ଭୁବନେଶ୍ୱର(ସତ୍ୟପାଠ ବ୍ୟୁରୋ): ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୧ ଟଙ୍କା, ୨ଟଙ୍କା. ୫ଟଙ୍କା, ଦଶ ଟଙ୍କା ଏବଂ କୋଡିଏ ଟଙ୍କାର ସ୍ୱତନ୍ତ୍ର ମୁଦ୍ରା ଜାରି କରିଛନ୍ତି। ନୂତନ ଭାବେ ପ୍ରକାଶିତ ମୁଦ୍ରାଗୁଡ଼ିକ ସ୍ୱାଧୀନତାର ଅମୃତ ମହୋତ୍ସବର ଲୋଗୋ ଧାରଣ କରିବ ଏବଂ ଏହା ସହିତ ଏହି ମୁଦ୍ରାଗୁଡ଼ିକର ବିଶେଷତ୍ୱ ହେଉଛି ଯେ, ଦୃଷ୍ଟିହୀନ ବ୍ୟକ୍ତିମାନେ ଏହି ମୁଦ୍ରାକୁ ସହଜରେ ବୁଝିପାରିବେ । ସେପଟେ ଅର୍ଥ ଏବଂ କର୍ପୋରେଟ ବ୍ୟାପାର ମନ୍ତ୍ରଣାଳୟର ଆଇକନିକ୍ ସପ୍ତାହ ଉତ୍ସବର ଶୁଭାରମ୍ଭରେ ପ୍ରଧାନମନ୍ତ୍ରୀ ମୋଦୀ ଏହି ନୂତନ ମୁଦ୍ରା ମୁକ୍ତ କରିଛନ୍ତି। ଏହି ଅବସରରେ ପ୍ରଧାନମନ୍ତ୍ରୀ ମୋଦିଙ୍କ ସହ ଅର୍ଥମନ୍ତ୍ରୀ ନିର୍ମଳା ସୀତାରମଣ ମଧ୍ୟ ଉପସ୍ଥିତ ଥିଲେ। ଏହି ଅବସରରେ ସରକାର ୨୦ ଟଙ୍କାର ମୁଦ୍ରା ମଧ୍ୟ ଜାରି କରିଛନ୍ତି । ଏହା ଅନ୍ୟମୁଦ୍ରା ପରେ ଗୋଲ ନୁହେଁ । କିନ୍ତୁ ଅନ୍ୟ ମୁଦ୍ରା ପରି ବହୁମୁଖୀ । ଏହି ମୁଦ୍ରାର ମଝିରେ ଅଶୋକ ସ୍ତମ୍ଭ ରହିଛି ।
ଏହାକୁ ତିଆରି କରିବା ପାଇଁ ନିକେଲ୍ ରୂପା ଏବଂ ପିତ୍ତଳ ବ୍ୟବହାର କରାଯାଇଛି । ଏହି କାର୍ୟ୍ୟକ୍ରମରେ ପ୍ରଧାନମନ୍ତ୍ରୀ ମୋଦୀ ଏହି କାର୍ୟ୍ୟକ୍ରମରେ ଉପସ୍ଥିତ ଥିବା ଅଧିକାରୀମାନଙ୍କୁ ସମ୍ବୋଧିତ କରି କହିଛନ୍ତି ଯେ ବିଗତ ବର୍ଷଗୁଡିକରେ ଅର୍ଥ ମନ୍ତ୍ରଣାଳୟ ଏବଂ କର୍ପୋରେଟ ବ୍ୟାପାର ମନ୍ତ୍ରଣାଳୟ ସଠିକ୍ ନିଷ୍ପତ୍ତି ନେଇ ଏକ ଉତ୍ତରାଧିକାରୀ ସୃଷ୍ଟି କରିଛନ୍ତି। ଏବଂ ଏକ ଭଲ ଯାତ୍ରା ଆସିଛି । ଆପଣ ସମସ୍ତେ ଏହି ଉତ୍ତରାଧିକାରର ଅଂଶ ଅଟନ୍ତି । ଦେଶର ସାଧାରଣ ଲୋକଙ୍କ ଜୀବନକୁ ସହଜ କରିବା କିମ୍ବା ଦେଶର ଅର୍ଥନୀତିକୁ ମଜବୁତ କରିବାରେ ଅନେକଙ୍କର ବିଶେଷ ଅବଦାନ ରହିଛି । ଏ ଖବର ସାମ୍ନାକୁ ଆସିବା ପରେ ସାରା ଦେଶରେ ଏନେଇ ଚର୍ଚ୍ଚା ଜୋର ଧରିବାରେ ଲାଗିଛି ।
