(ସତ୍ୟପାଠ ବ୍ୟୁରୋ) ଭୁବନେଶ୍ବର : ପଶ୍ଚିମବଙ୍ଗ ବିଧାନସଭାରେ ବିଜେପି ଟିକେଟରେ ନିର୍ବାଚନରେ ଜିତିବାର କିଛି ଦିନ ପରେ ଟିଏମସିକୁ ଫେରିଥିବା ମୁକୁଲ ରୟ ପୁଣି ଥରେ ଏକ ମନ୍ତବ୍ୟ ଦେଇଛନ୍ତି ଯାହାକି ରାଜ୍ୟ ରାଜନୀତିରେ କୌତୁହଳ ସୃଷ୍ଟି କରିଛି। ରୟ କହିଛନ୍ତି ଯେ , ‘ମୋ ବିଧାନସଭା ଆସନରେ ଉପନିର୍ବାଚନ ବେଳେ ଗେରୁଆ ଦଳ ବିଜୟୀ ହେବ’। ସପ୍ତାହକ ମଧ୍ୟରେ ମୁକୁଲ ରୟ ଦ୍ୱିତୀୟ ଥର ପାଇଁ ବିଜେପି ସପକ୍ଷରେ ଏପରି ମନ୍ତବ୍ୟ ରଖିଛନ୍ତି। କିନ୍ତୁ ସେ କହିଛନ୍ତି ୨୦୨୩ ରେ ହେବାକୁ ଥିବା ତ୍ରିପୁରା ବିଧାନସଭା ନିର୍ବାଚନରେ ଟିଏମସି ପୂର୍ବ ଅପେକ୍ଷା ଅଧିକ ଭଲ ପ୍ରଦର୍ଶନ କରିବ। ତେବେ ମୁକଲ ରୟଙ୍କ ଏଭଳି ମନ୍ତବ୍ୟକୁ ନେଇ ଟିଏମସିର ଅନ୍ୟତମ ବରିଷ୍ଠ ନେତା ତାପସ ରୟ କୌଣସି ବିବୃତ୍ତି ରଖି ନାହାନ୍ତି। ବିଜେପି କହିଛି ଲୋକେ ଏଭଳି ମତକୁ ନେଇ ବିଚାର କରିବେ। ଏପଟେ ବିଜେପି କହିଛି ଯେ ଏଭଳି ବିବୃତ୍ତି ଉପରେ ଜନସାଧାରଣ ନିଷ୍ପତ୍ତି ନେବେ।
ଅଗଷ୍ଟ ୬ ରେ ନାଦିଆ ଜିଲ୍ଲାର କୃଷ୍ଣନଗରରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ମୁକୁଲ ରୟ କହିଥିଲେ ଯେ ରାଜ୍ୟରେ ହେବାକୁ ଥିବା ଉପ-ନିର୍ବାଚନରେ ବିଜେପି ଏକ ବିଜୟ ହେବ। ତେବେ ପାଖରେ ଥିବା ସାମ୍ୱାଦିକମାନେ ଏପରି ମନ୍ତବ୍ୟକୁ ନେଇ ହଠାତ ପ୍ରତିକ୍ରିୟା ପ୍ରକାଶ କରିବା ପରେ ମୁକୁଲ ତ୍ରୁଟି ସୁଧାରି କହିଥିଲେ ଉପନିର୍ବାଚନରେ ଟିଏମସି ବିଜୟୀ ହେବ। ସେତେବେଳେ ମୁକୁଲଙ୍କ ପୁଅ ଶୁଭ୍ରାଂଶୁ କହିଥିଲେ ମାଙ୍କର ଦେହାନ୍ତ ପରେ ବାପା (ମୁକୁଲ ରୟ) ଟିକିଏ ଅଧିକ ଚିନ୍ତାଗ୍ରସ୍ତ ହୋଇପଡ଼ିଛନ୍ତି। ତେଣୁ ସେ ମଝିରେ ମଝିରେ ଏପରି କିଛି ବିବୃତ୍ତି ରଖୁଛନ୍ତି। ପଶ୍ଚିମବଙ୍ଗରେ ମମତା ବାନାର୍ଜୀଙ୍କ ପ୍ରତି ଲୋକଙ୍କର ଆସ୍ଥା ଓ ବିଶ୍ୱାସ ରହିଛି। ବରିଷ୍ଠ ନେତା ରୟ ମମତା ବାନାର୍ଜୀଙ୍କ ନେତୃତ୍ୱାଧୀନ ଟିଏମସି ଛାଡି 2017 ରେ ବିଜେପିରେ ଯୋଗ ଦେଇଥିଲେ କିନ୍ତୁ ପଶ୍ଚିମବଙ୍ଗ ବିଧାନସଭା ନିର୍ବାଚନର ଫଳାଫଳ ଘୋଷଣା ହେବାର ପ୍ରାୟ ଏକ ମାସ ପରେ ମେ 2 ରେ ଟିଏମସିକୁ ଫେରିଥିଲେ। ତେବେ ଆନୁଷ୍ଠାନିକ ଭାବେ ସେ କୃଷ୍ଣନଗର ଉତ୍ତର ଆସନରୁ ବିଜେପି ବିଧାୟକ ଅଟନ୍ତି ଏବଂ ବିଧାନସଭାର ପବ୍ଲିକ ଆକାଉଣ୍ଟସ କମିଟିର ସଭାପତି ହୋଇଛନ୍ତି।
ବିଧାନସଭା ପରିସରରେ ପବ୍ଲିକ ଆକାଉଣ୍ଟସ କମିଟିର ବୈଠକରେ ଯୋଗଦେବା ପରେ ଶୁକ୍ରବାର ଦିନ ସାମ୍ବାଦିକମାନଙ୍କ ସହ କଥାବାର୍ତ୍ତା କରି ରୟ ଗଣମାଧ୍ୟମକୁ କହିଛନ୍ତି ଯେ ଯଦି କୃଷ୍ଣନଗର ଉତ୍ତର ସିଟରେ ଉପ ନିର୍ବାଚନ ଅନୁଷ୍ଠିତ ହୁଏ ତେବେ ବିଜେପି ଜିତିବ। ତେବେ ଟିଏମସି ସେଠାରୁ ଜିତିବ ନାହିଁ ବୋଲି ପଚରାଯିବାରୁ ସେ କହିଥିଲେ ଯେ ଲୋକମାନେ ଏହି ନିଷ୍ପତ୍ତି ନେବେ। ଯେତେବେଳେ ମୁକୁଲ ରୟଙ୍କୁ ପଚରାଯାଇଥିଲା ଯେ ସେ କେଉଁ ଦଳର ବିଧାୟକ ଅଟନ୍ତି, ସେ କହିଥିଲେ ମୁଁ ଜଣେ ବିଜେପି ବିଧାୟକ। ସେ କହିଛନ୍ତି, “ଯଦି ଦଳ ଏପରି କହୁଛି, ସେ ତ୍ରିପୁରା ଯାଇ ଟିଏମସି ପାଇଁ କାମ କରିବାକୁ ପ୍ରସ୍ତୁତ ଅଛନ୍ତି। ପାର୍ଟି ଯାହା କହିବ ମୁଁ ତାହା କରିବି। ତ୍ରିପୁରାରେ ବିଜେପି ଭଲ ପ୍ରଦର୍ଶନ କରୁନାହିଁ। ଆସନ୍ତା ନିର୍ବାଚନରେ ଆମ ଦଳ ଭଲ ପ୍ରଦର୍ଶନ କରିବ। ବିଧାନସଭା ନିର୍ବାଚନରେ ସେ ବିଜେପି ଟିକେଟରୁ ମଧ୍ୟ ପ୍ରାର୍ଥୀ ହୋଇ ବିଜୟୀ ହୋଇଥିଲେ। ପରେ କିନ୍ତୁ ସେ ବିଜେପିକୁ ବାଏ ବାଏ କହି ଟିଏମସିରେ ସାମିଲ୍ ହୋଇଛନ୍ତି। ହେଲେ ବିଧାୟକ ପଦରୁ ଇସ୍ତଫା ଦେଇ ନାହାନ୍ତି, ଯାହାକୁ ନେଇ ବିବାଦ ଚାଲିଛି।
