ଭୁବନେଶ୍ୱର ( ସତ୍ୟପାଠ ବ୍ୟୁରୋ ): ଇଲୋକଟ୍ରୋନିକ୍ସ ଭୋଟିଂ ମେସିନ ବା ଇଭିଏମରୁ ରାଜନୈତିକ ଦଳର ଚିହ୍ନ ହଟାଇବା ପାଇଁ ହୋଇଥିବା ଆବେଦନ ସୁପ୍ରିମକୋର୍ଟରେ ଖାରଜ ହୋଇଛି । ମଙ୍ଗଳବାର କୋର୍ଟ ଏହାକୁ ଖାରଜ କରିଦେଇଛନ୍ତି । ତେବେ କୋର୍ଟ ଏହି ମାମଲା ଖାରଜ କରିଥିବା ବେଳେ ଆବେଦନକାରୀଙ୍କ ଦାବିକୁ ନିର୍ବାଚନ ଆୟୋଗଙ୍କ ପାଖକୁ ପଠାଇଦେଇଛନ୍ତି ।
ସେପଟେ ଏହାକୁ ନେଇ ନିର୍ବାଚନ ଆୟୋଗଙ୍କ ଓକିଲ କହିଛନ୍ତି ଯେ, ସେହିଭଳି କୌଣସି ମାମଲା ଏଯାଏ ଆସିନାହିଁ। ଯଦି କୌଣସି ମାମଲା ସାମ୍ନାକୁ ଆସେ ତେବେ ଏହା ଉପରେ ଦୃଷ୍ଟି ଦିଆଯିବ ।
ଶୁଣାଣି ସମୟରେ ମୁଖ୍ୟ ବିଚାରପତି ଜଷ୍ଟିସ ୟୁୟୁ ଲଳିତ ଏନେଇ ପ୍ରଶ୍ନ କରିଥିଲେ ଯେ, ଯେତେବେଳେ ଜଣେ ବ୍ୟକ୍ତି କୌଣସି ରାଜନୈତିକ ଦଳର ପ୍ରାର୍ଥୀ ହୋଇଥାଏ ତେବେ ସେ ନିଜ ରାଜନୈତିକ ଦଳକୁ କେଉଁଭଳି ଦର୍ଶାଇବ । ଆବେଦନକାରୀଙ୍କ ପକ୍ଷରୁ ବରିଷ୍ଠ ଓକିଲ ବିକାଶ ସିଂହ ଦଲିଲ ଉପସ୍ଥାପନ କରି କହିଥିଲେ ଯେ, ଯଦି କୌଣସି ପ୍ରାର୍ଥୀ ମତଦାତାଙ୍କୁ ଦେଖିବାର ଅଛି ତେବେ ସିଷ୍ଟମ ଠାରୁ ବହୁତ ଭଲ ଲୋକ ଅଛନ୍ତି । ଦଳ ଭଲ ଲୋକଙ୍କୁ ଟିକଟ ଦେବା ପାଇଁ ବାଧ୍ୟ ହୋଇଯିବେ । ବ୍ରାଜିଲରେ ଏହିଭଳି କରାଯାଉଛି , ଯାହାର ନିର୍ବାଚନରେ କୌଣସି ପ୍ରତୀକ ନଥାଏ । ତେଣୁ ମତଦାତା ପ୍ରତ୍ୟାଶୀଙ୍କୁ ଦେଖି ନିଜର ଭୋଟ ଦେଇଥାନ୍ତି । ଦଳ ଅଧାରରେ ସେଠାରେ ଭୋଟ ଦିଆଯାଇନଥାଏ ।
