ଭୁବନେଶ୍ୱର(ସତ୍ୟପାଠ ବ୍ୟୁରୋ): ପଶ୍ଚିମବଙ୍ଗର ବୀରଭୂମ ଜିଲ୍ଲାରେ ଘଟିଥିବା ହତ୍ୟାକାଣ୍ଡକୁ ନେଇ ବର୍ତ୍ତମାନ ସାରା ଦେଶରେ ଚର୍ଚ୍ଚା ଜୋର ଧରିଛି । ଏପରି ଏକ ଲୋମହର୍ଷରକାରୀ ହତ୍ୟାକାଣ୍ଡକୁ ପ୍ରାୟ ପ୍ରତ୍ୟେକ ରାଜନୈତିକ ଦଳ ନିନ୍ଦା କରିବାରେ ଲାଗିଛନ୍ତି । ଏହା ମଧ୍ୟରେ ବୀରଭୂମ ଜିଲ୍ଲାରେ ଆଠ ଜଣଙ୍କ ମୃତ୍ୟୁ ଘଟିଥିବା ହିଂସା ବିଷୟରେ କହୁଥିବାବେଳେ ବିଜେପି ସାଂସଦ ରୂପା ଗାଙ୍ଗୁଲି ରାଜ୍ୟସଭାରେ କାନ୍ଦି ପକାଇଥିବାର ଦେଖିବାକୁ ମିଳିଛି । ତେବେ ଆମେ ପଶ୍ଚିମବଙ୍ଗରେ ରାଷ୍ଟ୍ରପତିଙ୍କ ଶାସନ ଦାବି କରୁଛୁ। ସେଠାରେ ବହୁ ହତ୍ୟାକାଣ୍ଡ ଘଟୁଛି, ଲୋକମାନେ ରାଜ୍ୟ ଛାଡ଼ି ପଳାଉଛନ୍ତି । ରାଜ୍ୟ ଆଉ ରହିବା ଯୋଗ୍ୟ ନୁହେଁ ବୋଲି ରାଜ୍ୟସଭାରେ କାନ୍ଦି କାନ୍ଦି ରୂପା ଗାଙ୍ଗୁଲି କହିଛନ୍ତି । କେବଳ ଏତିକି ନୁହେଁ ଏନେଇ ରୂପା ଗାଙ୍ଗୁଲି ସଂସଦ ବାହାରେ ମଧ୍ୟ ବୟାନ ଦେଇଥିବାର ଦେଖିବାକୁ ମିଳିଛି ।
ତେବେ ପଶ୍ଚିମବଙ୍ଗର ଲୋକମାନେ କହିପାରିବେ ନାହିଁ। ସରକାର ହତ୍ୟାକାରୀମାନଙ୍କୁ ସୁରକ୍ଷା ଦେଉଛନ୍ତି। ଅନ୍ୟ କୌଣସି ରାଜ୍ୟ ନାହିଁ ଯେଉଁଠାରେ ନିର୍ବାଚନ ଜିତିବା ପରେ ସରକାର ଲୋକଙ୍କୁ ହତ୍ୟା କରନ୍ତି। ସେ କହିଛନ୍ତି ଯେ ଆମେ ମଣିଷ। ଆମେ ପଥର ରାଜନୀତି କରୁନାହୁଁ ବୋଲି ବିଜେପି ସାଂସଦ ରୂପା ଗାଙ୍ଗୁଲି କହିଛନ୍ତି । ସେପଟେ ଆଜି କଲିକତା ହାଇକୋର୍ଟ ଏହି ମାମଲାର ତଦନ୍ତକୁ କେନ୍ଦ୍ରୀୟ ଅନୁସନ୍ଧାନ ବ୍ୟୁରୋକୁ ସ୍ଥାନାନ୍ତର କରିବାକୁ ନିର୍ଦ୍ଦେଶ ଦେଇଛନ୍ତି। ଏହି ଘଟଣାରେ ମଙ୍ଗଳବାର ଦିନ ଆଠ ଜଣଙ୍କୁ ମାଓବାଦୀମାନେ ମାଡ ମାରି ଜୀବନ୍ତ ଦଗ୍ଧ କରିଥିଲେ। ଏହି ପ୍ରସଙ୍ଗରେ ମମତା ସରକାରଙ୍କୁ କଡ଼ା ସମାଲୋଚନା କରାଯାଉଛି। ରାଜ୍ୟ ସରକାର ବିରୋଧରେ ବିଜେପି ବିରୋଧ କରୁଥିବାର ଦେଖିବାକୁ ମିଳିଛି ।
