ନୂଆଦିଲ୍ଲୀ(ସତ୍ୟପାଠ ବ୍ୟୁରୋ): ଟିଭି ଅଭିନେତ୍ରୀ ଶ୍ୱେତା ତିୱାରୀଙ୍କ ବ୍ରା’ ଏବଂ ଭଗବାନଙ୍କ ମନ୍ତବ୍ୟ ପରେ ବର୍ତ୍ତମାନ ତାଙ୍କ ବିରୋଧରେ ଏଫ୍ଆଇଆର୍ ପଞ୍ଜିକୃତ ହୋଇଛି। ତାଙ୍କ ବିବୃତ୍ତି ପରଠାରୁ ବିବାଦ କ୍ରମାଗତ ଭାବେ ବୃଦ୍ଧି ପାଇବାରେ ଲାଗିଥିଲା । ଏହାକୁ ଦୃଷ୍ଟିରେ ରଖି ମଧ୍ୟପ୍ରଦେଶ ଗୃହମନ୍ତ୍ରୀ ନରୋତ୍ତମ ମିଶ୍ର ଏହି ଘଟଣାର ତଦନ୍ତ ପାଇଁ ପୋଲିସକୁ ନିର୍ଦ୍ଦେଶ ଦେଇଛନ୍ତି। ଭୋପାଳର ଶ୍ୟାମଲା ହିଲ୍ସ ପୋଲିସ ଷ୍ଟେସନରେ ଆଇପିସି ଧାରା ୨୯୫ (ଏ) ଅନୁଯାୟୀ ମାମଲା ରୁଜୁ ହୋଇଥିଲା। ଧାରା ୨୯୫ (ଏ) ମନଇଚ୍ଛା ତଥା ଦୁଷ୍ଟ କାର୍ଯ୍ୟ, ଯାହା ଏହାର ଧର୍ମ କିମ୍ବା ଧାର୍ମିକ ବିଶ୍ୱାସକୁ ଅପମାନିତ କରି କୌଣସି ଶ୍ରେଣୀର ଧାର୍ମିକ ଭାବନାକୁ କ୍ରୋଧିତ କରିବା ପାଇଁ ଉଦ୍ଦିଷ୍ଟ ।
ସେପଟେ ତାଙ୍କର ଏକ ନୂଆ ଶୋ’କୁ ପ୍ରମୋସନ ସମୟରେ ଶ୍ୱେତା ତିୱାରୀ ଭୋପାଳରେ ଏପରି ମନ୍ତବ୍ୟ ଦେଇଥିଲେ । ଏହା ପରେ ଏହି ଭିଡିଓଟି ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଥିଲା । ତିୱାରୀ ତାଙ୍କର ଧାରାବାହିକ ଶୋ’ର ପ୍ରମୋସନ କରୁଥିଲେ ଯେଉଁଥିରେ ମହାଭାରତରେ ଭଗବାନ କୃଷ୍ଣଙ୍କ ଭୂମିକାରେ ଅଭିନୟ କରିଥିବା ସୌରଭ ରାଜ ଜୈନ ମଧ୍ୟ ଅଭିନୟ କରିଥିଲେ । ତିୱାରୀଙ୍କ ଥଟ୍ଟା ସେହି ବିଷୟରେ ଦର୍ଶାଯାଇଥିଲା । ତେଣୁ ଏହା ସାରା ଦେଶର ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଥିଲା । ସେପଟେ ମଧ୍ୟପ୍ରଦେଶର ଗୃହମନ୍ତ୍ରୀ ନରୋତ୍ତମ ମିଶ୍ର ଏହାକୁ ଦୃଢ଼ ନିନ୍ଦା କରିବା ସହ ୨୪ ଘଣ୍ଟା ପରେ ରିପୋର୍ଟ ଦେବା ପାଇଁ ଭୋପାଳ ପୁଲିସକୁ ନିର୍ଦ୍ଦେଶ ଦେଇଛନ୍ତି ।
