(ସତ୍ୟପାଠ ବ୍ୟୁରୋ) ଭୁବନେଶ୍ୱର : ଦୀର୍ଘଦିନ ଧରି ବୟସ ଜନିତ ରୋଗ ସହ ଲଢ଼େଇ କରି ଶେଷରେ ଜୀବନ ଯୁଦ୍ଧରେ ହାରି ଯାଇଛନ୍ତି କିମ୍ବଦନ୍ତୀ ଅଭିନେତା ଦିଲୀପ କୁମାର। ବୁଧବାର ଦିନ ମୁମ୍ବାଇର ହିନ୍ଦୁଜା ହସ୍ପିଟାଲରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି। ମୃତ୍ୟୁ ବେଳକୁ ତାଙ୍କୁ ୯୮ ବର୍ଷ ବୟସ ହୋଇଥିଲା। ହିନ୍ଦୀ ସିନେମାର ଟ୍ରାଜେଡି କିଙ୍ଗ ଭାବେ ପରିଚିତ ଦିଲୀପ କୁମାର ଶହଶହ ହିଟ୍ ଫିଲ୍ମରେ ଅଭିନୟ କରି ନିଜ ଯାଦୁକାରିତା ଦେଖାଇଛନ୍ତି। ତେବେ ସିନେମା ସାଙ୍ଗକୁ ରାଜନୀତିରେ ମଧ୍ୟ ଖାସ୍ ରୁଚି ଥିଲା । ବହୁ ବଡ ବଡ ରାଜନେତାଙ୍କ ସହ ତାଙ୍କର ସୁସମ୍ପର୍କ ଥିଲା। ସ୍ବାଧୀନ ଭାରତର ପ୍ରଥମ ପ୍ରଧାନମନ୍ତ୍ରୀ ପଣ୍ଡିତ ନେହେରୁଙ୍କ ଠାରୁ ମହାରାଷ୍ଟ୍ରର ହେଭିୱେଟ୍ ରାଜନେତା ଶରଦ ପାୱାର ଏବଂ ଶିବସେନା ପ୍ରତିଷ୍ଠାତା ବାଲ ଠାକରେଙ୍କ ସହ ତାଙ୍କର ଭଲ ସମ୍ପର୍କ ଥିଲା। ଦିଲ୍ଲୀପ କୁମାରଙ୍କ ଅଭିନୀତ ଚଳଚିତ୍ର ଗୁଡିକ ବିଶେଷ କରି ମଧ୍ୟବିତ୍ତ ଆକାଂକ୍ଷୀ ଥିଲା, ପଣ୍ଡିତ ନେହେରୁ ଏଥିରେ ଅତ୍ୟନ୍ତ ପ୍ରଭାବିତ ହୋଇଥିଲେ।
ଦିଲୀପ କୁମାରଙ୍କୁ ଭେଟିବା ପାଇଁ ସେଟରେ ପହଞ୍ଚିଥିଲେ ପଣ୍ଡିତ ନେହେରୁ :-
୧୯୫୯ ମସିହା ଦିଲୀପ କୁମାର ମାଡ୍ରାସରେ (ବର୍ତ୍ତମାନ ଚେନ୍ନାଇ)ରେ ଚଳଚ୍ଚିତ୍ର ‘ପାଏଗାମ’ର ସୁଟିଂ କରୁଥିଲେ। ପୂର୍ବତନ ପ୍ରଧାନମନ୍ତ୍ରୀ ପଣ୍ଡିତ ଜବାହରଲାଲ ନେହେରୁ ଏକ ସରକାରୀ ଟୁର୍ ରେ ଚେନ୍ନାଇ ଗସ୍ତରେ ଥିଲେ। ହଠାତ୍ ସେ ଦିଲୀପ କୁମାରଙ୍କୁ ଭେଟିବା ପାଇଁ ସୁଟିଂ ସେଟ୍ ରେ ପହଞ୍ଚି ଯାଇଥିଲେ। ବରିଷ୍ଠ ସାମ୍ବାଦିକ ତଥା ଲେଖକ ରସିଦ କିଡୱାଇ ତାଙ୍କ ପୁସ୍ତକ ‘ନେତା ଅଭିନେତା: ବଲିଉଡ ଷ୍ଟାର ପାୱାର ଇଣ୍ଡିଆନ ପଲିଟିକ୍ସ’ରେ ଲେଖନ୍ତି ଯେ ପଣ୍ଡିତ ନେହେରୁ ଦିଲୀପ କୁମାରଙ୍କ କାନ୍ଧରେ ହାତ ରଖି କହିଛନ୍ତି,’ ୟୁସୁଫ, ମୁଁ ଶୁଣିଛି ତୁମେ ଏଠାରେ ସୁଟିଂ କରୁଛ ତେଣୁ ମୁଁ ତୁମକୁ ଭେଟିବାକୁ ଆସିଥିଲି… ।”
