ଭୁବନେଶ୍ୱର(ସତ୍ୟପାଠ ବ୍ୟୁରୋ ): ଦିଲ୍ଲୀର ଜହାଙ୍ଗୀରପୁରୀ ହିଂସାକୁ ନେଇ ସାରା ଦେଶର ରାଜନୈତିକ ମାହୋଲ ବେଶ ଚଳଚଞ୍ଚଳ ହୋଇ ଉଠିଛି । ଏପରିକି ଏହି ହିଂସାକାଣ୍ଡକୁ ନେଇ ଅନେକ ରାଜନେତା ମଧ୍ୟ ପ୍ରତିକ୍ରିୟା ଦେବାରେ ଲାଗିଛନ୍ତି । ସେପଟେ ଦିଲ୍ଲୀର ଜହାଙ୍ଗୀରପୁରୀରେ ଏପ୍ରିଲ୍ ୨୦ ରେ ଅବୈଧ ଘରମୁ ବୁଲଡୋଜରରେ ଭାଙ୍ଗିବାକୁ ନେଇ ରାଜନୀତି ତୀବ୍ର ହେବାରେ ଲାଗିଛି। ଏହି ପ୍ରସଙ୍ଗରେ ସରକାରଙ୍କୁ ଟାର୍ଗେଟ କରୁଛନ୍ତି ଆମ୍ ଆଦମୀ ପାର୍ଟି, ଆସାଦୁଦ୍ଦିନ ଓୱାଇସି ଏବଂ କଂଗ୍ରେସ ନେତାମାନେ। ଗୁରୁବାର ଦିନ କଂଗ୍ରେସର ଏକ ପ୍ରତିନିଧି ଦଳ ଦିଲ୍ଲୀର ହିଂସାକାଣ୍ଡ ଘଟାଇଥିବା ଜାହାଙ୍ଗୀରପୁରୀ ପରିଦର୍ଶନ କରିଛନ୍ତି। ତେବେ କଂଗ୍ରେସ ପ୍ରତିନିଧୀଙ୍କୁ ଏହି ଅଞ୍ଚଳରେ ପ୍ରବେଶ କରିବାକୁ ପୋଲିସ ଅଟକାଇଥିଲା। ତେବେ ଉତ୍ତର ଦିଲ୍ଲୀ ମ୍ୟୁନିସିପାଲ କର୍ପୋରେସନ (ଏନଡିଏମସି) ଦ୍ୱାରା ଏକ ଆଣ୍ଟି-ଏନକାଉଣ୍ଟର ଡ୍ରାଇଭ ଆରମ୍ଭ ହୋଇଥିବା ଅଞ୍ଚଳ ପରିଦର୍ଶନ କରିବାକୁ କଂଗ୍ରେସ ପ୍ରତିନିଧୀ ଚେଷ୍ଟା କରିଥିଲେ। ଏହି ସମୟରେ କଂଗ୍ରେସର ସାଧାରଣ ସମ୍ପାଦକ ଅଜୟ ମାକେନ୍, କଂଗ୍ରେସ ଦିଲ୍ଲୀର ଦାୟିତ୍ୱରେ ଥିବା ଶକ୍ତି ସିଂ ଗୋହିଲ ଏବଂ ଅନ୍ୟାନ୍ୟ ନେତା ଏଥିରେ ସାମିଲ ହୋଇଥିଲେ। ଯେତେବେଳେ ପୋଲିସ ତାଙ୍କୁ ଅଟକାଇଲା, ସେତେବେଳେ କଂଗ୍ରେସ ପ୍ରତିନିଧି ଦଳ ଜାହାଙ୍ଗୀରପୁରୀର କୁଶଲ ଛକ ଠାରେ ଧାରଣାରେ ବସିଥିଲେ।
ତେବେ କିଛି ସମୟ ପରେ ପୋଲିସ ସେମାନଙ୍କୁ ସେଠାରୁ ମଧ୍ୟ ହଟାଇ ଦେଇଥିଲା। ଅନ୍ୟପଟେ ଏହା ପୂର୍ବରୁ ପୂର୍ବରୁ ଏଆଇଏମଆଇଏମ ମୁଖ୍ୟ ଓୱାଇସି ମଧ୍ୟ ଜାହାଙ୍ଗୀରପୁରୀରେ ପହଞ୍ଚିଥିଲେ କିନ୍ତୁ ତାଙ୍କୁ ସେହି ଅଞ୍ଚଳରେ ଅବସ୍ଥିତ ଜାମା ମସଜିଦ ନିକଟରେ ଅଟକାଇ ଦିଆଯାଇଥିଲା । ଏହା ମଧ୍ୟରେ କଂଗ୍ରେସ ନେତା ଅଜୟ ମାକେନ୍ ସରକାରଙ୍କୁ ଦୋଷାରୋପ କରି କହିଛନ୍ତି ଯେ ଦେଶରେ ଆଇନର ନିୟମ ଥିବା ପରି ମନେ ହେଉନାହିଁ, ନୋଟିସ ନ ଦେଇ କାହାର ଘର ଭାଙ୍ଗିବାକୁ ଆଇନ ଅନୁମତି ଦେଉନାହିଁ। ସେ କହିଛନ୍ତି ଯେ କଂଗ୍ରେସ ଦଳ ଗରିବଙ୍କ ସହ ଅଛି। ବୁଲଡୋଜରର କାର୍ୟ୍ୟକଳାପ ହେତୁ ଗରିବ ଲୋକଙ୍କ ପେଟରରେ ଲାଥ ମାରିଛନ୍ତି । ଏହା ସହ ଦରଦାମ, ବେକାରୀ ସମସ୍ୟାରୁ ଦୃଷ୍ଟି ଆକର୍ଷଣ କରିବାକୁ ସରକାର ଜାଣିଶୁଣି ଏହି ଉପାୟରେ କାର୍ୟ୍ୟ କରୁଛନ୍ତି। ସରକାର ପୋଲାରାଇଜ୍ କରିବାକୁ ଚେଷ୍ଟା କରୁଛନ୍ତି। ମାକେନ୍ ଗଣମାଧ୍ୟମକୁ କହିଛନ୍ତି ଯେ ବୁଲଡୋଜରର ଅପରେସନ୍ ଗରିବ ଲୋକଙ୍କ ଉପରେ ତଥା ସେମାନଙ୍କ ଜୀବିକା ଉପରେ ଆକ୍ରମଣ। ସେ ଅଭିଯୋଗ କରିଛନ୍ତି ଯେ ସୁପ୍ରିମକୋର୍ଟଙ୍କ ନିର୍ଦ୍ଦେଶ ଆସିବା ପରେ ମଧ୍ୟ ବୁଲଡୋଜର ଚାଲିଥିଲା ଯାହା କୋର୍ଟଙ୍କ ଆଦେଶର ଉଲ୍ଲଂଘନ କରୁଛି ବୋଲି କହିଛନ୍ତି । ଏ ଖବର ସାମ୍ନାକୁ ଆସିବା ପରେ ସାରା ଦେଶର ରାଜନୈତିକ ମାହୋଲ ବେଶ ଚଳଚଞ୍ଚଳ ହୋଇଉଠିଛି ।
