ଭୁବନେଶ୍ୱର ( ସତ୍ୟପାଠ ବ୍ୟୁରୋ ): ସ୍ୱାଧୀନତା ଦିବସ ପୂର୍ବରୁ ସୁରକ୍ଷାକର୍ମୀଙ୍କୁ ବଡ଼ ସଫଳତା ମିଳିଛି । ଦିଲ୍ଲୀ ପୋଲିସ ସାହାୟତାରେ ପଞ୍ଜାବ ପୋଲିସ ରବିବାର ପାକିସ୍ତାନ-ଆଇଏସଆଇ ସମର୍ଥିତ ଆତଙ୍କୀ ମଡ୍ୟୁଲର ପର୍ଦ୍ଦାଫାସ କରିଛଇ । ପୋଲିସ କାନାଡାର ଅର୍ଶ ଡଲ୍ଲା ଏବଂ ଅଷ୍ଟ୍ରେଲିଆର ଗୁରଞ୍ଜତ ସିଂ ସହ ଜଡିତ ଚାରି ଆତଙ୍କୀଙ୍କୁ ଗିରଫ କରିଛି ।
ପଞ୍ଜାବ ପୋଲିସ ଡିଜି କହିଛନ୍ତି, ପଞ୍ଜାବ ପୋଲିସ ଏହି ଆତଙ୍କୀଙ୍କ ଠାରୁ ତିନୋଟି ହ୍ୟାଣ୍ଡ ଗ୍ରେନେଡ, ଗୋଟିଏ ଆଇଇଡି, ଦୁଇଟି ୯ ଏମଏମ ପିସ୍ତଲ ଏବଂ ୪୦ ଜୀବନ୍ତ ଗୁଳି ଜବତ କରିଛି । ଏହି ଅପରେସନରେ ପଞ୍ଜାବ ପୋଲିସ ଏବଂ ଦିଲ୍ଲୀର ପୋଲିସ ମିଳିତ ଭାବେ ସାମିଲ ହୋଇଥିଲା । ସ୍ୱାଧୀନତା ଦିବସ ପୂର୍ବରୁ ପଞ୍ଜାବରେ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି ।ଅନ୍ୟପଟେ ଉତ୍ତର ପ୍ରଦେଶ ପୋଲିସର ଏଟିଏସ ଜୈଶ-ଏ-ମହମ୍ମଦର ଆତଙ୍କବାଦୀ ହବିବୁଲ ଇସ୍କାମକୁ କାନପୁରରୁ ଗିରଫ କରିଛି। ସୂଚନା ଅନୁସାରେ ୧୯ ବର୍ଷୀୟ ହବିବୁଲ ସୀମା ପାର ଲୋକଙ୍କ ସହ ସମ୍ପର୍କ ରଖିବା ପାଇଁ ଟେଲିଗ୍ରାମ, ଫେସବୁକ୍ ମ୍ୟାସେଞ୍ଜର ଏବଂ ୱାଟ୍ସଆପ୍ ପରି ସୋସିଆଲ ମିଡିଆ ବ୍ୟବହାର କରୁଥିଲା।