ଦିଲୀପ କୁମାର ପଣ୍ଡିତ ନେହେରୁଙ୍କ ସାହାଯ୍ୟ ଲୋଡିଥିଲେ :–
ଏହି ଭେଟଘାଟର ଠିକ୍ ଗୋଟିଏ ବର୍ଷ ପରେ ଏପରି ଏକ ଘଟଣା ଘଟିଥିଲା ଯେତେବେଳେ ଦିଲୀପ କୁମାରଙ୍କୁ ପଣ୍ଡିତ ନେହେରୁଙ୍କ ସାହାଯ୍ୟ ମାଗିବାକୁ ପଡିଲା। ସେତେବେଳେ ଦିଲୀପ କୁମାରଙ୍କ ଚଳଚ୍ଚିତ୍ର ‘ଗଙ୍ଗା-ଯମୁନା’ ସେନ୍ସର ବୋର୍ଡରୁ ଅନୁମୋଦନ ନମିଳିବାରୁ ଅଟକି ଥିଲା। ଦୀର୍ଘ ଦିନର ଅପେକ୍ଷା ପରେ ଦିଲୀପ କୁମାର ଶେଷରେ ପଣ୍ଡିତ ନେହେରୁଙ୍କୁ ଏ ବିଷୟରେ ଜଣାଇଥିଲେ। ନେହେରୁଙ୍କ ହସ୍ତକ୍ଷେପ ପରେ ସେନ୍ସର ବୋର୍ଡରୁ ଅନୁମତି ମିଳିଲା। ଏହାର କିଛି ବର୍ଷ ପରେ ସାହାଯ୍ୟ ମାଗିବାର ପାଳି ଥିଲା ପଣ୍ଡିତ ନେହେରୁଙ୍କର । ୧୯୬୨ ମସିହାରେ, ଭି.କେ କ୍ରିଷ୍ଣା ମେନନ୍ କଂଗ୍ରେସ ଟିକେଟରେ ମୁମ୍ବାଇ ଉତ୍ତରରୁ ନିର୍ବାଚନ ଲଢୁଥିଲେ । ମେନନଙ୍କ ବିରୋଧରେ ଛାଡି ହୋଇଥିଲେ ସମାଜବାଦୀ ଚିନ୍ତାଧାରାର ଭେଟେରାନ୍ ନେତା ଆଚାର୍ଯ୍ୟ ଜେ.ବି କ୍ରିପାଲିନ୍ । ନିର୍ବାଚନରେ ଉଭୟଙ୍କ ମଧ୍ୟରେ କଡା ଟକ୍କର ହୋଇଥିଲା। ଏଭଳି ପରିସ୍ଥିତିରେ ପ୍ରଧାନମନ୍ତ୍ରୀ ନେହେରୁ ଦିଲୀପ କୁମାରଙ୍କୁ ଫୋନ୍ କରି ତାଙ୍କର ସହାୟତା ମାଗିଥିଲେ। ପ୍ରଥମ ଥର ପାଇଁ ଦିଲୀପ କୁମାର ଜଣେ ରାଜନେତାଙ୍କ ପାଇଁ ନିର୍ବାଚନୀ ପ୍ରଚାର କରି ଥିଲେ।
ବାଲ ଠାକରେଙ୍କ ସହ ଘନିଷ୍ଠ ବନ୍ଧୁତା :-
ଦିଲୀପ କୁମାର କଂଗ୍ରେସର ନିକଟତର ଥିଲେ ମଧ୍ୟ ଶିବସେନାର ପ୍ରତିଷ୍ଠାତା ବାଲ ଠାକରେଙ୍କ ସହ ତାଙ୍କର ଘନିଷ୍ଠ ବନ୍ଧୁତା ଥିଲା। ଶିବସେନା ପ୍ରତିଷ୍ଠା ପୂର୍ବରୁ ଉଭୟଙ୍କ ଦୋସ୍ତି ଆରମ୍ଭ ହୋଇଥିଲା । ରସିଦ କିଡୱାଇ ଲେଖିନ୍ତି ଯେ ବାଲ ଠାକରେଙ୍କ ପତ୍ନୀ ମୀନା ତାଇ ମଧ୍ୟ ଦିଲୀପ କୁମାରଙ୍କୁ ପସନ୍ଦ କରିଥିଲେ। ଯେତେବେଳେ ଦିଲୀପ କୁମାର ଆସନ୍ତି, ତାଇ ତାଙ୍କର ପ୍ରିୟ ଖାଦ୍ୟ ପ୍ରସ୍ତୁତ କରିଥାନ୍ତି ।
