(ସତ୍ୟପାଠ ବ୍ୟୁରୋ) ଭୁବନେଶ୍ଵର : ପରିବାରକୁ ସାହାଯ୍ୟ କରିବା ପାଇଁ ଲୁଧିଆନାରେ ଏକ ରାସ୍ତାରେ ମୋଜା ବିକ୍ରି କରୁଥିବା 10 ବର୍ଷର ଗରିବ ପଞ୍ଜାବୀ ବାଳକର ଭିଡିଓ ଏବେ ଭାଇରାଲ ହେଉଛି। ଭିଡିଓରେ ଦେଖିବାକୁ ମିଳୁଛି ଯେ, 10 ବର୍ଷିୟ ୱାନ୍ ସିଂ ସ୍କୁଲ୍ ଛୁଟି ହେବା ପରେ ପରିବାର ଚଳାଇବା ପାଇଁ କାମ କରିବା ଆରମ୍ଭ କରିଛନ୍ତି। ତାଙ୍କ ଭିଡିଓ ସୁଟ୍ କରିଥିବା ବ୍ୟକ୍ତିଙ୍କଠାରୁ ସେ ଅଧିକ 50 ଟଙ୍କା ନେବାକୁ ମନା କରି ଦେଇଛନ୍ତି। ଭିଡିଓ ଟି ଭାଇରାଲ୍ ହେବା ପରେ ପଞ୍ଜାବର ମୁଖ୍ୟମନ୍ତ୍ରୀ ଅମରିନ୍ଦର ସିଂ ସେହି ବାଳକକୁ ଭିଡିଓ କଲ କରିବା ସହ ତାଙ୍କ ପରିବାର ପାଇଁ ସହାୟତା ଘୋଷଣା କରିଥିଲେ। ସିଏମ୍ ଘୋଷଣା କରିଛନ୍ତି ଯେ ବାଳକ ୱାନ୍ ସିଂ ପୁଣିଥରେ ତାଙ୍କ ବିଦ୍ୟାଳୟରେ ଜିଲ୍ଲା ପ୍ରଶାସନ ଦ୍ୱାରା ଆଡମିଶନ ହେବ। ପରିବାର ପାଇଁ ତୁରନ୍ତ ସହାୟତା ପାଇଁ 2 ଲକ୍ଷ ଟଙ୍କା ବ୍ୟତୀତ ସିଏମ୍ ତାଙ୍କ ଶିକ୍ଷା କ୍ଷେତ୍ରରେ ସମ୍ପୂର୍ଣ୍ଣ ଆର୍ଥିକ ସହାୟତା ଯୋଗାଇଦେବା ପାଇଁ ଘୋଷଣା କରିଛନ୍ତି। ତାଙ୍କ ଶିକ୍ଷା ପାଇଁ ସମସ୍ତ ଖର୍ଚ୍ଚ ରାଜ୍ୟ ସରକାର ବହନ କରିବେ ବୋଲି ନିଶ୍ଚିତ କରିବାକୁ ସିଏମ୍ ଲୁଧିଆନା ଡିସିଙ୍କୁ ନିର୍ଦ୍ଦେଶ ଦେଇଛନ୍ତି। ମୁଖ୍ୟମନ୍ତ୍ରୀ ଟୁଇଟ କରି କହିଛନ୍ତି ଯେ,” ପିଲାଟିର ଆତ୍ମ ସମ୍ମାନ ତାଙ୍କୁ ପ୍ରଭାବିତ କରିଛି ।
ଏବଂ ବାଳକଟିର ଭିଡିଓ ସୋସିଆଲ ମିଡିଆରେ ଲକ୍ଷ ଲକ୍ଷ ଭିୟୁଜ୍ ଆସିବା ସହ ଲୋକମାନେ ତାଙ୍କର ସଚ୍ଚୋଟତା କୁ ପ୍ରଶଂସା କରିଥିଲେ। ୱାନ୍ ସିଂ ଙ୍କ ପିତା ପରମଜିତ୍ ମଧ୍ୟ ମୋଜା ବିକ୍ରି କରନ୍ତି ଏବଂ ମା ରାନୀ ଜଣେ ଗୃହିଣୀ । ୱାନ୍ ଙ୍କର ତିନି ଭଉଣୀ ଏବଂ ଜଣେ ବଡ ଭାଇ ଅଛନ୍ତି ଏବଂ ପରିବାର ହାଇବୋୱାଲ୍ ଅଞ୍ଚଳରେ ଏକ ଭଡା ଘରେ ରହୁଛନ୍ତି।
