(ସତ୍ୟପାଠ ବ୍ୟୁରୋ) ଭୁବନେଶ୍ୱର: ବିଶ୍ବର ଭାଇରୋଲୋଜିଷ୍ଟ ଏବଂ ଏପିଡେମୋଲୋଜିଷ୍ଟଙ୍କ ରିସର୍ଚ୍ଚ ଅନୁଯାୟୀ, ଡେଲଟା ଭାରିଏଣ୍ଟ, କୋଭିଡ -19 ଜୀବାଣୁ ବର୍ତ୍ତମାନ ପର୍ଯ୍ୟନ୍ତ ସବୁଠାରୁ ବିପଜ୍ଜନକ ଭାରିଏଣ୍ଟ ଅଟେ। ଏଭଳି ପରିସ୍ଥିତିରେ, ଯେତେବେଳେ ବିଭିନ୍ନ ଦେଶ କଟକଣା କୋହଳ କରି ନିଜର ଅର୍ଥନୀତିକୁ ସଂପୂର୍ଣ୍ଣ ଭାବେ ଖୋଲୁଛନ୍ତି, ସେତେବେଳେ ସଂପୂର୍ଣ୍ଣ ଟୀକାକରଣ ହୋଇଥିବା ଲୋକଙ୍କ ମଧ୍ୟରେ ଏହି ଭାରିଏଣ୍ଟ ଦ୍ରୁତ ଗତିରେ ବ୍ୟାପିବାରେ ଲାଗିଛି।
ରଏଟର୍ସ 10 ଜଣ ଅଗ୍ରଣୀ COVID-19 ବିଶେଷଜ୍ଞଙ୍କୁ ସାକ୍ଷାତକାର ନେଇଛି , ଯେଉଁମାନଙ୍କର କହିବା କଥା ହେଉଛି ଯେ କରୋନାଭାଇରସ୍ ର କୌଣସି ଭାରିଏଣ୍ଟ କାରଣରୁ ଗୁରୁତର ସଂକ୍ରମଣ ଏବଂ ଡାକ୍ତରଖାନାରେ ଭର୍ତ୍ତି ହେବା ପାଇଁ ଟିକା ସବୁଠୁ ବଡ ଅସ୍ତ୍ର ଅଟେ ।
ଭାରତରେ ପ୍ରଥମେ ଚିହ୍ନଟ ହୋଇଥିବା ଡେଲଟା ଭାରିଏଣ୍ଟ ବିଷୟରେ ସବୁଠାରୁ ବଡ ଚିନ୍ତା ଏହା ନୁହେଁ ଯେ ଏହା ଲୋକଙ୍କୁ ସଂକ୍ରମିତ କରେ, କିନ୍ତୁ ଏହା ଶୀଘ୍ର ଏବଂ ସହଜରେ ବ୍ୟକ୍ତିଠାରୁ ଅନ୍ୟକୁ ବ୍ୟାପିଥାଏ । ବିଶେଷକରି ଟିକା ନ ନେଇ ଥିବା ଲୋକଙ୍କଠାରେ ଡାକ୍ତରଖାନାରେ ଭର୍ତ୍ତି ହେବାର ଅଧିକ ସମ୍ଭାବନା ଥାଏ।
ସାକ୍ଷାତକାରରେ ବିଶେଷଜ୍ଞମାନେ କହିଛନ୍ତି ଯେ ପୂର୍ବ ପ୍ରମାଣ ଅପେକ୍ଷା ଡେଲଟା ଭାରିଏଣ୍ଟ ଅଧିକ ସଂପୂର୍ଣ୍ଣ ଟୀକା ନେଇଥିବା ଲୋକଙ୍କୁ ସଂକ୍ରମିତ କରିବାରେ ସକ୍ଷମ ବୋଲି ପର୍ଯ୍ୟାପ୍ତ ପ୍ରମାଣ ଅଛି। ସେ ଆହୁରି ମଧ୍ୟ ଉଦବେଗ ପ୍ରକାଶ କରିଛନ୍ତି ଯେ ଏହି ଟୀକାକରଣ ହୋଇଥିବା ଲୋକମାନେ ପରସ୍ପର ମଧ୍ୟରେ ଡେଲ୍ଟା ଭାରିଏଣ୍ଟ ବିସ୍ତାର କରିପାରିବେ।
ଇଂଲଣ୍ଡ
ଜନସ୍ୱାସ୍ଥ୍ୟ ବିଭାଗ, ଇଂଲଣ୍ଡ 23 ଜୁଲାଇରେ କହିଛି ଯେ ବ୍ରିଟେନର ଡେଲଟା ଭାରିଏଣ୍ଟରେ ସଂକ୍ରମିତ ତଥା ଡାକ୍ତରଖାନାରେ ଭର୍ତ୍ତି ହୋଇଥିବା 3,692 ଜଣଙ୍କ ମଧ୍ୟରୁ 58.3% ଟୀକାକରଣ କରାଯାଇ ନାହିଁ। ଯେତେବେଳେ କି 22.8% ଲୋକ ମଧ୍ୟ ସଂପୂର୍ଣ୍ଣ ଟୀକାକରଣ କରିଥିଲେ।
ସିଙ୍ଗାପୁର
ଡେଲଟା ଭାରିଏଣ୍ଟ ବର୍ତ୍ତମାନ ସିଙ୍ଗାପୁରରେ ସବୁଠାରୁ ସାଧାରଣ ଅଟେ । ସେଠାରେ ଥିବା ସରକାରୀ କର୍ମଚାରୀମାନେ ଜୁଲାଇ 23 ରେ କହିଥିଲେ ଯେ କରୋନା ଜୀବାଣୁ ସଂକ୍ରମିତ ତିନି ଚତୁର୍ଥାଂଶ ଲୋକଙ୍କୁ ଟୀକାକରଣ କରାଯାଇଛି। ତେବେ କେହି ଗୁରୁତର ଅସୁସ୍ଥ ହୋଇନଥିଲେ।
ଇସ୍ରାଏଲ
ଇସ୍ରାଏଲର ସ୍ୱାସ୍ଥ୍ୟ ଅଧିକାରୀ କହିଛନ୍ତି ଯେ ବର୍ତ୍ତମାନ ହସ୍ପିଟାଲରେ ଭର୍ତ୍ତି ହୋଇଥିବା କୋଭିଡ -19 ରୋଗୀଙ୍କ ମଧ୍ୟରୁ 60% ଙ୍କୁ ଟୀକାକରଣ କରାଯାଇଛି। ସେମାନଙ୍କ ମଧ୍ୟରୁ ଅଧିକାଂଶ 60 ବର୍ଷ କିମ୍ବା ତଦୁର୍ଦ୍ଧ୍ୱ ଅଟନ୍ତି ଏବଂ ପ୍ରାୟତଃ କିଛି କିମ୍ବା ଅନ୍ୟାନ୍ୟ ସ୍ୱାସ୍ଥ୍ୟ ସମସ୍ୟାରେ ପୀଡିତ ।
ଭାରତରେ, ଏପ୍ରିଲର ଶେଷ ସପ୍ତାହରେ, ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ (ଆଇସିଏମ୍ଆର) ତଥ୍ୟ ପ୍ରକାଶ କରି କହିଛି ଯେ ଭାରତରେ ଟୀକାକରଣ ହୋଇଥିବା ଲୋକଙ୍କ ମଧ୍ୟରେ ସଂକ୍ରମଣ ମାମଲା ବହୁତ କମ୍ ଏବଂ ଏହା ମାତ୍ର 0.05% ଅଟେ। ସେତେବେଳେ ଭାରତରେ ଡେଲଟା ଭାରିଏଣ୍ଟ ସମ୍ପୂର୍ଣ୍ଣ ରୂପେ ବିସ୍ତାର ହୋଇନଥିଲା ।
ଏପଟେ ଭାରତରେ ପ୍ରଥମେ ଠାବ ହୋଇଥିବା କରୋନାର ଡେଲ୍ଟା ଭାରିଏଣ୍ଟକୁ ନେଇ ସତର୍କ ସୂଚନା ଜାରି କରିଛି ବିଶ୍ୱ ସ୍ୱାସ୍ଥ୍ୟ ସଂଗଠନ।
କରୋନାର ସବୁ ଭାରିଏଣ୍ଟ ତୁଳନାରେ ଡେଲ୍ଟା ଏବେ ପ୍ରମୁଖ ଭାରିଏଣ୍ଟର ସ୍ଥାନ ୟୁରୋପରେ ଦଖଲ କରିଥିବା ହୁ ଓ ଇସିଡିସି କହିଛନ୍ତି।
ସୂଚନାଯୋଗ୍ୟ ଯେ, ଭାରତରେ ତାଣ୍ଡବ ରଚିଥିବା କରୋନାର ଦ୍ୱିତୀୟ ୱେଭ ପାଇଁ ଏହି ଡେଲ୍ଟା ଭାରିଏଣ୍ଟ ଦାୟୀ ବୋଲି ବିଶେଷଜ୍ଞମାନେ କହିଛନ୍ତି। କେବଳ ୟୁରୋପୀୟ ଦେଶ ନୁହନ୍ତି, ଆମେରିକାରେ ଏବେ ସଂକ୍ରମିତ ହେଉଥିବା ପ୍ରାୟ ୮୩% ଲୋକ ଏହି ଡେଲ୍ଟା ଭାରିଏଣ୍ଟ ଦ୍ୱାରା ଆକ୍ରାନ୍ତ। ଯଦି ଏଭଳି ଟ୍ରେଣ୍ଡ ଜାରି ରହିବ, ତା’ହେଲେ ଆସନ୍ତା କିଛି ସପ୍ତାହ ମଧ୍ୟରେ ଡେଲ୍ଟା ସାରା ବିଶ୍ୱର ପ୍ରମୁଖ ଭାରିଏଣ୍ଟ ବନିଯିବ।
