(ସତ୍ଯପାଠ ବ୍ଯୁରୋ) ଭୁବନେଶ୍ୱର : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଖୋଲାଖୋଲି ଚ୍ୟାଲେଞ୍ଜ କରିଛନ୍ତି ଏଲଜେପି ନେତା ଚିରାଗ ପାସୱାନ । କେନ୍ଦ୍ର ମନ୍ତ୍ରୀମଣ୍ଡଳର ସଂପ୍ରସାରଣ ଚର୍ଚ୍ଚା ମଧ୍ୟରେ ମଙ୍ଗଳବାର ଦିନ ପାଟନାରେ ଏକ ସାମ୍ବାଦିକ ସମ୍ମିଳନୀରେ ଚିରାଗ କହିଛନ୍ତି ଯେ ଯଦି ଏଲ୍ଜେପି କୋଟାରେ ନିଷ୍କାସିତ ସାଂସଦ ପଶୁପତି ପାରସଙ୍କୁ କେନ୍ଦ୍ର ମନ୍ତ୍ରିମଣ୍ଡଳରେ ସାମିଲ କରାଗଲେ କୋର୍ଟଙ୍କ ଦ୍ୱାରସ୍ଥ ହେବି । ମୁଁ ଦଳର ରାଷ୍ଟ୍ରୀୟ ଅଧ୍ୟକ୍ଷ, ଦଳ ମୋର । ସମର୍ଥନ ବି ମୋ’ ନିକଟରେ ରହିଛି । ମୋ’ ଅନୁମତି ବିନା ଦଳର କୋଟାରୁ କୌଣସି ସାଂସଦଙ୍କୁ ମନ୍ତ୍ରୀ କରାଯିବା ଭୁଲ୍ । ପ୍ରଧାନମନ୍ତ୍ରୀ ଏପରି କରିବେ ନାହିଁ ବୋଲି ଆଶା ରହିଛି । ଯଦି ଏପରି ହୁଏ, ତା’ ହେଲେ ରାଜନୈତିକ ଓ ଆଇନଗତ ଲଢ଼ାଇ ପାଇଁ ପ୍ରସ୍ତୁତ ରହିଛି । ଚିରାଗ କହିଛନ୍ତି ଯେ ଯଦି ପାଶୁପତି ପରାସଙ୍କୁ ମନ୍ତ୍ରୀ ହେବାକୁ ଚାହୁଁଛନ୍ତି, ତେବେ ତାଙ୍କୁ ଜେଡିୟୁରେ ସାମଲ କରି ମନ୍ତ୍ରୀ ପଦ ଦିଆଯାଉ କିନ୍ତୁ LJP କୋଟାରେ ନୁହେଁ। ଚିରାଗ କହିଛନ୍ତି ଯେ କେନ୍ଦ୍ର କ୍ୟାବିନେଟର ସମ୍ପ୍ରସାରଣରେ ପ୍ରଥମ ଥର ପାଇଁ ଜେଡିୟୁ ସାମିଲ ହେବ। ଚାରିଗ କହିଛନ୍ତି ଯେ ଯେଉଁମାନେ ରାମ ବିଳାସଙ୍କ ଦଳକୁ ଭାଙ୍ଗି ଏକ ପୃଥକ ଦଳ ଗଠନ କରିଛନ୍ତି ସେମାନଙ୍କୁ ତୁରନ୍ତ ବହିଷ୍କାର କରାଯାଇଛି। ତାଙ୍କର ପ୍ରାଥମିକ ସଦସ୍ୟତା ରଦ୍ଦ କରାଯାଇଛି। ଏ ସମ୍ପର୍କରେ ନିର୍ବାଚନ ଆୟୋଗଙ୍କୁ ମଧ୍ୟ ସୂଚନା ଦିଆଯାଇଛି। ଦଳ ବିରୋଧରେ ସେ ଆୟୋଗରେ କୌଣସି ଦାବି କରିନାହାଁନ୍ତି। ସେ ନିଜକୁ ରାଷ୍ଟ୍ରୀୟ ଅଧ୍ୟକ୍ଷ ବୋଲି ମଧ୍ୟ ଘୋଷଣା କରିନାହାଁନ୍ତି। ଚିରାଗ ଦାବି କରିଛନ୍ତି ଯେ ରାଷ୍ଟ୍ରୀୟ କାର୍ଯ୍ୟକାରିଣୀରେ ମୋଟ ୭୫ ଜଣ ସଦସ୍ୟ ଅଛନ୍ତି। ଏଥି ମଧ୍ୟରୁ ଆମର ୬୬ ଜଣ ସଦସ୍ୟ ଅଛନ୍ତି ଏବଂ ଆମର ସମସ୍ତଙ୍କର ଆଫିଡେଭିଟ୍ ମଧ୍ୟ ଅଛି ବୋଲି ସେ କହିଛନ୍ତି । ଏହି ପ୍ରସଙ୍ଗରେ ମୁଁ ଉଭୟ ନିର୍ବାଚନ ଆୟୋଗ ଏବଂ କୋର୍ଟରେ ଚ୍ୟାଲେଞ୍ଜ କରିପାରିବି ବୋଲି ଚିରାଗ କହିଛନ୍ତି । ପାଟନାରେ ଏକ ଗୁପ୍ତ ବୈଠକ କରି ସେ ନିଜକୁ ରାଷ୍ଟ୍ରୀୟ ଅଧ୍ୟକ୍ଷ ଭାବରେ ଘୋଷଣା କରିଥିଲେ ମଧ୍ୟ ନିର୍ବାଚନ ଆୟୋଗରେ ସେ କୌଣସି ଦାବି କରିନାହାଁନ୍ତି କିମ୍ବା ନିଜକୁ ଦଳର ଜାତୀୟ ସଭାପତି ବୋଲି ମଧ୍ୟ କହି ନାହାଁନ୍ତି। ସେମାନେ କେବଳ ଜନସାଧାରଣଙ୍କୁ ବିଭ୍ରାନ୍ତ କରୁଛନ୍ତି ବୋଲି ଦିବଙ୍ଗତ ରାମ ବିଳାସ ପାଶୱାନଙ୍କ ପୁତ୍ର ଚିରାଗ ଘୋଷଣା କରିଛନ୍ତି। ମଙ୍ଗଳବାର ଦିନ ପାଟନାରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଚିରାଗ ପାସୱାନ ତାଙ୍କ ଦାଦା ଏବଂ ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ଉପରେ ଜୋରଦାର ହମଲା କରିଥିଲେ। ବିହାରର ବିକାଶ ଉପରେ ପ୍ରଶ୍ନ କରି ଚିରାଗ କହିଛନ୍ତି କି ଏହା କି ପ୍ରକାର ବିକାଶ ହୋଇଛି। ଯେଉଁଠାରେ ଏପରି ଡାକ୍ତରଖାନା ନାହିଁ ଯେଉଁଠାରେ ରାଜ୍ୟର ମୁଖ୍ୟମନ୍ତ୍ରୀ ତାଙ୍କର ଚିକିତ୍ସା କରିପାରିବେ। ତାଙ୍କୁ ଚାର୍ଟାର୍ଡ ବିମାନ ଯୋଗେ ଦିଲ୍ଲୀ ଯାଇ ଚିକିତ୍ସା କରିବାକୁ ପଡିବ । ରୋଜଗାର ଏବଂ ଆଇଟି କ୍ଷେତ୍ରର ବିକାଶ ବିଷୟରେ ସରକାର ଚିନ୍ତା କରନ୍ତି ନାହିଁ । ନିତୀଶ ସରକାର ବିହାରରେ ଦେଢ ବର୍ଷରୁ ଅଧିକ ସମୟ ଚାଲିବ ନାହିଁ ବୋଲି ସେ କହିଛନ୍ତି । ଯେତେ ଶୀଘ୍ର କେନ୍ଦ୍ରରେ କ୍ୟାବିନେଟର ସମ୍ପ୍ରସାରଣ ହେବ, ସେତେବେଳେ ହିଁ ଜେଡିୟୁରେ ଫାଟ ସୃଷ୍ଟି ହେବ । ଚିରାଗ ସିଧାସଳଖ କହିଛନ୍ତି ଯେ ଯେତେବେଳେ ମୋ ବାପା ଜୀବିତ ଥିଲେ, ନୀତୀଶ କୁମାର ତାଙ୍କ ପାର୍ଟିକୁ ଥରେ କିମ୍ବା ଦୁଇଥର ନୁହେଁ ବରଂ ଅନେକ ଥର ଭାଙ୍ଗିବାକୁ ଚେଷ୍ଟା କରିଥିଲେ। ତାଙ୍କ ରାଜନୈତିକ ହତ୍ୟାର ଷଡଯନ୍ତ୍ର ବାରମ୍ବାର ବିଫଳ ହୋଇଥିଲା। ଏ ସମ୍ପର୍କରେ କାକା ସବୁକିଛି ଜାଣନ୍ତି , ଏହା ପରେ ମଧ୍ୟ ସେ ଯାଇ ନୀତୀଶ କୁମାରଙ୍କ କୋଳରେ ବସିଥିଲେ, ଯିଏ ମୃତ୍ୟୁ ପରେ ମଧ୍ୟ ତାଙ୍କ ଭାଇ ଏବଂ ମୋ ବାପାଙ୍କୁ ଶ୍ରଦ୍ଧାଞ୍ଜଳି ଦେଇନଥିଲେ ବୋଲି ଚିରାଗ କହିଛନ୍ତି । ରାମ ଭିଲାସ ପାସୱାନଙ୍କ ମୃତ୍ୟୁର ୯ ମାସ ପରେ ସେ ନିଜର ଅଭିଳାଷ ପୂରଣ କରିବା ପାଇଁ ପାର୍ଟୀ ଏବଂ ପରିବାରକୁ ଭାଙ୍ଗି ଦେଇଥିଲେ। ସୂଚନାଯୋଗ୍ୟ କେନ୍ଦ୍ର ମନ୍ତ୍ରିମଣ୍ଡଳର ସମ୍ପ୍ରସାରଣ ତଥା ଅଦଳବଦଳ ବୁଧବାର ସନ୍ଧ୍ୟା ୬ଟାରେ ଅନୁଷ୍ଠିତ ହେବ। ୨୦୧୯ ମେ’ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦ୍ୱିତୀୟଥର ପାଇଁ ଦାୟିତ୍ୱ ଗ୍ରହଣ କରିବା ପରେ ଏହା ତାଙ୍କ ମନ୍ତ୍ରିମଣ୍ଡଳର ପ୍ରଥମ ସମ୍ପ୍ରସାରଣ । ବୁଧବାର ପୂର୍ବାହ୍ନ ୧୧ଟାରେ କେନ୍ଦ୍ର କ୍ୟାବିନେଟ ବୈଠକ ଡକାଯାଇଛି।
