ମୁମ୍ଵାଇ : ମନି ଲଣ୍ଡରିଂ ମାମଲାକୁ ନେଇ ଅଭିନେତା ତଥା ବ୍ୟବସାୟୀ ସଚିନ୍ ଯୋଶୀଙ୍କ ପାଇଁ ଏକ ଆଶ୍ଵସ୍ତିକର ଖବର ସାମ୍ନାକୁ ଆସିଛି । ମୁମ୍ଵାଇର ଏକ ସ୍ଵତନ୍ତ୍ର ଅଦାଲତ ସଚିନଙ୍କୁ ଓମ୍କାର ରିଅଲଟର୍ସ ଏବଂ ଡେଭଲପର୍ସଙ୍କ ସଂପର୍କରେ ଏନଫୋର୍ସମେଣ୍ଟ ଡାଇରେକ୍ଟୋରେଟ ଦ୍ୱାରା ପଞ୍ଜିକୃତ ହୋଇଥିବା ମନି ଲଣ୍ଡରିଂ ମାମଲାରେ ନିର୍ଦ୍ଦୋଷରେ ଖଲାସା କରିଛି । ପ୍ରିଭେନସନ୍ ଅଫ୍ ମନି ଲଣ୍ଡରିଂ ଆକ୍ଟ (PMLA) ଅନୁଯାୟୀ ମାମଲାର ଶୁଣାଣି ପାଇଁ ନିଯୁକ୍ତ ସ୍ୱତନ୍ତ୍ର ଜଜ୍ ଏମ୍ ଜି ଦେଶପାନଣ୍ଡେ ଯୋଶୀଙ୍କୁ ଏହି ମାମଲାରେ ଚୁକ୍ତି କରିଛନ୍ତି ।
କହିବାକୁ ଗଲେ ସଚିନ୍ ଯୋଶୀଙ୍କୁ ଫେବୃୟାରୀ ୨୦୨୧ରେ ଗିରଫ୍ କରାଯାଇଥିଲା । ପରେ ସୁପ୍ରିମ୍କୋର୍ଟ ତାଙ୍କୁ ଚିକିତ୍ସା କାରଣରୁ ମଧ୍ୟବର୍ତ୍ତୀକାଳୀନ ଜାମିନ୍ ପ୍ରଦାନ୍ କରିଥିଲେ ମାର୍ଚ୍ଚ ୨୦୨୨ରେ, ସ୍ୱତନ୍ତ୍ର କୋର୍ଟ ଯୋଶୀଙ୍କୁ ଯୋଗ୍ୟତା ଅନୁଯାୟୀ ଜାମିନ ପ୍ରଦାନ କରିଥିଲେ । ତାଙ୍କ ବିରୋଧରେ ଟଙ୍କା ହେରଫେର ମାମଲା ରୁଜୁ କରାଯାଇ ନାହିଁ। ଯୋଶୀଙ୍କ ପରାମର୍ଶଦାତା ଆବାଦ୍ ପୋଣ୍ଡା ଏବଂ ପ୍ୟାରିନାମ ଆଇନ ଆସୋସିଏଟ୍ସଙ୍କ ପରାମର୍ଶଦାତା ସୁଭାଷ ଯାଦବ ଯୁକ୍ତି ବାଢିଥିଲେ କି ଇଡି ଦାବି ଅନୁଯାୟୀ ଟଙ୍କା ହେରଫେର ହେବାର କୌଣସି ପ୍ରମାଣ ନାହିଁ।
ମନେରଖନ୍ତୁ ଯେ ଜାନୁୟାରୀ ୨୦୨୦ରେ ଇଡି ପ୍ରାୟ ୩୫୦ କୋଟି ଟଙ୍କା ସମ୍ପର୍କିତ ଏକ ମାମଲା ଆଣିଥିଲା ଯେଉଁଥିରେ ସଚିନ ଯୋଶୀଙ୍କ ନାମ ମଧ୍ୟ ଜଡିତ ଥିଲା। ୨୦୨୦ ମସିହାରେ ଔରଙ୍ଗାବାଦର ସିଟି ଚକ୍ ପୋଲିସ୍ ଷ୍ଟେସନ୍ ଦ୍ବାରା ଦାଖଲ ହୋଇଥିବା ଏଫ୍ଆଇଆର୍ ଆଧାରରେ ଇଡି ମନି ଲଣ୍ଡରିଂ ଯାଞ୍ଚ ଆରମ୍ଭ କରିଥିଲା। ଜାନୁଆରୀରୁ ଇଡି ଋଣ ଠକେଇ ମାମଲାରେ ତଦନ୍ତ ଚାଲିଥିଲା। ଏହି ମାମଲାରେ ଇଡି M / s ORDPL ପରିଚାଳନା ନିର୍ଦ୍ଦେଶକ ବାବୁଲାଲ ଭର୍ମା, ଅଧ୍ୟକ୍ଷ କମଲ କିଶୋର ଏବଂ ସଚିନ ଜୋଶୀଙ୍କୁ ଗିରଫ କରିଥିଲେ।
