ଭୁବନେଶ୍ୱର(ସତ୍ୟପାଠ ବ୍ୟୁରୋ): ଉତ୍ତରପ୍ରଦେଶ ବିଧାନସଭା ନିର୍ବାଚନରେ ଭାରତୀୟ ଜନତା ପାର୍ଟି ବାଜି ମାରିଛି । ସେପଟେ ବିଜେପିକୁ ଚଳିତଥର ବିଧାନସଭା ନିର୍ବାଚନରେ ସମାଜବାଦୀ ପାର୍ଟି କଡ଼ା ଟକ୍କର ଦେଇଥିଲା । ହେଲେ ଦୀର୍ଘ ଦିନ ଧରି ଉତ୍ତରପ୍ରଦେଶର ରାଜନୀତିକୁ ଫେରିବାକୁ ଚେଷ୍ଟା କରୁଥିବା କଂଗ୍ରେସ ପାର୍ଟି ୩୯୯ ଜଣ ପ୍ରାର୍ଥୀଙ୍କ ମଧ୍ୟରୁ ୩୮୭ ଜଣଙ୍କ ଅମାନତ ହରାଇଛନ୍ତି । କଂଗ୍ରେସର କେବଳ ଦୁଇଜଣ ପ୍ରାର୍ଥୀ ସେମାନଙ୍କ ଆସନ ବଞ୍ଚାଇ ପାରିଛନ୍ତି । ସେହିପରି ବହୁଜନ ସମାଜବାଦୀ ପାର୍ଟିର ୪୦୩ ପ୍ରାର୍ଥୀଙ୍କ ମଧ୍ୟରୁ ୨୯୦ ଜଣ ପ୍ରାର୍ଥୀ ଅମାନତ ହରାଇଛନ୍ତି । ଅନ୍ୟପଟେ ଯଦି ଆମେ ଶତକଡ଼ା କଥା କହିବା, ତେବେ ବିଧାନସଭା ନିର୍ବାଚନରେ ଭୋଟ୍ ଦିଆଯାଇଥିବା ମୋଟ ଭୋଟର ମାତ୍ର ୨.୪ ପ୍ରତିଶତ କଂଗ୍ରେସ ପାଇଛି।
ଏହା ମଧ୍ୟ ଯେତେବେଳେ ଦଳ ଚାରିଜଣଙ୍କ ବ୍ୟତୀତ ରାଜ୍ୟର ପ୍ରତ୍ୟେକ ଆସନରେ ନିଜର ପ୍ରାର୍ଥୀ ଦେଇଥିଲା। ଯଦି ଆମେ ୩୩ ଟି ଆସନରେ ପ୍ରତିଦ୍ୱନ୍ଦ୍ୱିତା କରୁଥିବା ରାଷ୍ଟ୍ରୀୟ ଲୋକ ଦଳ (ଆରଏଲଡି) ସହିତ କଂଗ୍ରେସକୁ ତୁଳନା କରିବା, ତେବେ ଆରଏଲଡି ୨.୯ ପ୍ରତିଶତ ଭୋଟ୍ ପାଇଛି, ଯାହା କଂଗ୍ରେସ ଅପେକ୍ଷା ଭଲ। ସେପଟେ ଭାରତୀୟ ଜନତା ପାର୍ଟି ନିଜର ତିନିଜଣ ପ୍ରାର୍ଥୀଙ୍କ ଅମାନତ ହରାଇଛି । ସମାଜବାଦୀ ପାର୍ଟି ୬ ଜଣ ପ୍ରାର୍ଥୀଙ୍କ ଅମାନତ ହରାଇଛି । ସେହିପରି ଆପନା ଦଳ ଏବଂ ନିଶାଦ ପାର୍ଟିର କୌଣସି ପ୍ରାର୍ଥୀ ଅମାନତ ହରାଇ ନାହାନ୍ତି ।
