ଭୁବନେଶ୍ୱର(ସତ୍ୟପାଠ ବ୍ୟୁରୋ): ରାମନବମୀ ଶୋଭାଯାତ୍ରାରେ ଦେଶର ଅନେକ ସ୍ଥାନରେ ହିଂସା ଘଟିଥିବାର ଖବର ସାମ୍ନାକୁ ଆସିଥିଲା । ଏନେଇ ବଲିଉଡ ଅଭିନେତ୍ରୀ ସ୍ୱରା ଭାସ୍କରଙ୍କ ବଡ଼ ବୟାନ ସାମ୍ନାକୁ ଆସିଛି । ତେବେ ବର୍ତ୍ତମାନ ଏଭଳି ଘଟଣା ଏକ ନିତିଦିନିଆ ଜିନିଷରେ ପରିଣତ ହୋଇଛି । ମୁଁ ଭାବୁଛି ସବୁଠାରୁ ଭୟାନକ ବିଷୟ ହେଉଛି ଆମ ଦେଶର ନାଗରିକମାନେ ଅନ୍ୟ ନାଗରିକଙ୍କ ପ୍ରତି ଏପରି କରୁଛନ୍ତି । ଧର୍ମ ନାମରେ ଏହି ସବୁ ଘଟୁଛି । ଆମେ ଅନ୍ୟ କାହାକୁ ଦାୟୀ କରିପାରିବୁ ନାହିଁ । ଏହା କେବଳ ଭାରତର ନାଗରିକଙ୍କ ଦ୍ୱାରା ଘଟୁଛି, ବିଶେଷକରି ଏଭଳି ଘଟଣାରେ ଭାରତର ହିନ୍ଦୁମାନଙ୍କର ନାମ ଆସେ ।
ଅଭିନେତ୍ରୀ ଆହୁରି ମଧ୍ୟ କହିଛନ୍ତି, ଏହା ଗୋଟିଏ ଘଟଣାର ବିଷୟ ନୁହେଁ, ଏହା ବର୍ତ୍ତମାନ ଏକ ନିତିଦିନିଆ ଜିନିଷରେ ପରିଣତ ହୋଇଛି। ଗୋଟିଏ ସପ୍ତାହ କିମ୍ବା କୁହନ୍ତୁ, ପ୍ରତିଦିନ ଏହିପରି ଘଟଣା ସାମ୍ନାକୁ ଆସିବାରେ ଲାଗିଛି । ଖବରକାଗଜରେ ପ୍ରକାଶିତ ଖବର ଅନୁଯାୟୀ ସାମ୍ପ୍ରଦାୟିକ ଦଙ୍ଗାର ପ୍ରାୟ ୭ ଟି ଘଟଣା ଘଟିଛି। ମୁଁ ଭାବୁଛି ଏହି ଘଟଣା ପାଇଁ ଦଙ୍ଗା ଶବ୍ଦ ବ୍ୟବହାର କରିବା ଠିକ୍ ନୁହେଁ । ଏହା ବାସ୍ତବରେ ମାଓବାଦୀ ଆତଙ୍କ । ମୁସଲମାନ ସମ୍ପ୍ରଦାୟକୁ ଆତଙ୍କିତ କରିବା ପାଇଁ ଏହା ଏକ ପ୍ରୟାସ ବୋଲି ସେ କହିଛନ୍ତି। ଏ ଖବର ସାମ୍ନାକୁ ଆସିବା ପରେ ସୋସିଆଲ ମିଡିଆରେ ସ୍ୱରା ଭାସ୍କରଙ୍କୁ ଖୁବ ଟ୍ରୋଲ କରାଯାଉଥିବାର ଦେଖିବାକୁ ମିଳିଛି ।
