ଭୁବନେଶ୍ୱର ( ସତ୍ୟପାଠ ବ୍ୟୁରୋ ): ଦରଦାମ ବୃଦ୍ଧି ପାଇଁ କଂଗ୍ରେସର ବିକ୍ଷୋଭ ପ୍ରଦର୍ଶନକୁ ନେଇ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଦେଇଥିବା ବୟାନ ପରେ କଂଗ୍ରେସ ସାଂସଦ ଅଧୀର ରଂଜନ ଚୌଧୁରୀ ଏହାର ଜବାବ ଦେଇଛନ୍ତି। ସେ କହିଛନ୍ତି ଯେ ବିଜେପି ସରକାର ‘ରାମ’ ନାମରେ ‘ରାବଣ’ର ପୂଜା କରୁଛନ୍ତି। ତାଙ୍କ ଶାସନରେ ଲୋକମାନେ ଯନ୍ତ୍ରଣା ଭୋଗୁଛନ୍ତି। ସୂଚନା ଥାଉ କି ଯେ ଅମିତ ଶାହା କଂଗ୍ରେସର ପ୍ରଦର୍ଶନ ନେଇ କହିଥିଲେ ଯେ ଯେଉଁ ଦିନ କଂଗ୍ରେସ କର୍ମୀମାନେ କଳା ପୋଷାକ ପିନ୍ଧି ପ୍ରଦର୍ଶନ କରିଥିଲେ, ସେହି ଦିନ ପ୍ରଧାନମନ୍ତ୍ରୀ ମୋଦୀ ଅଯୋଧ୍ୟାରେ ଶ୍ରୀ ରାମ ଜନ୍ମଭୂମି ମନ୍ଦିରର ଶିଳାନ୍ୟାସ କରିଥିଲେ ।
କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ଅଭିଯୋଗର ଜବାବରେ କଂଗ୍ରେସ ସାଂସଦ ଅଧୀର ରଞ୍ଜନ ଚୌଧୁରୀ କହିଛନ୍ତି ଯେ ଏହି ସରକାର ରାମଙ୍କ ନାମରେ ରାବଣ ପୂଜା କରୁଛନ୍ତି। ଏହି ସରକାରଙ୍କ ଶାସନରେ ଲୋକମାନେ ଯନ୍ତ୍ରଣା ଭୋଗୁଛନ୍ତି। ସେ ଅଭିଯୋଗ କରିଛନ୍ତି ଯେ ଏହି ସରକାର ଜନ ବିରୋଧୀ ଏବଂ କର୍ପୋରେଟ ସମର୍ଥକ ହୋଇଥିବାବେଳେ କଂଗ୍ରେସ ଏହାକୁ ବିରୋଧ କରୁଛି। ନିଜ ଉପରେ ପ୍ରଶ୍ନ ଉଠୁଥିବା ଦେଖି ବିଜେପି ସହ୍ୟ କରିପାରୁନାହିଁ | ତେଣୁ ସେମାନେ ସେମାନଙ୍କର ଏକମାତ୍ର ଅସ୍ତ୍ର ‘ରାମ’ଙ୍କୁ ବ୍ୟବହାର କରି ସାଧାରଣ ଲୋକଙ୍କ ଦୃଷ୍ଟି ଆକର୍ଷଣ କରିବାକୁ ଚେଷ୍ଟା କରୁଛନ୍ତି। ସୂଚନା ଥାଉ କି କଂଗ୍ରେସ ଗତକାଲି ଦେଶବ୍ୟାପୀ ‘କଳା ଦିବସ’ ପାଳନ ପୂର୍ବକ ବିକ୍ଷୋଭ ପ୍ରଦର୍ଶନ କରିଥିଲା ।
ତେବେ, କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଦେଶବ୍ୟାପୀ ବିକ୍ଷୋଭ ପ୍ରଦର୍ଶନ କରିଥିବାରୁ କଂଗ୍ରେସକୁ ଆକ୍ଷେପ କରିବା ସହ କଂଗ୍ରେସ ଉପରେ ତେରେଛା ବାଣ ମାରିଥିଲେ । ସେ କହିଥିଲେ ଯେ କଂଗ୍ରେସ ଏହି ଦିନକୁ ବିରୋଧ ପାଇଁ ବାଛିଛି ଏବଂ କଳା ପୋଷାକ ପିନ୍ଧିଛି କାରଣ ସେମାନେ ସେମାନଙ୍କର ତୁଷ୍ଟିକରଣ ରାଜନୀତିକୁ ଆହୁରି ପ୍ରୋତ୍ସାହିତ କରିବା ସହ ସେମାନଙ୍କ ସମର୍ଥକଙ୍କୁ ଏକ ସୂକ୍ଷ୍ମ ବାର୍ତ୍ତା ଦେବାକୁ ଚାହୁଁଛନ୍ତି। ଆଉ ଏହା ପଛରେ ଲୁଚି ରହିଥିବା କାରଣଟି ହେଉଛି, ଏହି ଦିନ ହିଁ ପ୍ରଧାନମନ୍ତ୍ରୀ ମୋଦୀ ରାମ ଜନ୍ମଭୂମିର ଭିତ୍ତିଭୂମିର ସ୍ଥାପନା କରିଥିଲେ।
