ସତ୍ୟପାଠ ବ୍ୟୁରୋ : ଶିକ୍ଷା କ୍ଷେତ୍ରରେ ବଳିଷ୍ଠ ପଦକ୍ଷେପ ନେଇଛି ଛତିଶଗଡ ସରକାର । ରାଜ୍ୟରେ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ମାଗଣାରେ ଶିକ୍ଷାଦାନ ଓ ପାଠ୍ୟପୁସ୍ତକ ପ୍ରଦାନ କରିବାକୁ ନିଷ୍ପତି ନେଇଛନ୍ତି ମୁଖ୍ୟମନ୍ତ୍ରୀ ଭୁପେଶ ବାଘେଲ । ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ମନ୍ତ୍ରୀମଣ୍ଡଳ ବୈଠକରେ ଏହି ଗୁରୁତ୍ୱପୂର୍ଣ୍ଣ ନିଷ୍ପତି ନିଆଯାଇଛି । ପୂର୍ବରୁ କେବଳ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଏହି ସୁବିଧା ଉପଲବ୍ଧ ଥିବା ବେଳେ ଏବେ ଏହାକୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ଲାଗୁ କରାଯିବ । ଏନେଇ ଛତିଶଗଡ ମନ୍ତ୍ରୀ ରବିନ୍ଦ୍ର ଚୌବେ ସୂଚନା ଦେଇଛନ୍ତି ।
आज महानदी भवन में आयोजित कैबिनेट की बैठक सफलतापूर्वक सम्पन्न हुई।
इस दौरान अनेक महत्वपूर्ण निर्णय लिए गए।
मंत्रिमंडल की बैठक में लिए गए महत्वपूर्ण निर्णय आप सब के साथ साझा कर रहा हूँ।
"गढ़बो नवा छत्तीसगढ़" pic.twitter.com/FoNE6ImmVE
— Bhupesh Baghel (@bhupeshbaghel) June 12, 2019
ମନ୍ତ୍ରୀମଣ୍ଡଳରେ ଏହାବାଦ ଆହୁରି ଅନେକ କିଛି ଗୁରୁତ୍ୱପୂର୍ଣ୍ଣ ନିଷ୍ପତି ନିଆଯାଇଛି । ପ୍ରାୟ ୬୫ ଲକ୍ଷ ପରିବାରକୁ ରାସନକାର୍ଡ ମାଧ୍ୟମରେ ଲାଭାନ୍ୱିତ କରାଯିବ । ନୂଆ ରାସନ କାର୍ଡ ନିମିଳିବା ଯାଏ ପୁରୁଣା କାର୍ଡରେ ହିଁ ରାସନ ପାଇପାରିବେ ଉପଭୋକ୍ତା । ପରିବାରରେ ଜଣେ ମାତ୍ର ସଦସ୍ୟ ଥିଲେ ୧୦ କିଲୋ ଚାଉଳ ମିଳିବ । ଦୁଇଜଣ ଥିଲେ ୨୦ କିଲୋ ଏବଂ ତିନି ରୁ ପାଂଚ ଜଣ ଥିଲେ ୩୫ କିଲୋ ଚାଉଳ ପାଇବେ ଖାଉଟି । ପାଂଚରୁ ଅଧିକ ସଦସ୍ୟ ଥିଲେ ଜଣପିଛା ୭କିଲୋ ଲେଖାଏଁ ଅତିରିକ୍ତ ଚାଉଳ ମିଳିବ । ସେହିଭଳି ଅର୍ନ୍ତଦ୍ୟୋୟ ଶ୍ରେଣୀଭୁକ୍ତ ରାସନକାର୍ଡ ଉପଭୋକ୍ତାଙ୍କୁ କିଲୋପ୍ରତି ୧ଟଙ୍କା ଦରରେ ୩୫ କିଲୋ ଚାଉଳ ଦେବା ପାଇଁ ନିଷ୍ପତି ଗ୍ରହଣ କରାଯାଇଛି ।