ସମ୍ପର୍କରେ ଫାଟ :-
୧୯୯୮-୯୯ ରେ, ଉଭୟଙ୍କ ସମ୍ପର୍କରେ ସାମାନ୍ୟ ମତଭେଦ ଦେଖାଗଲା, ଏହାର କାରଣ ହେଉଛି ଏକ ପୁରସ୍କାର । ଦିଲ୍ଲୀପ କୁମାରଙ୍କୁ ପାକିସ୍ତାନର ସର୍ବୋଚ୍ଚ ନାଗରିକ ପୁରସ୍କାର ନିଶାନ-ଇ-ଇମତିଆଜ ଘୋଷଣା କରାଯାଇଥିଲା । ଏହି ପୁରସ୍କାର ପାଇବା ପାଇଁ ଦିଲୀପ କୁମାର ପାକିସ୍ତାନ ଯିବାକୁ ଯାଇଥିଲେ। ଠାକରେ ଏହି ପୁରସ୍କାର ଗ୍ରହଣ କରିବାକୁ ମନା କରିଦେଇଥିଲେ। ତେବେ ଦିଲ୍ଲୀପ କୁମାରଙ୍କୁ ପୁରସ୍କାର ଗ୍ରହଣ କରିବାକୁ ଠାକେରଙ୍କ ବିରୋଧ ସବୁଠାରୁ ଅଧିକ ବ୍ୟଥିତ କରିଥିଲା। ଯେଉଁ ବ୍ୟକ୍ତିଙ୍କ ସହ ତାଙ୍କର ତିନି ଦଶନ୍ଧିର ବନ୍ଧୁତା ସେହି ବ୍ୟକ୍ତି ତାଙ୍କ ଦେଶପ୍ରେମ ଉପରେ ସନ୍ଦେହ କରୁଥିବାରୁ ତାଙ୍କୁ ଏହା ଅଧିକ ବ୍ୟଥିତ କରିଥିଲା।
ବାଜପେୟୀଙ୍କୁ ମାଗିଲେ ସାହାଯ୍ୟ :-
ଏହା ପରେ ଦିଲୀପ କୁମାର ତତ୍କାଳୀନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କଠାରୁ ପରାମର୍ଶ ଲୋଡିଥିଲେ। ବାଜପେୟୀ ତାଙ୍କୁ ବାଲ ଠାକରେଙ୍କ ଠାରୁ ଦୂରେଇ ରହିବାକୁ କହିଥିଲେ। କିଡୱାଇଙ୍କ ଅନୁଯାୟୀ ବାଜପେୟୀ କହିଥିଲେ ଯେ ଦିଲୀପ କୁମାର ଜଣେ କଳାକାର ତେଣୁ ସେ ରାଜନୀତିରେ ପଡ଼ିବା ଉଚିତ ନୁହେଁ। ପୁରସ୍କାର ଗ୍ରହଣ କରିବା ଉଚିତ୍ । ବାଜପେୟୀଙ୍କ ପରାମର୍ଶ ପରେ ଦିଲୀପ କୁମାର ଏହି ପୁରସ୍କାର ଗ୍ରହଣ କରିଥିଲେ। ପାକିସ୍ତାନ ଯିବା ସମୟରେ ସେ ସୁନୀଲ ଦତ୍ତଙ୍କୁ ସାଙ୍ଗରେ ନେଇ ଯାଇଥିଲେ। ୧୯୯୯ ର କାର୍ଗିଲ ଯୁଦ୍ଧ ସମୟରେ ଏହି ଘଟଣା ପୁଣି ଥରେ ଚର୍ଚ୍ଚାକୁ ଆସିଥିଲା। ବାଲା ସାହେବ ଠାକୁର ଦିଲୀପ କୁମାରଙ୍କୁ ପୁରସ୍କାର ଫେରସ୍ତ କରିବାକୁ ଦାବି କରିଥିଲେ କିନ୍ତୁ ସେ ପୁରସ୍କାର ଫେରାଇବାକୁ ମନା କରିଦେଇଥିଲେ। ଦିଲ୍ଲୀପ କୁମାରଙ୍କ ଯୁକ୍ତି ଥିଲା ଏହି ପୁରସ୍କାର ଭାରତ ଏବଂ ପାକିସ୍ତାନ ମଧ୍ୟରେ ବିବାଦ ଦୂର କରିବାରେ ସାହାଯ୍ୟ କରିବ ।
