(ସତ୍ୟପାଠ ବ୍ୟୁରୋ) ଜଳ ସଙ୍କଟ ଦୂର କରିବାକୁ ଓଡ଼ିଆ ଯୁବକଙ୍କ ନୂଆ ଉଦ୍‌ଭାବନ । ୱାଟର ଡିସ୍‌ପେନ୍ସର’ ପ୍ରକଳ୍ପ ମାଧ୍ୟରେ ପ୍ରଶଂସା ସାଉଁଟିଛନ୍ତି ବ୍ରହ୍ମପୁରର ନବମ ଶ୍ରେଣୀ ଛାତ୍ର ପି ବିଶ୍ୱନାଥ ପାତ୍ର । “ଡିପ୍‌ ଟେକ୍ନୋଲୋଜି ଏଜୁକେସନ୍‌ ପ୍ରୋଗ୍ରାମ୍‌ ଅଧୀନରେ ରୁଷିଆର ସୋଚିଠାରେ ନିଜର ‘ଅଭିନବ ୱାଟର ଡିସ୍‌ପେନ୍ସର’ ପ୍ରକଳ୍ପ ସହ ଯୋଗ ଦେଇଥିବା ବ୍ରହ୍ମପୁରର ପି ବିଶ୍ୱନାଥ ପାତ୍ରଙ୍କୁ ପ୍ରଶଂସା କରିଛନ୍ତି ଋଷ ରାଷ୍ଟ୍ରପତି ଭ୍ଲାଦମିର ପୁଟିନ୍‌ ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଘଟଣାର ଏକ ଭିଡିଓ ଟ୍ୱିଟ୍‌ କରି ବିଶ୍ବନାଥଙ୍କୁ ଅଭିନନ୍ଦନ ମଧ୍ୟ ଜଣାଇଛନ୍ତି । ଜଳ ସଙ୍କଟ ଦୂର କରିବା ପାଇଁ ତାଙ୍କର ଏହି ଉଦ୍‌ଭାବନ ରୁଷ ରାଷ୍ଟ୍ରପତି ଭ୍ଲାଦମିର ପୁଟିନ୍‌ଙ୍କ ଦ୍ୱାରା ପ୍ରଶଂସିତ ହେବା ଗର୍ବର ବିଷୟ ବୋଲି କହିଛନ୍ତି ନବୀନ ।

ବିଶ୍ୱନାଥଙ୍କ ଅଭିନବ ପ୍ରକଳ୍ପକୁ ନେଇ ତାଙ୍କ ସହ ବେଶ୍‌ କିଛି ସମୟ ଆଲୋନଚନା ମଧ୍ୟ କରିଥିଲେ ପୁଟିନ । ଯଦିଓ ଆଲୋନଚନାରେ କ’ଣ କଥା ହେଲେ ବୁଝାପଡ଼ୁନାହିଁ, ତଥାପି ପୁଟିନ୍‌ ବିଶ୍ୱନାଥଙ୍କୁ କିଛି ଉପଦେଶ ଦେଉଥିବା ଜଣାପଡ଼ୁଛି ।

Related Posts