ନୂଆପଡ଼ା: ନୂଆପଡ଼ା ଜିଲ୍ଲା କୋମନା ଥାନା ଅନ୍ତର୍ଗତ ଏନ୍ଏଚ୍ ୩୫୩ର ଝାଲକୁସୁମ ଗାଁ ନିକଟରେ ସିରିଜ୍ ଦୁର୍ଘଟଣା | ସାମ୍ନା ସାମ୍ନି ୨ ଟ୍ରକ ଧକ୍କା ହେବା ପରେ ତାପରେ ରାସ୍ତା କଡ଼ରେ ଠିଆ ହୋଇଥିବା ଆଉ ଏକ ଟ୍ରକକୁ ଧକ୍କା ଦେଇଥିଲେ | ଫଳରେ ତିନୋଟି ଟ୍ରକ୍ ମଧ୍ୟରେ ଏହି ଦୁର୍ଘଟଣା ଘଟିଛି | ଦୁର୍ଘଟଣାରେ ଦୁଇ ଜଣ ଆହତ ହୋଇଛନ୍ତି। ଆହତ ଦ୍ୱୟ ହେଲେ ଏକ ଦୁର୍ଘଟଣା ଗ୍ରସ୍ତ ଟ୍ରକ୍ର ଡ୍ରାଇଭର ଓ ହେଲପର। ସେମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା।
ଆଜି ଭୋର ୪ଟା ସମୟରେ ଯାନ୍ତ୍ରିକ ତ୍ରୁଟି ଯୋଗୁ ଏକ ମାଲ ବୋଝେଇ ଟ୍ରକ୍ଟି ଝାଲକୁସୁମ ଗାଁ ପାଖ ରାସ୍ତାକଡ଼ରେ ଠିଆ ହୋଇଥିଲା। ଏହି ସମୟରେ ଏକ ଟ୍ରକ୍ ଆସି ତାକୁ ପଛରୁ ଧକ୍କା ଦେଇଥିଲା। ପରେ ମାଲ ବୋଝେଇ ଟ୍ରକ୍ଟି କିଛି ବାଟ ପଳାଇଥିଲା।
ସେହି ସମୟରେ ବିପରୀତ ଦିଗରୁ ଆସୁଥିବା ଆଉ ଏକ ଟ୍ରକ୍ ଦ୍ରୁତ ଗତିରେ ଆସୁଥିଲା। ମାଲ ବୋଝେଇ ଟ୍ରକ୍କୁ ଧକ୍କା ଦେଇଥିବା ଟ୍ରକଟି ରାସ୍ତା ଉପରେ ଠିଆ ହୋଇଥିବା ବେଳେ ଏହା ତାକୁ ସାମ୍ନା ପଟୁ ପିଟିଥିଲା। ଫଳରେ ଛିଡ଼ା ହୋଇଥିବା ଟ୍ରକ୍ର ଡ୍ରାଇଭର ଓ ହେଲପର ଗୁରୁତର ହୋଇଛନ୍ତି । ତାଙ୍କୁ ଘଟଣାସ୍ଥଳରୁ ଉଦ୍ଧାର କରି କୋମନା ମେଡିକାଲରେ ଭର୍ତ୍ତି କରାଯାଇଛି । ଟ୍ରକ୍ର ସମ୍ମୁଖ ଅଂଶଟି ସମ୍ପର୍ଣ୍ଣ ନଷ୍ଟ ହୋଇଯାଇଛି। ଦୁର୍ଘଟଣା ପରେ କିଛି ସମୟ ପାଇଁ ରାସ୍ତାରେ ଯାନବାହାନ ଚଳାଚଳ ବନ୍ଦ ରହିଥିଲା।
ପୁଲିସ ପହଞ୍ଚି ଦୁର୍ଘଟଣା ଘଟାଇଥିବା ଟ୍ରକ୍ ଗୁଡ଼ିକୁ ଜବତ କରି ତଦନ୍ତ କରୁଛି |
