ଭୁବନେଶ୍ୱର ( ସତ୍ୟପାଠ ବ୍ୟୁରୋ ): ବରିଷ୍ଠ ନେତା ତଥା ଜମ୍ମୁ-କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଗୁଲାମ ନବୀ ଆଜାଦ ଜମ୍ମୁରୁ ତାଙ୍କର ରାଜନୈତିକ କ୍ୟାରିୟରର ନୂତନ ଇନିଂସ ଆରମ୍ଭ କରିଛନ୍ତି। ସେ ରବିବାର ଜମ୍ମୁ-କଶ୍ମୀରର ସୈନିକ କଲୋନୀରେ ଏକ ବିରାଟ ସାଧାରଣ ସଭାକୁ ସମ୍ବୋଧିତ କରିଛନ୍ତି। ଏହି କାର୍ଯ୍ୟକ୍ରମରେ ଲୋକଙ୍କୁ ଏକତ୍ରିତ କରି ସେ ଆଞ୍ଚଳିକ ତଥା ଜାତୀୟ ରାଜନୈତିକ ଦଳମାନଙ୍କୁ ନିଜର ଶକ୍ତିର ବାର୍ତ୍ତା ଦେବାକୁ ଚେଷ୍ଟା କରିଥିଲେ। ଏହି ଜନସଭାରେ ଆଜାଦ କହିଛନ୍ତି ଯେ, ଜମ୍ମୁ-କଶ୍ମୀରର ସମସ୍ତ ଲୋକ ମୋର ହୃଦୟ ଭିତରେ ରୁହନ୍ତି। ମୁଁ ୫୩ ବର୍ଷ ଧରି କଂଗ୍ରେସର ସେବା କରିଥିଲି ଏବଂ ଅନେକ ପଦବୀରେ ରହିଥିଲି। ମୁଖ୍ୟମନ୍ତ୍ରୀ ଏବଂ କେନ୍ଦ୍ର ମନ୍ତ୍ରୀ ମଧ୍ୟ ହୋଇଛି। ବର୍ତ୍ତମାନ ମୁଁ କେବଳ ମଣିଷ ବ୍ୟତୀତ ଆଉ କିଛି ନୁହେଁ। ସମସ୍ତେ ଜାଣନ୍ତି ଯେ ମୋର ଧର୍ମ ଇସଲାମ। ମୁଁ କଂଗ୍ରେସ ଛାଡିବା ପରେ ରାଜ୍ୟର ବହୁ ସଂଖ୍ୟକ ଲୋକ ଦଳରୁ ଇସ୍ତଫା ଦେଇ ମତେ ସମର୍ଥନ ଜଣାଇଥିଲେ। ଏଥିପାଇଁ ମୁଁ ସମସ୍ତଙ୍କୁ ଧନ୍ୟବାଦ ଦେଉଛି। ତାଙ୍କ ସହ ଏହି ପ୍ଲାଟଫର୍ମରେ ପାଞ୍ଚ ଜଣ କଂଗ୍ରେସ ବିଧାୟକ ମଧ୍ୟ ଅଛନ୍ତି ବୋଲି ସେ କହିଛନ୍ତି। ସାଧାରଣ ସଭାକୁ ସମ୍ବୋଧିତ କରିବାବେଳେ ସେ କହିଛନ୍ତି ଯେ କଂଗ୍ରେସ ଲୋକମାନେ ବର୍ତ୍ତମାନ କେବଳ ବସ୍ରେ ଜେଲକୁ ଯାଉଛନ୍ତି। ସେମାନେ ଡିଜିପି, କମିଶନରଙ୍କୁ ଡାକନ୍ତି, ସେମାନଙ୍କ ନାମ ଲେଖାନ୍ତି ଏବଂ ଏକ ଘଣ୍ଟା ମଧ୍ୟରେ ଚାଲିଯାଆନ୍ତି । ଏହି କାରଣରୁ କଂଗ୍ରେସ ଏବେ ଆଗକୁ ଯାଇ ପାରୁ ନାହିଁ ବୋଲି ସେ କହିଛନ୍ତି। ଆଜାଦ୍ ଆହୁରି କହିଛନ୍ତି ଯେ, ଆମେ ରକ୍ତ ଏବଂ ଝାଳ ଦେଇ କଂଗ୍ରେସ ଗଠନ କରିଛୁ। ଦଳ କମ୍ପ୍ୟୁଟର, ଟୁଇଟ ଏବଂ ମେସେଜ ଦ୍ୱାରା ଗଠିତ ହୋଇ ନାହିଁ। ମୋର ନୂଆ ଦଳର ଘୋଷଣାକୁ ନେଇ କଂଗ୍ରେସ ଚକିତ ହୋଇଯାଇଛି। ହେଲେ ମୁଁ କାହାର କ୍ଷତି କରିବାକୁ ଚାହେଁ ନାହିଁ, ମୋ ପାଇଁ ସମସ୍ତେ ସମାନ। ଆଜାଦ କହିଛନ୍ତି ଯେ ସେ ବିଭିନ୍ନ ସରକାରୀ ଦାୟିତ୍ୱରେ ଥିବାବେଳେ କୌଣସି ସମ୍ପ୍ରଦାୟକୁ ଭେଦଭାବ କରିନାହାଁନ୍ତି।
ଏହି ଜନସଭାରେ ଭଗବତୀ ନଗରରେ ଅମରନାଥ ଯାତ୍ରାକୁ ଯାଉଥିବା ତୀର୍ଥଯାତ୍ରୀମାନଙ୍କ ପାଇଁ ଏକ ଚାରି ମହଲା କୋଠା ନିର୍ମାଣ କରିଥିବା ସେ ଘୋଷଣା କରିଛନ୍ତି । ହଜ ଯାତ୍ରା ଗୃହରେ ସମସ୍ତ ସୁବିଧା ଯୋଗାଇ ଦିଆଯାଇଥିଲା। ସମଗ୍ର ଦେଶରେ ୬ ଟି ଏମ୍ସ୍ ନିର୍ମାଣ ହୋଇଥିଲା। ଅନ୍ୟ ସରକାର ଏହା କରିପାରି ନଥିଲେ। ରାଜ୍ୟରେ ଗଲ୍ଫ କୋର୍ସ ନିର୍ମାଣ ହୋଇଥିଲା। ହରି ପାର୍କ, ଜନନା ପାର୍କ, ପାର୍କ ତହସିଲ ଏବଂ ସେତୁ ନିର୍ମାଣ କରାଯାଇଥିଲା ବୋଲି ଆଜାଦ କହଛନ୍ତିି।
