ପ୍ରଧାନମନ୍ତ୍ରୀଙ୍କ ସୁରକ୍ଷା ବ୍ୟବସ୍ଥାରେ ତ୍ରୁଟି ଘଟଣାକୁ ନେଇ ସମଗ୍ର ଦେଶରେ ତୁମ୍ବି ତୋଫାନ ଚାଲିଥିବା ବେଳେ ଏବେ ସାମ୍ନା କୁ ଆସିଛି ଆଉ ଏକ ସମାନ ଘଟଣା | ଉତ୍ତରାଖଣ୍ଡର ପୂର୍ବ ମୁଖ୍ୟମନ୍ତ୍ରୀ ହରିଶ ରାବତଙ୍କ କ୍ଷେତ୍ରରେ ଘଟିଛି ସମାନ ଘଟଣା | କାଶୀପୁରରେ ଏକ କାର୍ଯ୍ୟକ୍ରମରେ ଯୋଗ ଦେବା ପାଇଁ ରାବତ ଯାଇଥିବା ବେଳେ ଜଣେ ଯୁବକ ଏକ ଛୁରୀ ଧରା ମଞ୍ଚ ଉପରେ ପହଞ୍ଚି ଯାଇଥିଲେ।
ଉତ୍ତରାଖଣ୍ଡର ପୂର୍ବତନ ମୁଖ୍ୟମନ୍ତ୍ରୀଙ୍କ ସୁରକ୍ଷାରେ ଅନିୟମିତତା । ଅଳ୍ପକେ ବଞ୍ଚିଯାଇଛନ୍ତି ହରିଶ ରାୱତ । କାଶିପୁରରେ ଏକ କାର୍ଯ୍ୟକ୍ରମରେ ଯୋଗ ଦେବାକୁ ଯାଇଥିଲେ ହରିଶ ରାୱତ । ସେଠାରେ ଲୋକଙ୍କୁ ସମ୍ବୋଧନ କରି ତଳକୁ ଓହ୍ଲାଇବା ବେଳକୁ ଜଣେ ଯୁବକ ହଠାତ ମଞ୍ଚ ଉପରକୁ ଚଢିଯାଇ ‘ଜୟ ଶୟୀ ରାମ’ ନାରା ଦେଇଥିଲା ।
ସେଠାରେ ଥିବା କର୍ମକର୍ତ୍ତାମାନେ ମାଇକ୍ରୋଫୋନ ବନ୍ଦ କରିଦେଇଥିଲେ । ଏଥିରେ ଉତକ୍ଷିପ୍ତ ହୋଇ ଯୁବକ ଜଣକ ଛୁରା ଦେଖାଇ ତାଙ୍କ ସହ ନାରା ନଦେଲେ ଜୀବନରୁ ମାରି ଦେବାକୁ ଧମ ଦେଇଥିଲେ । ହେଲେ ସେଠାରେ ଥିବା କଂଗ୍ରେସ କର୍ମୀମାନେ ଯୁବକକୁ ଆୟତ୍ତ କରିନେଇଥିଲେ ।
ଏହି ଘଟଣା ପରେ ସେଠାରେ ହଇଚଇ ସୃଷ୍ଟି ହୋଇଥିଲା । ବ୍ୟକ୍ତି ଜଣକୁ ଧରି ପୋଲିସର ଜିମା ଦେଇଥିଲେ କଂଗ୍ରେସ କର୍ମୀ ।
ପୂର୍ବରୁ ପ୍ରଧାନମନ୍ତ୍ରୀ ମୋଦୀଙ୍କୁ ପଂଜାବରେ ବିରୋଧ ଓ ତାଙ୍କ ସୁରକ୍ଷା ବ୍ୟବସ୍ଥାରେ ଘୋର ତ୍ରୁଟିକୁ ନେଇ ବିବାଦ ଥମିନଥିବାବେଳେ ହରିଶ ରାୱତଙ୍କ ସୁରକ୍ଷାରେ ଏପରି ଅବ୍ୟବସ୍ଥା ଏବେ ଆଲୋଚନାର ବିଷୟ ପାଲିଟିଛି ।