରେ କାର୍ଯ୍ୟ କରିଥିଲେ।ଗତ ମାସରେ ସିବିଆଇର ପୂର୍ବତନ ନିର୍ଦ୍ଦେଶକ ରଣଜିତ୍ ସିହ୍ନା ଏବଂ ସଶତ୍ର ସୀମା ବଳ ଅରୁଣ ଚୌଧିର ପୂର୍ବତନ ଡିଜି କୋଭିଡରେ ଦେହାନ୍ତ ହୋଇଥିଲା।
