ଭୁବନେଶ୍ୱର(ସତ୍ୟପାଠ ବ୍ୟୁରୋ): ତାମିଲନାଡୁ ଏବଂ ପଶ୍ଚିମବଙ୍ଗରେ ଆଜିଠାରୁ ନିର୍ବାଚନ ଆରମ୍ଭ ହୋଇଛି । ଯାହାକୁ ନେଇ ସାରା ଦେଶରେ ଚର୍ଚ୍ଚା । ଏହା ମଧ୍ୟରେ ଭାରତୀୟ ନିର୍ବାଚନ କମିସନ(ଇସିଆଇ)ଙ୍କ ଅନୁଯାୟୀ, ଆଦର୍ଶ ଆଚରଣ ସଂହିତା ଲାଗୁ ହେବା ପରେ, ତାମିଲନାଡୁ ଏବଂ ପଶ୍ଚିମବଙ୍ଗ ଭଳି ନିର୍ବାଚନୀ ରାଜ୍ୟଗୁଡ଼ିକରେ ନଗଦ, ମଦ, ନିଶାଦ୍ରବ୍ୟ ଏବଂ ଅନ୍ୟାନ୍ୟ ଚୋରା ସାମଗ୍ରୀ ଜବତ ହୋଇଛି ଯାହା ହଜାରେ କୋଟି ଅତିକ୍ରମ କରିଛି। ଇସିଆଇ ଦୁଇ ରାଜ୍ୟରେ ଜବତ ହୋଇଥିବା ବେଆଇନ ଟଙ୍କାର ପରିମାଣ ପ୍ରକାଶ କରିଛନ୍ତି। ପ୍ରକାଶିତ ତଥ୍ୟ ଅନୁଯାୟୀ, ଉଭୟ ରାଜ୍ୟରେ ଜବତ ହୋଇଥିବା ପରିମାଣ ୧,୦୭୨.୧୩ କୋଟି ଟଙ୍କା ଅତିକ୍ରମ କରିଛି। ପଶ୍ଚିମବଙ୍ଗରେ, ସୁରକ୍ଷା ଏଜେନ୍ସିଗୁଡ଼ିକ ୪୭୨.୮୯ କୋଟି ଟଙ୍କା ମୂଲ୍ୟର ଚୋରା ସାମଗ୍ରୀ ଏବଂ ନଗଦ ଜବତ କରିଛନ୍ତି। ନିର୍ବାଚନ କମିସନ କହିଛନ୍ତି ଯେ, ପ୍ରଲୋଭନମୁକ୍ତ ନିର୍ବାଚନ ସୁନିଶ୍ଚିତ କରିବା ପାଇଁ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି। ନିର୍ବାଚନ କମିସନଙ୍କ ନିର୍ବାଚନ ଜବତ ପରିଚାଳନା ପ୍ରଣାଳୀ (ଇଏସ୍ଏମ୍ଏସ୍) ଅନୁଯାୟୀ, ପଶ୍ଚିମବଙ୍ଗରେ ଏପର୍ଯ୍ୟନ୍ତ ୩୯,୩୧,୪୬୩ ଲିଟର ମଦ ଜବତ କରାଯାଇଛି। ଏହାର ମୂଲ୍ୟ ୧୦୨.୪୫ କୋଟି ହେବ ବୋଲି ଆକଳନ କରାଯାଇଛି। ପଶ୍ଚିମବଙ୍ଗରେ ୨୭.୪୮ କୋଟି ଟଙ୍କାର ନଗଦ ଏବଂ ୧୦୮.୧୧ କୋଟି ଟଙ୍କାର ଡ୍ରଗ୍ସ ଜବତ କରାଯାଇଛି। ରାଜ୍ୟରେ ୫୫.୮୮ କୋଟି ଟଙ୍କାର ଅଳଙ୍କାର ଏବଂ ୧୭୮.୮୩ କୋଟି ଟଙ୍କାର ଉପହାର ମଧ୍ୟ ଜବତ କରାଯାଇଛି। ସେପଟେ ତାମିଲନାଡୁରେ ଜବତ ହୋଇଥିବା ନଗଦ ପଶ୍ଚିମବଙ୍ଗ ତୁଳନାରେ ବହୁ ଅଧିକ ରହିଛି। ଏପର୍ଯ୍ୟନ୍ତ, ଏହି ଦକ୍ଷିଣ ରାଜ୍ୟରୁ ୧୦୦.୧୯ କୋଟି ନଗଦ ଜବତ କରାଯାଇଛି।
