ନୂଆଦିଲ୍ଲୀ : ରାଜଧାନୀ ଦିଲ୍ଲୀରେ ଏବେ ବଢ଼ୁଛି ଡେଙ୍ଗୁ ରୋଗୀଙ୍କ ସଂଖ୍ୟା । ଯାହା ଏବେ ଧିରେ ଧୀରେ ଅଣାୟତ୍ତ ହେବାରେ ବସିଛି । ଏବେସୁଦ୍ଧା ଏଠାରେ ମୋଟ୍ ମାମଲା ୩୦୦ ଛୁଇଁଛି । ଗତ ଏକ ସପ୍ତାହରେ ମୋଟ୍ ୫୧ ମାମଲା ସାମ୍ନାକୁ ଆସିଛି ।
ଚଳିତ ବର୍ଷ ସେପ୍ଟେମ୍ବର ୯ ସୁଦ୍ଧା ୨୯୫ ଡେଙ୍ଗୁ ମାମଲା ଏଠାରେ ଆସିଥିଲା । କେବଳ ଅଗଷ୍ଟରେ ୭୫ ମାମଲା ସାମ୍ନାକୁ ଆସିଛି । ୨୦୧୭ ପରେ ଏହା ଜାନୁଆରୀ ୧ରୁ ସେପ୍ଟେମ୍ବର ୯ ମଧ୍ୟରେ ଚିହ୍ନଟ ହୋଇଥିବା ସର୍ବାଧିକ ମାମଲା ଅଟେ । ସେତେବେଳେ ଏହି ମାମଲା ୧୧୧୭ ଥିଲା ।
ରିପୋର୍ଟରେ କୁହାଯାଇଛି ଯେ, ଚଳିତବର୍ଷ ଦିଲ୍ଲୀରେ ଡେଙ୍ଗୁରେ କାହାର ମୃତ୍ୟୁ ହୋଇନାହିଁ । ତେବେ ୨୦୧୮ରେ ଦିଲ୍ଲୀରେ ୧୩୭ ମାମଲା, ୨୦୧୯ରେ ୧୨୨, ୨୦୨୦ରେ ୯୬ ଓ ୨୦୨୧ରେ ୧୨୪ ମାମଲା ଚିହ୍ନଟ ହୋଇଥିଲା ।
୨୦୧୫ରେ ୧୦ ହଜାର ମାମଲା
ଏକଦା ଦିଲ୍ଲୀରେ ଡେଙ୍ଗୁ ମାମଲା ଚିନ୍ତାଜନକ ଥିଲା । ୨୦୧୫ ଅକ୍ଟୋବରରେ ୧୦ ହଜାର ୬୦୦ ମାମଲା ସାମ୍ନାକୁ ଆସିଥିଲା । ଯାହା ସବୁଠୁ ଚିନ୍ତାଜନକ ଥିଲା ।
