ୱାଇ ଏସ ଆର୍ କଂଗ୍ରେସ ପକ୍ଷରୁ ଆନ୍ଧ୍ରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଏନ ଚନ୍ଦ୍ରବାବୁ ନାଇଡୁଙ୍କ ବିରୋଧ ରେ ସାଙ୍ଘାତିକ ଅଭିଯୋଗ ଆଣିଛନ୍ତି । ତାଙ୍କ କାର୍ଯ୍ୟକାଳ ମଧ୍ୟରେ ବିବାଦୀୟ ଇସ୍ରାଏଲ୍ ଗୁପ୍ତଚର ପେଗାସସ୍ ବ୍ୟବହାର କରିଛନ୍ତି ସେ ଦାବି କରିଛନ୍ତି। ଆନ୍ଧ୍ରପ୍ରଦେଶର ଶାସକ ଦଳର ମୁଖପାତ୍ର ଗୁଦିଭଡା ଅମରନାଥ ମଧ୍ୟ ଅଭିଯୋଗ କରିଛନ୍ତି ଯେ ନାଇଡୁ ତାଙ୍କ କାର୍ଯ୍ୟକାଳ ମଧ୍ୟରେ ଅନେକ କଲ୍ ଏବଂ ତଥ୍ୟ ସହିତ ଟ୍ୟାମ୍ପରିଂ କରିଛନ୍ତି।
“ପୂର୍ବତନ ସିଏମ୍ ଚନ୍ଦ୍ରବାବୁ ନାଇଡୁ ତାଙ୍କ କାର୍ଯ୍ୟକାଳରେ (2014-19) ପେଗାସସ୍ ସ୍ପାଏୱେୟାର ବ୍ୟବହାର କରିଥିଲେ। କେନ୍ଦ୍ର ସରକାର ଏହାର ଅନୁସନ୍ଧାନ କରିବା ଉଚିତ୍; ସେ ତାଙ୍କ କାର୍ଯ୍ୟକାଳ ମଧ୍ୟରେ YSRCP ର ଅନେକ କଲ୍ ଏବଂ ଡାଟା ସହିତ ଟ୍ୟାମ୍ପରିଂ କରିଥିଲେ ବୋଲି ଅମରନାଥ ଦାବି କରିଛନ୍ତି।
ଅନୁସନ୍ଧାନର ଦାବି କରି ମୁଖପାତ୍ର କହିଛନ୍ତି ଯେ ରାଜନେତା କିମ୍ବା ଶିଳ୍ପପତିଙ୍କ ପାଇଁ ଏହି ସଫ୍ଟୱେୟାର କିଣାଯାଇଛି କି ନାହିଁ କେନ୍ଦ୍ର ଓ ରାଜ୍ୟ ସରକାର ଏହାର ଅନୁସନ୍ଧାନ କରିବା ଉଚିତ। ଏହା ଏକ ଗୁରୁତ୍ୱପୂର୍ଣ୍ଣ ବିଷୟ ଥିବା ବେଳେ, ଏହି ଘଟଣାର ସମ୍ପୂର୍ଣ୍ଣ ଯାଞ୍ଚ କରିବାକୁ ଦାବି କରିଛନ୍ତି ।
ଅନ୍ୟପଟେ ଏହାପୂର୍ବରୁ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଅଭିଯୋଗ କରିଛନ୍ତି ଯେ ନାଇଡୁ ତାଙ୍କ କାର୍ଯ୍ୟକାଳରେ ପେଗାସସ୍ ବ୍ୟବହାର କରିଥିଲେ। ସେ ମଧ୍ୟ ଦାବି କରିଛନ୍ତି ଯେ ଗୁପ୍ତଚର ତାଙ୍କ ସରକାରଙ୍କୁ ଦିଆଯାଇଥିଲା, କିନ୍ତୁ ସେ ଏହାକୁ ପ୍ରତ୍ୟାଖ୍ୟାନ କରିଛନ୍ତି।
ତେବେ ଟେଲିଗୁ ଦେଶମ ପାର୍ଟି ଏହି ଦାବିକୁ ଖଣ୍ଡନ କରି କହିଛନ୍ତି ଯେ ନାଇଡୁ ସରକାର ସେପରି କୌଣସି କ୍ରୟ କରିନାହାଁନ୍ତି। ଟିଡିପି ସମ୍ପାଦକ ନାରା ଲୋକେଶ ଗୁରୁବାର ଦିନ କହିଛନ୍ତି ଯେ “ଆମେ କୌଣସି ଗୁପ୍ତଚର ସାମଗ୍ରୀ କିଣି ନାହୁଁ।
